ମୁମ୍ବାଇ: ଭାରତର ପ୍ରିୟ ପ୍ରଧାନମନ୍ତ୍ରୀ । ସୁଶାସନ , ମିଷ୍ଟଭାସିତା , ଦେଶଭକ୍ତି, ଏବଂ ଏକ ଭଲ ମଣିଷ ଭାବେ ସାରା ଭାରତ ତାଙ୍କୁ ଜାଣେ । ଆମେ କହୁଛୁ ଭାରତର ପୂର୍ବତନ ପ୍ରଧାନମନ୍ତ୍ରୀ ତଥା ପ୍ରସିଦ୍ଧ ନେତା ଅଟଳ ବିହାରୀ ବାଜପାୟୀଙ୍କ କଥା । ତାଙ୍କ ଜୀବନୀକୁ ନେଇ ପ୍ରସ୍ତୁତ କରାଯାଇଛି ଏକ ଚଳଚ୍ଚିତ୍ର । ଯାହାର ନାଁ ରହିଛି ‘ମେଁ ଅଟଳ ହୁଁ । ଜାତୀୟ ପୁରସ୍କାର ବିଜେତା ନିର୍ଦ୍ଦେଶକ ରବି ଯାଦବ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିବାବେଳେ ଏହାର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ସଲିମ-ସୁଲେମାନ ।
୨୨ ତାରିଖରେ ଏହାର ଟ୍ରେଲର ରିଲିଜ ହୋଇଛି । ‘ଏହି ଫିଲ୍ମର ପ୍ରାୟ ୪ ମିନିଟର ଟ୍ରେଲର ଦର୍ଶକମାନଙ୍କୁ ବେଶ ପସନ୍ଦ ଆସିଛି । ତେବେ ଏହି ଚଳଚିତ୍ରରେ ବାଜପାୟୀଙ୍କ ଭୂମିକା ନିଭାଇଛନ୍ତି ପଙ୍କଜ ତ୍ରିପାଠୀ । ଭାନୁଶାଲୀ ଷ୍ଟୁଡିଓସ୍ ଏବଂ ଲେଜେଣ୍ଡ ଷ୍ଟୁଡିଓ ବ୍ୟାନରରେ ଏହି ଚଳଚ୍ଚତ୍ରଟି ପ୍ରସ୍ତୁତ କରାଯାଇଛି । ଅଟଳଙ୍କ ଚରିତ୍ର ଏବଂ ଏହାର ମେକଅପ ପଙ୍କଜଙ୍କୁ ବେଶ ଭଲ ଭାବେ ସୁଟ୍ କରୁଛି ।
ତେବେ ଏଥିରେ ଅଟଳଙ୍କ ଜୀବନର ପ୍ରତ୍ୟେକଟି ଘଟଣାକୁ ବେଶ ନିଖୁଣ ଭାବରେ ଚିତ୍ରଣ କରାଯାଇଛି । ତାଙ୍କ ଜୀବନର ପ୍ରତ୍ୟେକଟି ଘଟଣାକୁ ଏହି ଫିଲ୍ମରେ ଉତ୍ତୋଳନ କରାଯିବାକୁ ଚେଷ୍ଟା କରାଯାଇଛି । ଆସନ୍ତା ବର୍ଷ ଜାନୁଆରୀ ମାସ ୧୯ ତାରିଖରେ ଏହି ଫିଲ୍ମ ଟି ରିଲିଜ ହେବାର ଯୋଜନା ରହିଛି । ବର୍ତ୍ତମାନ ସମୟରେ ଏହା ଲୋକଙ୍କ ଉପରେ ବେଶ୍ ପ୍ରଭାବ ପକାଇବ ଆଶା କରାଯାଉଛି ।
Comments are closed.