୨୪ ଘଣ୍ଟାରେ ମାତ୍ର ୪ ସେକେଣ୍ଡ ପାଇଁ ଶୋଇଥାଏ ଏହି ପ୍ରାଣୀ, ବୈଜ୍ଞାନିକ ବି ଜାଣି ହେଲେ ଆଶ୍ଚର୍ଯ୍ୟ…

ଭୁବନେଶ୍ଵର: ମଣିଷ ହେଉ କି ପଶୁ-ପକ୍ଷୀ । କ୍ଳାନ୍ତ ତ ସମସ୍ତେ ହୋଇଥାନ୍ତି । ଖାସକରି ସେତେବେଳେ ଯେତେବେଳେ ସେମାନଙ୍କ ପାଖରେ ଛୋଟ ଛୁଆକୁ ସମ୍ଭାଳିବାର ଦାୟିତ୍ଵ ରହିଥାଏ । ଗୋଟେ ନବଜାତ ଶିଶୁର ଦେଖାଶୁଣା କରିବା ବେଳେ ପ୍ରାୟ ବାପା-ମା ମାନେ ଶୋଇପାରନ୍ତି ନାହିଁ । କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଗୋଟେ ପ୍ରଜାତିର ପ୍ରାଣି ଏହି ସବୁ ସମସ୍ୟାର ସମାଧାନ ବାହାର କରିଛି । ଏହି ପ୍ରଜାତିର ପେଙ୍ଗୁଇନ ଦେଇଥିବା ଅଣ୍ଡାର ରକ୍ଷଣାବେକ୍ଷଣା କରିବା ସହ ମଣିଷ ଠାରୁ ଅଧିକ ସମୟ ମଧ୍ୟ ଶୋଇଥାନ୍ତି । ଆଣ୍ଟାର୍କଟିକାରେ ପେଙ୍ଗୁଇନ ମାନଙ୍କର ଶୋଇବାକୁ ନେଇ ହୋଇଥିବା ଏକ ରିସର୍ଚ୍ଚରେ କୁହାଯାଇଛି ଯେ, ପେଙ୍ଗୁଇନ ମାନଙ୍କର ଶୋଇବା ଶୈଳୀରୁ ଏହା ଜଣା ପଡିଥାଏ ଯେ ସେମାନେ ସେମାନଙ୍କର ଛୁଆ ପ୍ରତି ଦାୟିତ୍ଵ ପୂରଣ କରିବାବେଳେ ସେମାନଙ୍କର ନିଦକୁ କିପରି ସଂପୂର୍ଣ୍ଣ କରିପାରିବେ |

ପେଙ୍ଗୁଇନ ମାନଙ୍କର ମାଇକ୍ରୋ ସ୍ଲିପ୍ ତଥା ଆଖି କୁ ମିଟି ମିଟି କରିବା ପୁରା ୪ ସେକେଣ୍ଡ ପାଇଁ ହୋଇଥାଏ । ଏପରି ସେ ଦିନକୁ ଅନେକ ଥର କରିଥାନ୍ତି । ଅନୁସନ୍ଧାନକାରୀମାନେ ଆଣ୍ଟାର୍କଟିକାରେ ଚାଇନାଷ୍ଟ୍ରେପ୍ ପେଙ୍ଗୁଇନ ମାନଙ୍କର ମସ୍ତିଷ୍କ ତରଙ୍ଗ ମାପ କରିଥିଲେ, ଯାହା ପ୍ରକାଶ କରିଥିଲା ​​ଯେ ଏହି ପେଙ୍ଗୁଇନମାନେ ଦିନକୁ ୧୧ଘଣ୍ଟା ଶୋଇଥାନ୍ତି । ପର୍ଯ୍ୟାୟକ୍ରମେ ୪ ସେକେଣ୍ଡ ପାଇଁ  ଆଖିକୁ ମିଟି ମିଟି କରି ପୁରଣ କରିଥାନ୍ତି । ଏହି ଅନୁସନ୍ଧାନରୁ ଏହା ମଧ୍ୟ ଜଣାପଡିଛି ଯେ ପେଙ୍ଗୁଇନ ମାନେ ସେମାନଙ୍କର ସନ୍ତାନମାନଙ୍କର ଯତ୍ନ ନେଉଥିବା ବେଳେ କିପରି ସେମାନଙ୍କ ଶୋଇବାକୁ ପରିଚାଳନା କରନ୍ତି | ପେଙ୍ଗୁଇନ ମାନେ ଅନ୍ୟ ପଶୁମାନଙ୍କ ତୁଳନାରେ, ଯାହା ସେମାନଙ୍କୁ ଅଧିକ ସ୍ୱତନ୍ତ୍ର କରିଥାଏ |

ତେବେ ଏସବୁର ଉତ୍ତର ଜାଣିବା ପୂର୍ବରୁ ଆମେ ଏସବୁ ବି ଜାଣିବା ଉଚିତ୍ ଯେ କାହିଁକି ଚାଇନାଷ୍ଟ୍ରିପ ପେଙ୍ଗୁଇନଙ୍କ ଛୋଟ ଛୋଟ ପଲକ ପକାଇଥାନ୍ତି ? ଏହି ପ୍ରଜାତିର ପେଙ୍ଗୁଇନ ମାନଙ୍କର ରହିବା ପରିବେଶ ଅତ୍ୟନ୍ତ ଚାପଗ୍ରସ୍ତ ହୋଇଥାଏ । ସେମାନେ ଜନଗହଳିପୂର୍ଣ୍ଣ କଲୋନୀରେ ରୁହନ୍ତି ଏବଂ ସେମାନଙ୍କୁ ନିଜ ସନ୍ତାନମାନଙ୍କ ସୁରକ୍ଷା ପ୍ରତି ବିଶେଷ ଯତ୍ନ ନେବାକୁ ପଡିଥାଏ । ଏହି ପେଙ୍ଗୁଇନମାନେ ସେମାନଙ୍କର ଅଣ୍ଡା ଏବଂ ସନ୍ତାନମାନଙ୍କୁ ଅନ୍ୟ ପକ୍ଷୀମାନଙ୍କଠାରୁ ରକ୍ଷା କରିବା ପାଇଁ ଯତ୍ନବାନ ଅଟନ୍ତି | କେତେକ ବଡ଼ ପକ୍ଷୀ ଏହି ପେଙ୍ଗୁଇନ୍‌ର ଅଣ୍ଡା ଏବଂ ସନ୍ତାନ ଉପରେ ନଜର ରଖିଥାନ୍ତି । ଏହାଛଡା ସେମାନଙ୍କ ଠାରୁ ସବୁଠାରୁ ବଡ ପେଙ୍ଗୁଇନକୁ ତାଙ୍କ ଘର ଭାଙ୍ଗୁଥିବା ଅନ୍ୟ ପେଙ୍ଗୁଇନମାନଙ୍କ ଠାରୁ ମଧ୍ୟ ସତର୍କ ରହିବାକୁ ପଡେ | ତେଣୁ, ଏହି ପେଙ୍ଗୁଇନ ମାନଙ୍କୁ ନିଜ ବସା ଏବଂ ସନ୍ତାନମାନଙ୍କୁ ସୁରକ୍ଷା ଦେବା ପାଇଁ ଦିନରାତି ଜଗି ରହିବାକୁ ପଡିବ |