ବେଜିଂ: ଚୀନରେ ହତ୍ୟାକାରୀ ପ୍ରେମୀ ଯୁଗଳଙ୍କୁ ମୃତ୍ୟୁଦଣ୍ଡ। ଦୁଇ ଶିଶୁଙ୍କୁ ୧୫ ମହଲା କରିଡରରୁ ଫିଙ୍ଗି ହତ୍ୟା କରିଥିଲେ। ପ୍ରେମିକା ପାଇଁ ଦୁଇ ନୀରିହ ପିଲାଙ୍କୁ ଛାତରୁ ପକାଇ ମାରି ଦେଇଥିଲା ଜନ୍ମ କଲା ବାପା। ଚୀନ ଚୋଙ୍ଗକିଙ୍ଗର ଏହି ଘଟଣା ପରେ ଉଭୟଙ୍କୁ ବିଷାକ୍ତ ଇଞ୍ଜେକ୍ସନ ଦେଇ ମୃତ୍ୟୁଦଣ୍ତ ଦିଆଯାଇଛି।
୨୦୨୦ ମସିହାରେ ଏହି ହତ୍ୟାକାଣ୍ଡ ଘଟିଥିଲା।ଚୀନ୍ର ଝାଙ୍ଗ ଓ ୟେ ଚେଙ୍ଗଚେନ ସୋସିଆଲ ମିଡିଆରେ ପରସ୍ପରକୁ ଭେଟିଥିଲେ। ଝାଙ୍ଗ ବିବାହିତ ଥିବା ବେଳେ ତାଙ୍କର ଦୁଇଟି ପିଲା ଥିଲେ। ଝାଙ୍ଗ ୨୦୨୦ ମସିହାରେ ସ୍ତ୍ରୀ ମେଲିନଙ୍କୁ ଛାଡପତ୍ର ଦେଇଥିଲେ। ଉଭୟ ପିଲାଙ୍କୁ ପାଖରେ ରଖିଥିଲେ। ତେବେ ଝାଙ୍ଗ ଓ ୟେ ଚେଙ୍ଗଚେନ ଦୁଇ ଶିଶୁଙ୍କୁ ୧୫ମହଲାରୁ ଫିଙ୍ଗିଦେଇଥିଲେ। ଫଳରେ ଦୁଇ ଶିଶୁଙ୍କର ମୃତ୍ୟୁ ହୋଇଯାଇଥିଲା।
ଏନେଇ ଝାଙ୍ଗଙ୍କର ପତ୍ନୀ ଉଭୟଙ୍କ ନାଁରେ ଅଭିଯୋଗ ଆଣିଥିଲେ। ମାତ୍ର ଝାଙ୍ଗ ଏହାକୁ ମିଛ ବୋଲି କହିଥିଲେ। ପରେ ଏହି ମାମଲାର ଶୁଣାଣି ବେଳେ କୋର୍ଟ ଅଭିଯୁକ୍ତ ଝାଙ୍ଗ ବୋ ଏବଂ ତାଙ୍କ ପ୍ରେମିକା ୟେ ଚେଙ୍ଗଚେନଙ୍କୁ ମୃତ୍ୟୁଦଣ୍ଡ ଶୁଣାଇଥିଲେ।
Comments are closed.