ମୁମ୍ବାଇ: ମହାରାଷ୍ଟ୍ର ଛତ୍ରପତି ଶମ୍ଭାଜି ନଗରରେ ଭୟଙ୍କର ଅଗ୍ନିକାଣ୍ଡ । ନିଆଁରେ ୬ ଜଣ ଜୀବନ୍ତ ଦଗ୍ଧ । ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ମିଳିଥିବା ଖବର ଅନୁଯାୟୀ, ୩ଟି ଦମକଳ ବାହିନୀ ପହଞ୍ଚି ନିଆଁକୁ ସମ୍ପୂର୍ଣ୍ଣ ଆୟତ୍ତ କରି ନେଇଛନ୍ତି ।
ରବିବାର ସକାଳୁ ସକାଳୁ ଶମ୍ଭାଜି ନଗରରେ ଥିବା ଏକ ଗ୍ଲୋଭ୍ସ ତିଆରି କାରଖାନାରେ ନିଆଁ ଲାଗିଯାଇଥିଲା। ଫଳରେ କାରଖାନା ମଧ୍ୟରେ ଫସି ରହିଥିବା ୬ଜଣ ଶ୍ରମିକ ବାହାରି ପାରି ନ ଥିଲେ । ପୋଲିସ ସୂଚନା ଅନୁଯାୟୀ, ଦମକଳ ବାହିନୀ ଆସି ସେମାନଙ୍କୁ ଉଦ୍ଧାର କରିବା ବେଳକୁ ମୃତ୍ୟୃ ଘଟିଥିଲା । ଅନ୍ୟ ଗୁରୁତରମାନଙ୍କୁ ସ୍ଥାନୀୟ ସରକାରୀ ମେଡିକାଲରେ ଭର୍ତ୍ତି କରାଯାଇଛି । ତେବେ ମୃତ୍ୟୁ ସଂଖ୍ୟା ବଢିବାର ଆଶଙ୍କା ରହିଛି ।
ନିଆଁର ପ୍ରକୋପ ଏତେ ଭୟଙ୍କର ଥିଲା ଯେ, ଦମକଳ ବାହିନୀଙ୍କୁ ନାକେଦମ ହେବାକୁ ପଡିଥିଲା । ତଥାପି ୫ ଜଣ ଶ୍ରମିକ ଭିତରେ ଫଶି ରହିଥିବା କୁହାଯାଉଛି ।
Comments are closed.