ପାକିସ୍ତାନ:ସୋସିଆଲ ମିଡ଼ିଆରେ ଅଜବ ଅଜବ ଭିଡ଼ିଓ ଅଧିକାଂଶ ସମୟ ଦେଖିବାକୁ ମିଳିଥାଏ । ଏବେ ସେମିତି ଏକ ଭିଡ଼ିଓ ଭାଇରାଲ ହେଉଛି, ଯାହାକୁ ଦେଖିଲେ ଆପଣ ହସି ହସି ଗଡ଼ିଯିବେ । ଏବେ ପାକିସ୍ତାନର ଜଣେ ବ୍ୟକ୍ତି ଏମିତି କାରର ଡ଼ିଜାଇନ୍ କରିଛନ୍ତି, ଯେଉଁଥିରେ ତାଙ୍କ ପିଲାମାନେ ପଛରେ ପିଞ୍ଜରା ଭିତରେ ବସିଲା ପରି ଲାଗୁଛନ୍ତି ।
ଭିଡ଼ିଓରେ ଦେଖିବାକୁ ମିଳିଛି, ପାକିସ୍ତାନ ଜଣେ ବ୍ୟକ୍ତି ତାଙ୍କ ପୁରା ପରିବାର ସଦସ୍ୟଙ୍କ ସହ ଏକ କାରରେ ଯାଉଛନ୍ତି । ପିଲାମାନେ ବସିବା ପାଇଁ ଜାଗା ନ ହେବାରୁ ସେ କାରର ପଛରେ ବସିଛନ୍ତି । ସେହି ପିଲାମାନେ ଏମିତି ବସିଛନ୍ତି ଯେମିତି କୌଣସି ପିଞ୍ଜରା ଭିତରେ ପଶିଲା ପରି ଲାଗୁଛନ୍ତି । କାର ପଛରେ ଯାଉଥିବା କିଛିଲୋକ ଏହି ଭିଡ଼ିଓ ପ୍ରସ୍ତୁତ କରିଛନ୍ତି । ଭିଡିଓରେ ସେ କହୁଛନ୍ତି ଯେ, ଏହି ଭିଡିଓ କରାଚିରୁ ଆସିଛି । କରାଚି ଏତେ ଅଗ୍ରଗତି କରିଛି! ତିନୋଟି ପିଲା କାରର ପଛରେ ପଞ୍ଜୁରୀ ଭିତରେ ବସିଥିବା ଦେଖିବାକୁ ଲାଗିଛି । କମ୍ ଜାଗାରେ ତିନୋଟି ପିଲା ଜାକିଜୁକି ହୋଇ ବସିଛନ୍ତି । ରାସ୍ତାରେ ଯାଉଥିବା ସମସ୍ତ ଲୋକ ପିଲାମାନଙ୍କ ଏପରିଗାଡ଼ି ପଛରେ ବସିବା ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି ।
ଏହି ଭିଡ଼ିଓ ଦେଖିବା ପରେ ଅନେକ ଲୋକ ନକରାତ୍ମକ ମନ୍ତବ୍ୟ ଦେଇଛନ୍ତି । କେହି କେହି ଉକ୍ତ କାର ଚାଳକଙ୍କୁ ଗିରଫ କରାଯିବା ଉଚିତ୍ ବୋଲି କହିଥିବା ବେଳେ ଆଉ କେହି ମାନବ ଚାଲାଣ କରାଯାଉଥିବା ଲାଗୁଛି । ଏହା ଅତ୍ୟନ୍ତ ବିପଜ୍ଜନକ । ଏହାକୁ ପ୍ରୋତ୍ସାହିତ କରାଯିବା ଉଚିତ୍ ନୁହେଁ ବୋଲି କହିଛନ୍ତି ।
Comments are closed.