ମୁମ୍ବାଇ : ଏକାଠି ନଜର ଆସିଲେ ଅଭିନେତ୍ରୀ ରେଖା ଓ ଅଭିନେତା କବିର ବେଦୀ । ନିକଟରେ ଆୟୋଜିତ ଫିଲ୍ମଫେୟାର ଆୱାର୍ଡ କାର୍ଯ୍ୟକ୍ରମରେ ଉଭୟ ଏକାଠି ନଜର ଆସିଥିଲେ । ପରେ ଫଟୋଗ୍ରାଫରମାନଙ୍କୁ ଏକାଠି ଫଟୋ ପୋଜ ବି ଦେଇଥିଲେ, ଯାହା ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହୋଇଛି ।
ଅଭିନେତା କବୀର ନିଜେ ରେଖାଙ୍କ ସହିତ ଉଠାଇଥିବା ଫଟୋକୁ ସୋସିଆଲ ମିଡ଼ିଆରେ ସେୟାର କରିଛନ୍ତି । ପୁଣିଥରେ ଗୋଟିଏ ଫ୍ରେମ୍ରେ ଉଭୟଙ୍କୁ ଦେଖିବା ପରେ ଅନେକ ପ୍ରଶଂସକ ଖୁସିବ୍ୟକ୍ତ କରିଛନ୍ତି । ଏହାକୁ ନେଇ ପ୍ରଶଂସକମାନେ ଭିନ୍ନ ଭିନ୍ନ ମତ ଦେଇଛନ୍ତି । ଅନେକ ପ୍ରଶଂସକ କହିଛନ୍ତି ଯେ,ଏହି ଫଟୋ ଦେଖିବା ପରେ ‘ଖୁନ ଭରି ମାଙ୍ଗ’ ଫିଲ୍ମର କୁମ୍ଭୀର ସିନ୍ ମନେ ପଡ଼ିଗଲା । ପିଲାଦିନର ସ୍ମୃତି ତାଜା ହୋଇଛି ।
ରାକେଶ ରୋଶନଙ୍କ ନିର୍ଦ୍ଦେଶିତ ଫିଲ୍ମ ‘ଖୁନ ଭରି ମାଙ୍ଗ’ରେ ରେଖା ଏବଂ କବୀର ବେଦୀ ଅଭିନୟ କରିଥିଲେ । ଏହି ଫିଲ୍ମ ସେତେବେଳେ ଖୁବ ଲୋକପିୟ ହୋଇଥିଲା । ଏହି ଫିଲ୍ମର କୁମ୍ଭୀର ସିନ୍କୁ ପ୍ରଶଂସକମାନେ ନିିିଶ୍ଚିତ ଭାବେ ମନେ ରଖିଥିବେ ।
Comments are closed.