ଭୁବନେଶ୍ବର: ସନ୍ଦିଗ୍ଧ ଘରୁ ୭ଟି ସିମ୍ବକ୍ସ ଠାବ । ଲକ୍ଷ୍ମୀସାଗର ଥାନା ଅଞ୍ଚଳରେ ଏକ ସନ୍ଦିଗ୍ଧ ଘରୁ ଠାବ ହୋଇଛି ୭ଟି ସିମ୍ବକ୍ସ । ସ୍ପେଶାଲ ସ୍କ୍ବାଡ୍ ଓ ଲକ୍ଷ୍ମୀସାଗର ପୋଲିସର ମିଳିତ ଚଢାଉ ବେଳେ ସିମ୍ ବକ୍ସ ସହ ଜଣକୁ ଅଟକ ରଖିଛି ପୋଲିସ । ତେବେ ବିଭିନ୍ନ ଫ୍ରଡ୍ କଲ୍ କରିବାକୁ ଏହି ସିମ୍ ବକ୍ସ ସବୁ ବ୍ୟବହୃତ ହେଉଥିବା ନେଇ ସୂଚନା ମିଳିଛି ।
ସୂଚନା ଅନୁସାରେ, ଲକ୍ଷ୍ମୀସାଗର ଥାନା ମହାଦେବ ନଗରରେ ଗତ ୭ରୁ ୮ ମାସ ହେଲା ଜାଣେ ବ୍ୟକ୍ତି ଘର ଭଡ଼ା ନେଇ ରହୁଥିଲେ। ଏକ୍ତ ବ୍ୟକ୍ତି ଜଣଙ୍କ ସପ୍ତହକୁ ଥରେ ମାତ୍ର ଘରକୁ ଆସି କିଛି ସମୟ ପରେ ପୁଣି ପଳାଉଥିଲେ। ତାଙ୍କ ଚାଲି ଚଳଣକୁ ସନ୍ଦେହ କରି କିଛି ସ୍ଥାନୀୟ ଲୋକେ କମିଶନରେଟ୍ ପୋଲିସରେ ସୂଚନା ଦେଇଥିଲା। ତା’ପରେ ଲକ୍ଷ୍ମୀସାଗର ଥାନା ପୁଲିସ୍ ଓ ସ୍ପେଶାଳ ସ୍କ୍ୱାର୍ଡକୁ ନେଇ ସ୍ୱତନ୍ତ ଟିମ୍ ଗଠନ କରାଯାଇ ଉକ୍ତ ବ୍ୟକ୍ତିଙ୍କ ଉପରେ ନଜର ରଖାଯାଇଥିଲା। ଆଜି ବ୍ୟକ୍ତି ଜଣଙ୍କ ଘରେ ଥିବା ବେଳେ ପୋଲିସ ଚଢାଉ କରି ଉକ୍ତ ବ୍ୟକ୍ତିକୁ ଗିରଫ କରିବା ସହ ୭ଟି ସିମ୍ବକ୍ସ ଜବତ କରିଛି । ୭ଟା ସିମ୍ ବକ୍ସରେ ୫୦୦ରୁ ଅଧିକ ସିମ୍ ଲାଗିଛି। ଅଧିକ ତଥ୍ୟ ପାଇଁ ତଦନ୍ତ ଜାରି ରଖିଛି ପୋଲିସ ।
ସାଧାରଣତଃ ଆତଙ୍କୀ ଓ ସାଇବର ଠକାମି ଭଳି କାମରେ ବ୍ୟବହାର ହୋଇଥାଏ ଏହି ସିମ୍ ବକ୍ସ । ଯେଉଁଠି ଗୋଟିଏ ବକ୍ସରେ ଏକାଧିକ ସିମକାର୍ଡ ପକାଇ ଏକ ସମୟରେ ଅନେକ କଲ କରିହୁଏ ।
Comments are closed.