ମୁମ୍ବାଇ: ଅଭିନେତ୍ରୀ ଜ୍ୟାକ୍ଲିନ୍ ଫର୍ନାଣ୍ଡିସ୍ ମୁମ୍ବାଇରେ ଏକ ନୂଆ ବିଳାସପୂର୍ଣ୍ଣ ଘର କିଣିଛନ୍ତି । ଏହି ନୂଆ ଘର ବାନ୍ଦ୍ରା ୱେଷ୍ଟର ପାଲି ହିଲ୍ ଅଞ୍ଚଳରେ ରହିଛି । ଏହି ନୂଆ ଘରର କିଛି ଫଟୋ ନିଜେ ଜ୍ୟାକ୍ଲିନ୍ ସୋସିଆଲ ମିଡ଼ିଆରେ ସେୟାର କରିଛନ୍ତି । ଏହି ବିଳାସପୂର୍ଣ୍ଣ ଘରେ ଏକ ପୁଲ, ଜିମ୍ ଏବଂ ସୁନ୍ଦର କୋଠରି ସବୁ ରହିଛି । ୧୨ କୋଟି ଟଙ୍କା ମୂଲ୍ୟରେ ସେ ଏହି ଘର କିଣିଛନ୍ତି ।
ଅଭିନେତ୍ରୀ ଜ୍ୟାକ୍ଲିନ୍ ଯେଉଁଠି ଘର କିଣିଛନ୍ତି ସେଠାରେ ବହୁ ବଲିଉଡ୍ ଷ୍ଟାର ବି ରହୁଛନ୍ତି । ରଣବୀର କପୁର-ଆଲିଆ ଭଟ୍ଟ, କରୀନା କପୁର-ସୈଫ୍ ଅଲି ଖାନଙ୍କ ଭଳି ଷ୍ଟାର ଜ୍ୟାକ୍ଲିନ୍ଙ୍କ ଘର ନିକଟରେ ରହୁଛନ୍ତି । ସଲମାନ ଖାନ ଏବଂ ଶାହାରୁଖ ଖାନ୍ଙ୍କ ଘର କିଛି ଦୂରରେ ରହିଛି । ଦୀପିକା ପାଦୁକୋନ ଏବଂ ରଣବୀର ସିଂଙ୍କ ନୂଆ ଘର ଏଠାରେ ତିଆରି ଚାଲିଛି ।
ଜ୍ୟାକ୍ଲିନ୍ଙ୍କ ନୂଆ ଘର ପାଲି୍ ହିଲ୍ର ନାଭ୍ରୋଜ ବିଲ୍ଡିଂରେ ଅଛି । ଏହି ବିଲ୍ଡିଂର ସମସ୍ତ ଘର ୧୧୧୯ ବର୍ଗଫୁଟ ଏବଂ ୧୫୫୭ ବର୍ଗଫୁଟ ଏରିଆରେ ତିଆରି ହୋଇଛଇ । ସମସ୍ତ ଆପାର୍ଟମେଣ୍ଟ ୩ ବିଏଚ୍କେ ଏବଂ ୪ ବିଏଚ୍କେ ରହିଛି । ଏହି ଖବର ପାଇବା ପରେ ତାଙ୍କ ପ୍ରଶଂସକମାନେ ଶୁଭେଚ୍ଛା ଜଣାଇଛନ୍ତି ।
Comments are closed.