ରାଜସ୍ଥାନ: ଆଜିକାଲି ବଡ଼ ବଡ଼ ସହରରେ ଯୁବକଯୁବତୀମାନେ ବିବାହ ପୂର୍ବରୁ ଲିଭ୍ ଇନ୍ ରିଲେସନ୍ଶିପ୍ ରହିବା ଏକ ପ୍ରକାର ଫ୍ୟାଶନ ହୋଇଗଲାଣି । ତଥାପି ଛୋଟ ସହର ହେଉ ବା ଗାଁଗୁଡିକରେ ଏପରି ସମ୍ପର୍କକୁ ସହଜରେ ଗ୍ରହଣ କରାଯାଏ ନାହିଁ । କିନ୍ତୁ ଭାରତରେ ଏପରି ଏକ ସ୍ଥାନ ଅଛି, ଯେଉଁଠାରେ ଲିଭ୍-ଇନ ରିଲେସନ୍ଶିପ୍କୁ ମାତାପିତା ନିଜ ପିଲାମାନଙ୍କୁ ଅନୁମତି ଦିଅନ୍ତି । କେବଳ ଏତିକି ନୁହେଁ, ଏଠାରେ ଯୁବତୀମାନେ ବିବାହ ପୂର୍ବରୁ ମଧ୍ୟ ମାଆ ହେବା ସାଧାରଣ କଥା ।
ଗୁଜୁରାଟ ଓ ରାଜସ୍ଥାନରେ ରହୁଥିବା ଗରାସିଆ ଜନଜାତିରେ ଏପରି ଦେଖିବାକୁ ମିଳେ । ଏହି ଜନଜାତିର ଯୁବକଯୁବତୀ ବିବାହ ନ କରି ଏକାଠି ରୁହନ୍ତି । ଏଠାରେ ଯୁବକଯୁବତୀଙ୍କ ବିବାହ ପାଇଁ ଦୁଇ ଦିନିଆ ମେଳା ଆୟୋଜନ କରାଯାଏ । ଗ୍ରାମର ଝିଅ ଏବଂ ପୁଅମାନେ ଏହି ମେଳାରେ ଏକାଠି ହୁଅନ୍ତି । ଯଦି କୌଣସି ପୁଅ ଝିଅକୁ ପସନ୍ଦ କରେ, ତେବେ ସେ ମେଳାରୁ ପୁଅ ସହ ତାଙ୍କ ଘରକୁ ଯାଇଥାନ୍ତି । ତା’ପରେ ସେମାନେ ବିବାହ ନ କରି ପରସ୍ପର ସହିତ ରହିବା ଆରମ୍ଭ କରନ୍ତି । ଏହି ସମୟ ମଧ୍ୟରେ, ସେମାନଙ୍କର ଏକ ସନ୍ତାନ ମଧ୍ୟ ହୋଇପାରେ ଯାହା ସେମାନଙ୍କର ଇଚ୍ଛା ଅନୁଯାୟୀ ଘଟେ ।
ତା’ପରେ ଝିଅ ନିଜ ଗାଁକୁ ଫେରିଯାଏ । ପରେ ସେହି ଯୁବକଯୁବତୀଙ୍କ ବିବାହ ଦୁଇ ପରିବାରର ସହମତିରେ କରାଯାଏ । ଏହି ଜନଜାତିରେ ଏପରି ନିଆରା ପରମ୍ପରା କେଉଁକାଳରୁ ପ୍ରଚଳିତ ହୋଇ ଆସୁଛି,ଯାହାକୁ ପ୍ରତ୍ୟେକ ଲୋକ ମାନିଆସୁଛନ୍ତି ।
Comments are closed.