ନୂଆଦିଲ୍ଲୀ: ବ୍ରାଜିଲର ଲୋକପ୍ରିୟ ଫୁଟବଲ ଖେଳାଳି ଜୁନିୟର ନେମାର ସାଉଦି ଆରବର ଅଲ ହିଲାଲ କ୍ଲବ ସହ ଚୁକ୍ତିବଦ୍ଧ ହୋଇଛନ୍ତି । ଏଥିସହ ସେ ପିଏସଜି କ୍ଲବ ଛାଡିଛନ୍ତି । ଅଲ ହିଲାଲ ଟ୍ରାନ୍ସଫର ଫି ବାବଦକୁ ପିଏସଜିକୁ ୯୦ ମିଲିୟନ ୟୁରୋ ଦେଇଥିବା ଖବର ପ୍ରକାଶ ପାଇଛି । ବର୍ଷକୁ ୧୦୦ ମିଲିୟନ ୟୁରୋ ସହିତ ନେମାରଙ୍କ ସହ ଚୁକ୍ତି କରାଯାଇଥିବା ଅନୁମାନ କରାଯାଉଛି । ଏ ନେଇ ବିଧିବଦ୍ଧ ଭାବେ କୌଣସି ବୟାନ ଜାରୀ କରାଯାଇ ନାହିଁ । ୬ ମାସ ମଧ୍ୟରେ ସାଉଦି ପ୍ରୋ ଲିଗରେ ୟୁରୋପର ୨୨ ଖେଳାଳି ସାମିଲ ହୋଇ ସାରିଛନ୍ତି । ଏମାନଙ୍କ ମଧ୍ୟରେ କ୍ରିଷ୍ଟିଆନ ରୋନାଲ୍ଡୋ, କରୀମ ବେଞ୍ଜେମା, ସାଉଦି ମାନେ, ରିୟାଦ ମହରେଜ, ଫାବିନୋ, ଜୋର୍ଡାନ ହେଣ୍ଡରସନ,ରୋବେର୍ତୋ ଫିିମିନୋ, କାଲିଡୋ କୋଉଲିବେ ଓ ଏନ.ଗୋଲୋ କାଂଟେ ସାମିଲ ।
୨୦୧୭ରେ ନେମାର ୨୨୨ ମିଲିୟନ ୟୁରୋରେ ପିଏସଜି ସହ ଚୁକ୍ତିବଦ୍ଧ ହୋଇଥିଲେ । ସେ କ୍ଲବ ପକ୍ଷରୁ ୧୭୩ ମ୍ୟାଚ ଖେଳି ୧୧୮ ଗୋଲ ସ୍କୋର କରିଥିଲେ । ଗତ ମାସରେ ଅଲ ହିଲାଲ ୩୦୦ ମିଲିୟନ ୟୁରୋ କିଲିୟନ ଏମ୍ବାପ୍ପେଙ୍କୁ ଅଫର କରିଥିଲେ ମଧ୍ୟ ସେ ରାଜି ହୋଇ ନ ଥିଲେ । ଅପରପକ୍ଷରେ ଅଲ ହିଲାଲ କ୍ଲବର ପ୍ରଦର୍ଶନ ବୃଦ୍ଧି ପାଇବାରେ ଲାଗିଛି । ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରି ଦଳ ୬୬ ଟ୍ରଫି ହାସଲ କରିସାରିଛି । ଏଥିରେ ୧୮ ପ୍ରଫେଶନାଲ ଲିଗ ଟାଇଟଲ ରହିଛି ।
Comments are closed.