ମୁମ୍ବାଇ: ଆରଆରଆର ଫିଲ୍ମର ଅଦ୍ଭୁତପୂର୍ବ ସଫଳତା ପରେ ଜୁନିୟର ଏନଟିଆରଙ୍କ ଆଗାମୀ ଫିଲ୍ମ ପ୍ରତି ଦର୍ଶକଙ୍କ ଉତ୍କଣ୍ଠା ବୃଦ୍ଧି ପାଇବା ସ୍ୱାଭାବିକ । ଆୟନ ମୂର୍ଖାଜୀଙ୍କ ୱାର ୨ରେ ସେ ହ୍ରିତିକ ରୋଶନଙ୍କ ବିପକ୍ଷରେ ନେେଗେଟିଭ ରୋଲ କରିବାକୁ ରାଜି ହୋଇଛନ୍ତି । ତେବେ ପିଙ୍କ ଭିଲ୍ଲାରେ ପ୍ରକାଶିତ ରିପୋର୍ଟ ଅନୁସାରେ ଜୁନିୟର ଏନଟିଆର ଏଥିପାଇଁ ୩୦ କୋଟି ଟଙ୍କା ଦାବୀ କରିଛନ୍ତି । ୟଶରାଜ ସ୍ପାଏ ୟୁନିଭର୍ସର ୱାର ୨ରେ ଆଦିତ୍ୟ ଚୋପ୍ରା ଏନଟିଆରଙ୍କ ବଦଳରେ ଅନ୍ୟ କାହାକୁ ନେବା କଥା ଚିନ୍ତା କରୁ ନାହାନ୍ତି ବୋଲି ସ୍ପଷ୍ଟ କରିଛନ୍ତି । ୟଶରାଜ ପ୍ରଡକ୍ସନ କିମ୍ବା ଜୁନିୟର ଏନଟିଆରଙ୍କ ପକ୍ଷରୁ ଏ ନେଇ କୌଣସି ବୟାନ ଜାରୀ କରାଯାଇ ନାହିଁ ।
୨୦୧୯ରେ ରିଲିଜ ହୋଇଥିବା ୱାରରେ ହ୍ରିତିକ ଓ ଟାଇଗର ଶ୍ରଫ ଏକତ୍ର ଅଭିନୟ କରିଥିଲେ । ଏହା ସୁପରହିଟ ମଧ୍ୟ ହୋଇଥିଲା । ଅନ୍ୟ ଏକ ରିପୋର୍ଟ ଅନୁସାରେ ଜୁନିୟର ଏନଟିଆରଙ୍କୁ ସାଉଥରେ ୧୦୦ କୋଟି ପର୍ଯ୍ୟନ୍ତ ଅଫର କରାଯାଉଛି । ସେ ଏବେ କୋରତାଲା ଶିବାଙ୍କ ଏନଟିଆର ୩୦ ଓ ପ୍ରଶାନ୍ତ ନୀଲଙ୍କ ଏକ ଫିଲ୍ମରେ ମଧ୍ୟ ସେ ଅଭିନୟ କରୁଛନ୍ତି ।
Comments are closed.