ଆଜିକାଲି ସୋସିଆଲ ମିଡ଼ିଆରେ ଅଜବ ଅଜବ ଭିଡ଼ିଓ ଦେଖିବାକୁ ମିଳିଥାଏ । ଠିକ୍ ସେମିତି ଏକ ଭିଡ଼ିଓ ଭାଇରାଲ ହେଉଛି, ଯାହାକୁ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଜଣେ ଯୁବକ ଅକ୍ଟୋପସ ସହ ଖେଳିବା ମହଙ୍ଗା ପଡ଼ିଛି ।
ଅନେକ ସମୟରେ ସୋସିଆଲ ମିଡିଆରେ କିଛି ଭିଡିଓ ଭାଇରାଲ ହୋଇଥାଏ । ଯେଉଁଥିରେ ମଣିଷ ନିରୀହ ଜୀବଙ୍କୁ ନିର୍ଯାତନା ଦେଉଥିବାର ଦେଖିବାକୁ ମିଳିଥାଏ । କିଛି ଲୋକ ଏପରିକି ଏହାର ମଜା ପାଇଁ ସେମାନଙ୍କୁ ମାରି ମଧ୍ୟ ଦେଇଥାନ୍ତି । ନିକଟରେ ଜଣେ ଯୁବକଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଯୁବକ ଏକ ଅକ୍ଟୋପସ୍କୁ ହଇରାଣ କରୁଥିଲେ । ସୋସିଆଲ ମିଡିଆରେ ସେୟାର ହୋଇଥିବା ଏହି ଭିଡିଓ ସମୁଦ୍ର କୂଳରେ ରେକର୍ଡ କରାଯାଇଛି । ଏଥିରେ ବକ୍ସର ପିନ୍ଧିଥିବା ଜଣେ ବ୍ୟକ୍ତିଙ୍କୁ ସମୁଦ୍ର କୂଳରେ ଦେଖିବାକୁ ମିଳିଛି । ତାଙ୍କ ହାତରେ ଏକ ଅକ୍ଟୋପସ୍ ଥିଲା । ଯୁବକ ଜଣକ ଅକ୍ଟୋପସ୍ର ମୁଣ୍ଡ ଧରି ମଜା କରୁଥିଲେ । କିନ୍ତୁ ତା’ପରେ ହସ ତାଙ୍କ ମୁହଁରୁ ଅଦୃଶ୍ୟ ହେବାକୁ ଲାଗିଲା । ଅକ୍ଟୋପସ ଧୀରେ ଧୀରେ ସେହି ଯୁବକଙ୍କ ହାତକୁ କାମୁଡ଼ିକି ଧରିଲା । ଲାଗିଲା ଯେମିତି ଫେଭିକଲ ଲାଗିଛି । ଯୁବକ ଯେତେ ଚେଷ୍ଟା କରୁଥିଲେ ଅକ୍ଟୋପସ୍ ସେତେ ଜାବୁଡ଼ି ଧରୁଥିଲା । ବହୁତ କଷ୍ଟରେ ଯୁବକ ଜଣକ ଗୋଟିଏ ହାତରେ ଟାଣି ଅକ୍ଟୋପସକୁ ତାଙ୍କ ହାତରୁ ଅଲଗା କଲେ । ଶେଷରେ ଯୁବକ ଜଣକ ଅକ୍ଟୋପସ୍ ମୁଣ୍ଡକୁ ମୋଡ଼ି ଦେଇ ତଳେ ପକାଇ ଦେଇଥିଲେ ।
Comments are closed.