ମୁମ୍ବାଇ : ମୋତେ କୌଣସି ଫିଲ୍ମରେ ହିରୋ ହୋଇ ଅଭିନୟ କରିବାର ନାହିଁ । ମୋତେ ନିର୍ଦ୍ଦେଶନା ଦେବାକୁ ପସନ୍ଦ । ତେଣୁ ଅଭିନୟ ନୁହେଁ, ମୁଁ ନିର୍ଦ୍ଦେଶକ ହେବାକୁ ଚାହେଁ ବୋଲି କହିଛନ୍ତି ବଲିଉଡ଼ର କିଙ୍ଗ୍ ଖାନ୍ଙ୍କ ପୁଅ ଆର୍ଯ୍ୟନ୍ ଖାନ୍ । ଏବେ ସେ ଏକ ୱେବସିରିଜ୍ରେ ନିର୍ଦ୍ଦେଶନା ଦେବାକୁ ଯାଉଛନ୍ତି । ଯାହାର ନାଁ ରହିଛି ଷ୍ଟାରଡ଼ମ୍ । ଏହା ୬ଟି ଏପିସୋଡ୍ ସହିତ ଏକ ଷ୍ଟ୍ରିମିଂ ଶୋ ହେବ । ଏହି ୱେବସିରିଜ୍ ନିଜ ପ୍ରଡ଼କ୍ସନ ହାଉସରେ ନିର୍ମିତ ହେବ ।
ଆର୍ଯ୍ୟନ୍ ଖାନ୍ ଏବେ ବେଶ୍ ଚର୍ଚ୍ଚାରେ । ନିକଟରେ ଶାହରୁଖ ଏକ ବିଜ୍ଞାପନରେ ଅଭିନୟ କରିଥିଲେ, ଯାହାକୁ ଆର୍ଯ୍ୟନ୍ ନିଜେ ନିର୍ଦ୍ଦେଶନା ଦେଇଥିଲେ । ତେଣୁ ସେ ନିର୍ଦ୍ଦେଶନା କ୍ଷେତ୍ରରେ ନିଜର ପରିଚୟ ସୃଷ୍ଟି କରୁଛନ୍ତି । ନିକଟରେ ଏକ ସାକ୍ଷାତ୍କାରରେ ଶାହରୁଖ କହିଥିଲେ ଯେ, ଆର୍ଯ୍ୟନ୍ ଅଭିନୟରେ କ୍ୟାରିୟର କରିବାକୁ ଆଗ୍ରହୀ ନୁହଁନ୍ତି । କିନ୍ତୁ ସେ ନିର୍ଦ୍ଦେଶକ ହେବାର ସ୍ୱପ୍ନ ଦେଖନ୍ତି ।
Comments are closed.