ଡେରାଡୁନ: ହଲଦ୍ୱାନୀ ହିଂସାର ମାଷ୍ଟରମାଇଣ୍ଡ ଅବଦୁଲ ମଲ୍ଲିକ ପୋଲିସକୁ ଅଟକ ରଖିଛି। ଅବଦୁଲ ମଲିକଙ୍କ ସହ ପୋଲିସ ଅନ୍ୟ ଅଭିଯୁକ୍ତଙ୍କୁ ମଧ୍ୟ ଗିରଫ କରିଛି। ଅବଦୁଲ ମଲିକ ହେଉଛି ହଲଦ୍ୱାନୀ ଦଙ୍ଗାର ମାଷ୍ଟରମାଇଣ୍ଡ। ଧର୍ମ ନାମରେ ସରକାରୀ ଜମିକୁ ହଡପ କରିବାକୁ ଷଡଯନ୍ତ୍ର କରିଥିଲା ଅବଦୁଲ। ଏହା ସହିତ ହଲଦ୍ୱାନୀ ସହରରେ ହିଂସାର ନିଆଁ ଲଗାଇବା ସହିତ ଦଙ୍ଗା ସୃଷ୍ଟି କରିଥିବା ନେଇ ଅଭିଯୋଗ ହୋଇଥିଲା। ଏହି ଅଗ୍ନିକାଣ୍ଡରେ ଏପର୍ଯ୍ୟନ୍ତ ୬ ଜଣ ପ୍ରାଣ ହରାଇଥିବାବେଳେ ପୋଲିସ ସମେତ ୩୦୦ରୁ ଅଧିକ ଲୋକ ଆହତ ହୋଇଛନ୍ତି।
ଫେବୃଆରୀ ୨ ତାରିଖରେ ଘଟିଥିବା ହିଂସାରେ ପେଟ୍ରୋଲ ବୋମା ଓ ପଥର ଫିଙ୍ଗିଯାଇଥିଲା। ଯାହା ଫଳରେ ଅଞ୍ଚଳରେ ଆଇନଶୃଙ୍ଖଳା ପରିସ୍ଥିତି ଗୁରୁତର ହୋଇ ପଡ଼ିଥିଲା। ସେବେଠାରୁ ଏହି ଅଞ୍ଚଳରେ କର୍ଫ୍ୟୁ ବଳବତ୍ତର ରହିଛି ଏବଂ ସମସ୍ତ ଦୋକାନ ବନ୍ଦ ରହିଛି। କେବଳ ଏତିକି ନୁହେଁ, ଦୁଷ୍କର୍ମକାରୀମାନେ ସାଧାରଣ ଲୋକଙ୍କ ଗାଡିକୁ ମଧ୍ୟ ଜଳାଇ ଦେଇଥିଲେ। ଏହା ସହିତ ସରକାରଙ୍କ କହିବାନୁସାରେ, ଯଦି କୌଣସି ବ୍ୟକ୍ତି ବ୍ୟାଘାତ ସୃଷ୍ଟି କରେ ତେବେ ତାଙ୍କ ଉପରକୁ ଗୁଳି କରିବାକୁ ନିର୍ଦ୍ଦେଶ ଦିଆଯାଇଥିଲା।
Comments are closed.