ମୁମ୍ବାଇ: ବଲିଉଡ଼ ଅଭିନେତା ପଙ୍କଜ ତ୍ରିପାଠୀଙ୍କ ବାପା ବନାରସ ତ୍ରିପାଠୀଙ୍କ ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୯୮ ବର୍ଷ ବୟସ ହୋଇଥିଲା । ବିହାରର ପୈତୃକ ଗାଁ ବଲସଣ୍ଡରେ ତାଙ୍କର ମୃତ୍ୟୁ ହୋଇଛି । ବୟସାଧିକ ଯୋଗୁ ତାଙ୍କର ମୃତ୍ୟୁ ହୋଇଥିବା ଜଣାଯାଇଛି । ବାପାଙ୍କ ମୃତ୍ୟୁରେ ପଙ୍କଜ ପୁରା ଭାଙ୍ଗି ପଡ଼ିଛନ୍ତି ।
ବାପାଙ୍କ ମୃତ୍ୟୁ ଖବର ପାଇବା ପରେ ପଙ୍କଜ ସଙ୍ଗେ ସଙ୍ଗେ ନିଜ ଗାଁକୁ ଯାଇଛନ୍ତି । ପୈତୃକ ଗାଁ ଶ୍ମଶାନରେ ହିଁ ତାଙ୍କ ବାପାଙ୍କର ଅନ୍ତିମ ସଂସ୍କାର କରାଯିବ । ନିକଟରେ ରିଲିଜ୍ ହୋଇଥିବା ଫିଲ୍ମ ‘ଓଏମ୍ଜି-୨’ ପଙ୍କଜ ଅଭିନୟ କରିଛନ୍ତି । ଏଥିରେ ତାଙ୍କ ଚିତାକର୍ଷକ ଅଭିନୟକୁ ଲୋକେ ଖୁବ୍ ପସନ୍ଦ କରିଛନ୍ତି । ଫିଲ୍ମର ସଫଳତାକୁ ନେଇ ସେ ଖୁସି ଥିବା ବେଳେ ବାପାଙ୍କୁ ହରାଇ ପୁରା ଭାଙ୍ଗି ପଡ଼ିଛନ୍ତି । ସେ ଅନେକ ଧାରାବାହିକ ଓ ଫିଲ୍ମରେ ମଧ୍ୟ ଅଭିନୟ କରିଛନ୍ତି । ତାଙ୍କର ଭଲ ଅଭିନୟ ଯୋଗୁ ସେ ଘରେ ଘରେ ପରିଚିତ ହୋଇପାରିଥିଲେ ।
Comments are closed.