ନୂଆଦିଲ୍ଲୀ: ଭାରତୀୟ ସେନାରେ କାର୍ଯ୍ୟ କରିବା, ସେନାରେ ଜଣେ ଅଧିକାରୀ ହେବା, ୟୁନିଫର୍ମ ପିନ୍ଧିବା ଦେଶର ଲକ୍ଷ ଲକ୍ଷ ଯୁବକଙ୍କ ସ୍ୱପ୍ନ। ଉତ୍ସାହରେ ପରିପୂର୍ଣ୍ଣ ପ୍ରତ୍ୟେକ ଯୁବକ ଭାରତୀୟ ସେନାରେ କାମ କରିବାକୁ ଚାହାଁନ୍ତି। ତେଣୁ ଯଦି ଆପଣଙ୍କର ମଧ୍ୟ ସମାନ ସ୍ୱପ୍ନ ଅଛି ତେବେ ଏହି ଖବର କେବଳ ଆପଣଙ୍କ ପାଇଁ। ଭାରତୀୟ ସେନା ଅଧିକାରୀ ନିଯୁକ୍ତି କରିବାକୁ ଯାଉଛନ୍ତି।
ଅଧିକାରୀ ନିଯୁକ୍ତି ପାଇଁ ଆସନ୍ତା ବର୍ଷ ଜାନୁୟାରୀ ୨୦୨୫ରୁ ୧୪୦ତମ ବୈଷୟିକ ସ୍ନାତକ ପାଠ୍ୟକ୍ରମ (TGC) ପାଇଁ ଭାରତୀୟ ସେନା ବିଜ୍ଞପ୍ତି ପ୍ରକାଶ କରିଛି। ଯଦି ପ୍ରାର୍ଥୀମାନେ ଏଥିରେ ଚୂଡ଼ାନ୍ତ ଚୟନ ପାଆନ୍ତି ତେବେ ସେମାନଙ୍କ ଚାକିରି ନିଶ୍ଚିତ ହେବ। ଚୟନ ପରେ ପ୍ରାର୍ଥୀଙ୍କୁ ସିଧାସଳଖ ଭାରତୀୟ ସେନାରେ ଲେଫ୍ଟନାଣ୍ଟ ରାଙ୍କ୍ ଅଫିସର ପଦରେ ନିଯୁକ୍ତ କରାଯିବ।
ଯଦି ଆପଣ ମଧ୍ୟ ସେନାରେ ଜଣେ ଅଧିକାରୀ ହେବାର ସ୍ୱପ୍ନ ଦେଖୁଛନ୍ତି, ତେବେ ଆପଣଙ୍କୁ ଏଥିପାଇଁ ଆବେଦନ କରିବାକୁ ପଡିବ। ଆବେଦନ କରିବାକୁ, ଆପଣଙ୍କୁ ସେନା ନିଯୁକ୍ତି ୱେବସାଇଟ୍ https://joinindianarmy.nic.in/ କୁ ଯିବାକୁ ପଡିବ। ଲେଫ୍ଟନାଣ୍ଟ ରାଙ୍କ୍ ଅଫିସର ପଦ ପାଇଁ ଆବେଦନ କରିବାର ଶେଷ ତାରିଖ ହେଉଛି ୯ ମେ ୨୦୨୪। ପ୍ରାର୍ଥୀମାନେ ସେନା ୱେବସାଇଟ୍କୁ ଯାଇ ଆବେଦନ କରିପାରିବେ।
ସୂଚନା ଥାଉକିଯେ ଭାରତୀୟ ସେନାର ବୈଷୟିକ ଗ୍ରାଜୁଏଟ୍ ଏଣ୍ଟ୍ରି ସ୍କିମରେ ସିଧାସଳଖ ଏସଏସବି (SSB) ଇଣ୍ଟର୍ଭ୍ୟୁ ଅଛି। ଏହାର ବିଶେଷତ୍ୱ ହେଉଛି ପ୍ରାର୍ଥୀଙ୍କୁ କୌଣସି ଲିଖିତ ପରୀକ୍ଷା ଦେବାକୁ ପଡ଼ିବ ନାହିଁ। ଏହାର ଅର୍ଥ, ଏନଡିଏ ପ୍ରବେଶିକା ପରୀକ୍ଷା ପରି, ୟୁପିଏସସିର କୌଣସି ଲିଖିତ ପରୀକ୍ଷା ନାହିଁ। ଏସଏସବି ପ୍ରାର୍ଥୀଙ୍କୁ କେବଳ ଇଣ୍ଟର୍ଭ୍ୟୁ ଦେବାକୁ ପଡ଼ିବ। ଯାହା ପରେ ତାଙ୍କୁ ଚୟନ କରାଯିବ।
କେବଳ ସେହି ପୁରୁଷ ପ୍ରାର୍ଥୀ ଯେଉଁମାନେ ଅବିବାହିତ, ସେମାନେ ବୈଷୟିକ ସ୍ନାତକ ପ୍ରବେଶ ଯୋଜନା ପାଇଁ ଆବେଦନ କରିପାରିବେ। ପ୍ରାର୍ଥୀଙ୍କ ପାଇଁ ବି.ଟେକ୍ ରହିବା ଆବଶ୍ୟକ। ତାଙ୍କର ଏକ ଇଞ୍ଜିନିୟରିଂ ଡିଗ୍ରୀ ରହିବା ଉଚିତ୍। ଟେକ୍ନିକାଲ ସ୍କିମରେ ବି.ଟେକ୍ ଅନ୍ତିମ ବର୍ଷର ଛାତ୍ରମାନେ ମଧ୍ୟ ଆବେଦନ କରିପାରିବେ।
ଟେକ୍ନିକାଲ ଗ୍ରାଜୁଏଟ୍ ଏଣ୍ଟ୍ରି ସ୍କିମର ପ୍ରାର୍ଥୀଙ୍କ ପାଇଁ ବୟସ ସୀମା ମଧ୍ୟ ସ୍ଥିର କରିଛି।ଟେକ୍ନିକାଲ ଗ୍ରାଜୁଏଟ୍ ଏଣ୍ଟ୍ରି ସ୍କିମ ପାଇଁ ଆବେଦନ କରିବାକୁ ଚାହୁଁଥିବା ପ୍ରାର୍ଥୀମାନେ ଜାନୁୟାରୀ ୧, ୨୦୨୫ ସୁଦ୍ଧା ୨୦ରୁ ୨୫ ବର୍ଷ ବୟସ ମଧ୍ୟରେ ହେବା ଉଚିତ୍।
ଭାରତୀୟ ସେନାର ବୈଷୟିକ ସ୍ନାତକ ପାଠ୍ୟକ୍ରମ ପାଇଁ ମନୋନୀତ ହେବା ପରେ ପ୍ରାର୍ଥୀଙ୍କୁ ଭାରତୀୟ ମିଲିଟାରୀ ଏକାଡେମୀ (ଆଇଏମଏ), ଡେହରାଡୁନରେ ତାଲିମ ଦିଆଯିବ। ଏହି ତାଲିମ ୧୨ ମାସ ହେବ । ଏହି ତାଲିମ ସମାପ୍ତ କରିବା ପରେ, ଆପଣ ଭାରତୀୟ ସେନାରେ ଲେଫ୍ଟନାଣ୍ଟ ପଦରେ ସ୍ଥାୟୀ କମିଶନ ପାଇବେ।
Comments are closed.