ଭୁବନେଶ୍ୱର: ରାଜଧାନୀ ଉପକଣ୍ଠରେ ଦୁଇଟି ପୃଥକ ମାମଲାରେ ଅବକାରୀ ଅଧିକାରୀମାନେ ୫୦୦ କିଲୋରୁ ଅଧିକ ଭାଙ୍ଗ ଓ ୨୫ କେଜି ଗଞ୍ଜେଇ ଜବତ କରିଛନ୍ତି।
ମିଳିଥିବା ସୂଚନା ଅନୁଯାୟୀ, ବାଲିପାଟଣା ଥାନା ଅନ୍ତର୍ଗତ ବାହୁଖଣ୍ଡା ଗ୍ରାମରେ ବିପୁଳ ପରିମାଣର ଭାଙ୍ଗ (ଗଞ୍ଜେଇ ପତ୍ର) ଗଚ୍ଛିତ ରହିଥିବା ନେଇ ଅବକାରୀ ବିଭାଗକୁ ସୂଚନା ମିଳିଥିଲା। ସହରରେ ହୋଲି ପର୍ବ ଅବସରରେ ଭୁବନେଶ୍ୱରକୁ ଭାଙ୍ଗ ଯୋଗାଣ କରାଯିବାର ଥିଲା।
ଖବର ପାଇ ଅବକାରୀ ଅଧିକାରୀଙ୍କ ଏକ ଟିମ୍ ବହୁଖଣ୍ଡରେ ଚଢ଼ାଉ କରି ଗାଁରୁ ୫୨୦ କେଜି ଭାଙ୍ଗ ଜବତ କରିଛି। ଏଥିସହ ବେଆଇନ କାରବାରରେ ସମ୍ପୃକ୍ତ ଥିବା ୩ ଜଣଙ୍କୁ ଗିରଫ କରାଯାଇଛି।
ଅନ୍ୟ ଏକ ଘଟଣାରେ ଅବକାରୀ ଟିମ୍ ସାଇ ମନ୍ଦିର ନିକଟରେ ଜଣେ ବ୍ୟକ୍ତିଙ୍କୁ ବାଇକ୍ ରେ ଗଞ୍ଜେଇ ବୋଝେଇ କରୁଥିବା ଦେଖିବାକୁ ପାଇଥିଲେ। ସେମାନେ ତାଙ୍କୁ ପିଛା କରି ତାଙ୍କ ବାଇକ୍ ରୁ ୨୫ କେଜି ଗଞ୍ଜେଇ ଜବତ କରିଥିଲେ। କନ୍ଧମାଳରୁ ଗଞ୍ଜେଇ ଆଣି ଭୁବନେଶ୍ୱରରେ ବିକ୍ରି କରୁଥିଲେ।
ଅବକାରୀ ଅଧିକାରୀ କହିଛନ୍ତି ଯେ ବ୍ୟକ୍ତି ଜଣକ ଜଣେ ଅଭ୍ୟାସଗତ ଅପରାଧୀ ଥିଲେ। ୬ ମାସ ତଳେ ନୂଆ କାର୍ ରେ ଗଞ୍ଜେଇ ଚୋରା ଚାଲାଣ ଅଭିଯୋଗରେ ତାଙ୍କୁ ଗିରଫ କରାଯାଇ ଜେଲ୍ ପଠାଇ ଦିଆଯାଇଥିଲା। ୧୫ ଦିନ ତଳେ ସେ ଜାମିନରେ ମୁକୁଳିଥିଲେ। ସେ ପୁଣି ଏକ ନୂଆ ବାଇକରେ ଗଞ୍ଜେଇ ସହ ରଙ୍ଗାହାତରେ ଧରାପଡ଼ିଥିଲେ।
Comments are closed.