ଓଡ଼ିଶା ସମ୍ବାଦ ବ୍ୟୁରୋ: ପାକିସ୍ତାନ ଜେଲରୁ ମୁକ୍ତ ହେଲେ ଆଉ ୨୦୦ ମତ୍ସ୍ୟଜୀବୀ। ପାକିସ୍ତାନ କର୍ତ୍ତୃପକ୍ଷ ଭାରତୀୟ ମତ୍ସ୍ୟଜୀବୀଙ୍କୁ ମୁକ୍ତ କରିଛନ୍ତି। ମୁକ୍ତ ଭାରତୀୟ ମତ୍ସ୍ୟଜୀବୀମାନେ ଗୁଜୁରାଟର ବାସିନ୍ଦା। ସେମାନଙ୍କ ମଧ୍ୟରେ ଗୁଜୁରାଟର ସର୍ବାଧିକ ୧୭୧ ମତ୍ସ୍ୟଜୀବୀ ଅଛନ୍ତି। ଏହା ପରେ ଡିୟୁରୁ ୧୫, ମହାରାଷ୍ଟ୍ରରୁ ୬, ଉତ୍ତରପ୍ରଦେଶରୁ ୫ ଏବଂ ବିହାରରୁ ୩ ଜଣ ଅଛନ୍ତି।
ପାକିସ୍ତାନ କର୍ତ୍ତୃପକ୍ଷ ମୁକ୍ତ ମତ୍ସ୍ୟଜୀବୀଙ୍କୁ ଭାରତୀୟ ଅଧିକାରୀଙ୍କୁ ହସ୍ତାନ୍ତର କରିବା ପରେ ସେମାନଙ୍କୁ ସ୍ୱତନ୍ତ୍ର ରେଳ ଯୋଗେ ସୋମାବାର ବରୋଦା ପଠାଯାଇଛି। ଏହି ମତ୍ସ୍ୟଜୀବୀମାନେ ପାକିସ୍ତାନୀ ସାମୁଦ୍ରିକ ସୁରକ୍ଷା ଏଜେନ୍ସି ଦ୍ୱାରା ଧରାପଡିଥିଲେ। ପାକିସ୍ତାନ ଜଳସୀମାରେ ବେଆଇନ ମାଛ ଧରିବା ଅଭିଯୋଗରେ ୨୦୧୯ ରୁ ୨୦୨୨ ମଧ୍ୟରେ ଗିରଫ ହୋଇଥିଲେ। ତେବେ ତାଙ୍କୁ ପାକିସ୍ତାନର କରାଚି ଜେଲରୁ ମୁକ୍ତ କରାଯାଇଥିଲା। ଏହା ପରେ ତାଙ୍କୁ ପାକିସ୍ତାନ ପ୍ରଶାସନ ପକ୍ଷରୁ ୱାଗା ସୀମାକୁ ଅଣାଯାଇଥିଲା। ଏଠାରେ ତାଙ୍କୁ ଭାରତ ହସ୍ତାନ୍ତର କରାଯାଇଥିଲା।
ମତ୍ସ୍ୟଜୀବୀଙ୍କ ସ୍ୱାସ୍ଥ୍ୟ ଯାଞ୍ଚ ପରେ ସେମାନଙ୍କର ଯାଞ୍ଚ କରାଯାଇଥିଲା। ଏହା ପରେ ରବିବାର ବିଳମ୍ବିତ ରାତିରେ ତାଙ୍କୁ ଏଠାରୁ ଏକ ସ୍ୱତନ୍ତ୍ର ଟ୍ରେନ୍ ଯୋଗେ ବରୋଦାକୁ ଅଣାଯାଇଥିଲା। ବରୋଦାଠାରୁ ସେମାନଙ୍କୁ ଏକ ବସ୍ ରେ ଭେରାଭାଲକୁ ନିଆଯାଇଥିଲା। ଏହି ମତ୍ସ୍ୟଜୀବୀମାନେ ଭେରାଭାଲରେ ପହଞ୍ଚିବା ପରେ ସେମାନଙ୍କ ସମ୍ପର୍କୀୟଙ୍କୁ ଭେଟିଲେ। ସୂଚନା ଥାଉକି ଏହାପୂର୍ବରୁ ଦୁଇଟି ପର୍ଯ୍ୟାୟରେ ୨୦୦ ଜଣ ଓ ୧୮୪ ଜଣ ମତ୍ସ୍ୟଜୀବୀଙ୍କୁ ମୁକ୍ତ କରିଥିଲା ପାକିସ୍ତାନ କର୍ତ୍ତୃପକ୍ଷ।
Comments are closed.