ମୟୂରଭଞ୍ଜ: ସାଧାରଣ ନିର୍ବାଚନ ଯେତିକି ପାଖେଇ ଆସୁଛି ନିର୍ବାଚନରେ ବାଜିମାତ କରିବା ପାଇଁ ବିଭିନ୍ନ ଦଳ ମଧ୍ୟରେ ଆରମ୍ଭ ହୋଇଛି ସେତିକି କସରତ । ତେବେ କିଛି ଦଳ ନିଜ ନିଜର କର୍ମୀମାନଙ୍କୁ ନେଇ ନିର୍ବାଚନ ବୈତରଣୀ ପାର ହେବା ପାଇଁ ଉଦ୍ୟମ ଚଳାଇଥିବା ବେଳେ କରଞ୍ଜିଆରେ ଶୁଭିଲା ଯୋଡିଶଙ୍ଖର ଜୟଧ୍ୱନୀ ବିଜେଡି ଜିନ୍ଦାବାଦ, ନବୀନ ପଟ୍ଟନାୟକ ଜିନ୍ଦାବାଦ, ବାସନ୍ତୀ ହେମ୍ବ୍ରମ ଜିନ୍ଦାବାଦ ନାରା ।
କରଞ୍ଜିଆ ବିଧାନସଭା କ୍ଷେତ୍ର ପାଇଁ ବିଜେଡି ନେତ୍ରୀ ବାସନ୍ତୀ ହେମ୍ବ୍ରମ ମଧ୍ୟ ନାମାଙ୍କନପତ୍ର ଦାଖଲ କରିଛନ୍ତି । ଏହି ଅବସରରେ ସମର୍ଥକ ମାନଙ୍କର ଏକ ବିରାଟ ଶୋଭାଯାତ୍ରା ସହରରେ ପରିକ୍ରମା କରିଥିଲା । ୪୨ ଡିଗ୍ରୀ ଖରା ସତ୍ତ୍ବେ ହଜାର ହଜାର ସଂଖ୍ୟାରେ ଜନସାଧାରଣ ଶୋଭାଯାତ୍ରାରେ ସାମିଲ ହୋଇ ବାସନ୍ତୀ ହେମ୍ବ୍ରମଙ୍କୁ ସମର୍ଥନ ଜଣାଇଥିଲେ ।
୧୦ଘଟିକା ସମୟରେ ରେ ସ୍ଥାନୀୟ ଫରେଷ୍ଟ ଅଫିସ ଛକ ନିକଟରେ ପହଞ୍ଚିଥିଲେ ବିଧାନସଭା ପ୍ରାର୍ଥୀନୀ ବାସନ୍ତୀ ହେମ୍ବ୍ରମ । ସାଙ୍ଗରେ ଉପସ୍ଥିତ ଥିଲେ ମୁନିସିପାଲିଟି ଅଧ୍ୟକ୍ଷା ପପି ପୃଷ୍ଟି, ଉପାଧ୍ୟକ୍ଷ ସ୍ୱରୂପ କୁମାର ପରିଜା,ବରିଷ୍ଠ ବିଜେଡି ନେତା ଗିରିଧାରୀ ପୃଷ୍ଟି, ବିଜୁସେତୁ ଉପଦେଷ୍ଟା ଦିଲ୍ଲୀପ ସାହୁ, ମୟୁରଭଞ୍ଜ ଜିଲ୍ଲା ସମ୍ପାଦକ ମହେଶ୍ୱର ନାୟକ, ଯୁବ ନେତା ରହିତ ପୃଷ୍ଟିଙ୍କ ସମେତ ହଜାର ହଜାର ବିଜେଡି କର୍ମୀ ସେଠାରୁ ଏକ ବିରାଟ ଶୋଭାଯାତ୍ରା ବାହାରି ଫିଲ୍ମ ହୋଲ ଛକ, ଅମ୍ବିକା ମନ୍ଦିର ଛକ, ଡେ଼ଲି ମାର୍କେଟ ଏନଏସି ଛକ କଚେରୀ ଛକ ହୋଇ ଉପଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ପହଂଚିଥିଲେ । ସେଠାରେ ବାସନ୍ତୀ ହେମ୍ବ୍ରମ ନିଜର ପ୍ରାର୍ଥୀ ପତ୍ର ଦାଖଲ କାରିଥିଲେ ।
ସେହିଭଳି କେନ୍ଦୁଝର ଲୋକସଭା କ୍ଷେତ୍ର ପାଇଁ ବିଜୁ ଜନତା ଦଳ ପକ୍ଷରୁ ନାମାଙ୍କନ ପତ୍ର ଦାଖଲ କରିଛନ୍ତି ଧନୁର୍ଯ୍ୟୟ ସିଧୁ ।
Comments are closed.