ମୁମ୍ବାଇ : ବଲିଉଡ ଅଭିନେତ୍ରୀ ଦିଶା ପଟାନି ଅଧିକାଂଶ ସମୟ ତାଙ୍କ ବ୍ୟକ୍ତିଗତ ଏବଂ ବୃତ୍ତିଗତ ଜୀବନକୁ ନେଇ ଚର୍ଚ୍ଚାରେ ରହିଥାନ୍ତି । ଏବେ ଦିଶା ପାଟାନିଙ୍କ ଏକ ନୂତନ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ ତାଙ୍କୁ ବିମାନବନ୍ଦରରେ ପୋଲିସ ଅଟକାଇ ତନ୍ନ ତନ୍ନ କରି ଯାଞ୍ଚ କରାଯାଉଥିବା ଦେଖିବାକୁ ମିଳିଛି ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ମୁମ୍ବାଇ ବିମାନବନ୍ଦରରେ ଅଭିନେତ୍ରୀ ଦିଶା ତାଙ୍କ କାରରୁ ଓହ୍ଲାଇ ବିମାନବନ୍ଦର ଭିତରକୁ ଯାଉଛନ୍ତି । ଏହି ସମୟରେ ଦିଶାଙ୍କୁ ପ୍ରବେଶ କରିବାକୁ ବାରଣ କରାଯାଇଛି । ଜଣେ ସିଏସଏଫ ସୁରକ୍ଷା କର୍ମୀ ଅଭିନେତ୍ରୀଙ୍କୁ କିଛି ଡକ୍ୟୁମେଣ୍ଟ ବିଷୟରେ ପଚାରୁଥିବାର ଦେଖାଯାଉଛି, ଯାହା ଦିଶା ତାଙ୍କ ମୋବାଇଲରେ ଫଟୋ ମାଧ୍ୟମରେ ଦେଖାଉଛନ୍ତିି । ଏହା ପରେ ସୁରକ୍ଷା କର୍ମୀମାନେ ସେହି ଡ଼କ୍ୟୁମେଣ୍ଟଗୁଡ଼ିକର ଓରଜିନାଲ କପି ଦେଖିବାକୁ କହୁଛନ୍ତି । ଦିଶା ନିଜ ବ୍ୟାଗରେ ଏହା ଖୋଜୁଥିବା ଦେଖାଯାଉଛି । ଶେଷରେ ଅଭିନେତ୍ରୀ ଡକ୍ୟୁମେଣ୍ଟକୁ ସୁରକ୍ଷା କର୍ମୀଙ୍କୁ ଦେଖାଇ ବିମାନବନ୍ଦରରେ ପ୍ରବେଶ କରୁଛନ୍ତି ।
ଆଗାମୀ ଦିନରେ ଦିଶା ପାଟାନି ଅକ୍ଷୟ କୁମାରଙ୍କ କମେଡି ଫିଲ୍ମ ଫ୍ରାଞ୍ଚାଇଜ ୱେଲକମ୍-୩ ରେ ନଜର ଆସିବେ । ଅନ୍ୟପକ୍ଷରେ ଭେଟେରାନ ସାଉଥ ସିନେମା ଅଭିନେତା ସୂର୍ଯ୍ୟଙ୍କ ସହ ଦିଶା ଫିଲ୍ମ ‘କଙ୍ଗୁଭା’ରେ ମୁଖ୍ୟ ଭୂମିକାରେ ଅଛନ୍ତି ।
Comments are closed.