କେରଳ: ୪୫ ହଜାର ଟଙ୍କାରେ ରୋଲ୍ସ ରଏ୍ସ । ଏହା ଶୁଣିବା ପରେ ଆପଣଙ୍କୁ ଟିକେ ଖଟକା ଲାଗିପାରେ । କାରଣ ଏବେ ଆପଣ ଭାବୁଥିବେ ଏତେ ଦାମୀ କାର ପୁଣି ୪୫ ହଜାର ଟଙ୍କାରେ । ହଁ.. । ଘଟଣାଟି ପୁରା ସତ । କେରଳ ଜଣେ ଯୁବକ ଏଭଳି କିିଛି କରି ଚର୍ଚ୍ଚାକୁ ଆସିଛନ୍ତି । ଏହି କାରର ଭିଡ଼ିଓ ଓ ଫଟୋ ଏବେ ସୋସିଆଲ ମିଡ଼ିଆରେ ଘୂରି ବୁଲୁଛି ।
ହଦିଫ ନାମକ ଜଣେ ଯୁବକ କେରଳର ବାସିନ୍ଦା । ସେ ତାଙ୍କ ୟୁଟ୍ୟୁବ ଚ୍ୟାନେଲରେ ଏହି କାରର ଫଟୋ ଓ ଭିଡ଼ିଓ ସେୟାର କରିଛନ୍ତି । ଏହା ସହିତ କାର ସହ ଜଡିତ କିଛି ବିବରଣୀ ମଧ୍ୟ ସେୟାର କରିଛନ୍ତି । ହଦିଫ କହିଛନ୍ତି ଯେ, ମୋତେ ସବୁବେଳେ କିଛି ନୂଆ କରିବାକୁ ଭଲ ଲାଗେ । ମୋ ପାଖରେ ଏକ ମାରୁତି ୮୦୦ କାର ଥିଲା । ଏହାକୁ କିପରି ପରିବର୍ତ୍ତନ କରି ନିଆରା ଗାଡ଼ିରେ ପରିଣତ କରିବି ସେନେଇ ଚିନ୍ତା କରୁଥିଲି । ପରେ ମାରୁତି ୮୦୦ କାରରେ ମାତ୍ର ୪୫ ହଜାର ଟଙ୍କା ଖର୍ଚ୍ଚ କରି ରୋଲ୍ସ ରଏସରେ ପରିଣତ କରିବାରେ ସଫଳ ହେଲି । ମୋର ଏହି ନୂଆ ଗାଡ଼ିକୁ ଲୋକେ ଖୁବ୍ ପସନ୍ଦ କରିବା ସହ ଆଶ୍ଚର୍ଯ୍ୟ ହୋଇଯାଇଛନ୍ତି । ମୋର ଗାଡ଼ିର ଲୁକ୍ ବି ଲୋକଙ୍କ ଦୃଷ୍ଟି ଆକର୍ଷଣ କରିଛି ।
ଏହି ଭିଡ଼ିଓ ଦେଖିବା ପରେ ଲୋକେ ଯୁବକଙ୍କ ଉଦ୍ୟମକୁ ଢେର୍ ପ୍ରଶଂସା କରିଛନ୍ତି ।
Comments are closed.