ମୁମ୍ବାଇ: ଦେଶରେ ଲୋକସଭା ନିର୍ବାଚନ ୨୦୨୪ର ପ୍ରଥମ ପର୍ଯ୍ୟାୟ ମତଦାନ ଆଜିଠୁ ଆରମ୍ଭ ହୋଇସାରିଛି । ପ୍ରଥମ ପର୍ଯ୍ୟାୟରେ ୨୧ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ୧୦୨ଟି ଆସନରେ ମତଦାନ ଜାରି ରହଛି । ମହାରାଷ୍ଟ୍ରର ପାଞ୍ଚଟି ସିଟ୍ ଉପରେ ଲୋକମାନେ ଆଜି ଉତ୍ସାହର ସହ ଭୋଟ୍ ଦେଉଛନ୍ତି । ସକାଳ ୭ ଟାରୁ ମତଦାନ ଆରମ୍ଭ ହୋଇଛି। ଏହି ସମୟରେ ଦୁନିଆର ସବୁଠାରୁ କନିଷ୍ଠ ମହିଳା ନାଗପୁର ଆସନରୁ ଭୋଟ୍ ଦେଇଛନ୍ତି। ଗିନିଜ ୱାର୍ଲ୍ଡ ରେକର୍ଡ ଅନୁଯାୟୀ ଜ୍ୟୋତି ଆମଗେ ଦୁନିଆର ସବୁଠାରୁ ଛୋଟ ଜୀବନ୍ତ ମହିଳା ଭାବରେ ମାନ୍ୟତା ପାଇଛନ୍ତି ।
ମୁଁ ଆଜି ମୋର ପୁରା ପରିବାର ସହିତ ଭୋଟ୍ ଦେଇଛି। ମୁଁ ପ୍ରତ୍ୟେକ ଭୋଟରଙ୍କୁ ଭୋଟ୍ ଦେବାକୁ ନିବେଦନ କରିବାକୁ ଚାହୁଁଛି କାରଣ ଏହା ଆମର କର୍ତ୍ତବ୍ୟ ବୋଲି କହିଛନ୍ତି ଜ୍ୟୋତି । ୧୯୯୩ ମସିହା ୧୬ ଡିସେମ୍ବରରେ ମହାରାଷ୍ଟ୍ର ନାଗପୁରରେ ଜନ୍ମଗ୍ରହଣ କରିଥିଲେ ଜ୍ୟୋତି ଆମଗେ । ପ୍ରାଇମୋର୍ଡିଆଲ୍ ଡାର୍ଫିଜିମ୍ ନାମକ ଏକ ଜେନେଟିକ୍ ବ୍ୟାଧି ହେତୁ ତାଙ୍କର ଉଚ୍ଚତା ୬୨.୮ ସେଣ୍ଟିମିଟର ବା ୨ ଫୁଟ । ୨୦୧୧ ରେ ନିଜର ୧୮ ତମ ଜନ୍ମଦିନ ପରେ ଜ୍ୟୋତିଙ୍କୁ ଗିନିଜ ୱାର୍ଲ୍ଡ ରେକର୍ଡ ଦ୍ଵାରା ଆନୁଷ୍ଠାନିକ ଭାବରେ ଦୁନିଆର ସବୁଠାରୁ କ୍ଷୁଦ୍ର ଜୀବନ୍ତ ମହିଳା ଭାବରେ ଘୋଷଣା କରାଯାଇଥିଲା ।
ସେ ଅନେକ ଡକ୍ୟୁମେଣ୍ଟାରୀରେ ଅଭିନୟ ମଧ୍ୟ କରିଛନ୍ତି । ସେ ୨୦୦୯ ର ଡକ୍ୟୁମେଣ୍ଟାରୀ “ବଡି ଶକ୍: ଟୁ ଫୁଟ ଟଲ୍ ଟିନ୍” ରେ ସ୍ଥାନ ପାଇଥିଲେ । ଜ୍ୟୋତି ଆମେରିକୀୟ ହରର୍ ଷ୍ଟୋରିରେ ମଧ୍ୟ ଅଭିନୟ କରିଛନ୍ତି । ୨୦୧୪ ରେ, ସେ “ଆମେରିକୀୟ ହରର୍ ଷ୍ଟୋରୀ: ଫ୍ରିକ୍ ସୋ” ରେ ଅଭିନୟ ମଧ୍ୟ କରିଥିଲେ ।
Comments are closed.