ଭୁବନେଶ୍ୱର: ଓଡିଶାର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୬୦ ରୁ ଅଧିକ ସରକାରୀ ଗସ୍ତ କରିଛନ୍ତି। ଏହା ବ୍ୟତୀତ ପୂର୍ବତନ 5T ସଚିବ ଭି.କେ ପାଣ୍ଡିଆନ୍ ଗତ ପାଞ୍ଚ ବର୍ଷ ମଧ୍ୟରେ ରାଜ୍ୟ ତଥା ବାହାରେ ୯୦ରୁ ଅଧିକ ସ୍ଥାନ ପରିଦର୍ଶନ କରିଛନ୍ତି।
ସୋମବାର ବିଧାନସଭାରେ ନୀଳମାଧବ ହିକକାଙ୍କ ଏକ ପ୍ରଶ୍ନର ଉତ୍ତରରେ ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗ ଏଭଳି କହିଛନ୍ତି।
ତେବେ ଗତ ପାଞ୍ଚ ବର୍ଷ ମଧ୍ୟରେ ନବୀନ ଓ ପାଣ୍ଡିଆନ୍ କେଉଁ ଅଞ୍ଚଳ ପରିଦର୍ଶନ କରିଥିଲେ ଏବଂ ଏଥିପାଇଁ କେତେ ଖର୍ଚ୍ଚ ହୋଇଥିଲା ସେନେଇ ତଥ୍ଯ ମଧ୍ଯ ମାଗିଥିଲେ। ଯାହାପରେ ମନ୍ତ୍ରୀ ପୂର୍ବତନ ମୁଖ୍ୟମନ୍ତ୍ରୀଙ୍କ ଗସ୍ତର ବିସ୍ତୃତ ତାଲିକା ଦାଖଲ କରିଥିଲେ।
ନବୀନ ଓ ପାଣ୍ଡିଆନ୍ ଗସ୍ତକୁ ସରକାରୀ ଗସ୍ତ ବୋଲି କୁହାଯାଉଥିଲା ବେଳେ ରାଜ୍ୟ ପାଣ୍ଠିରୁ ଏହି ଖର୍ଚ୍ଚ ହୋଇଥିଲା ବୋଲି ସେ ଦର୍ଶାଇଛନ୍ତି।
୨୦୧୯ ରୁ ୨୦୨୪ ପର୍ଯ୍ୟନ୍ତ ତାଲିକା ଅନୁଯାୟୀ, ନବୀନ ରାଜ୍ୟର ବିଭିନ୍ନ ସ୍ଥାନକୁ ୬୫ ସ୍ଥାନ ପରିଦର୍ଶନ କରିଛନ୍ତି। ସେ ୨୦୧୯ରେ ୩ ସ୍ଥାନ, ୨୦୨୦ରେ ୮ ସ୍ଥାନ, ୨୦୨୧ରେ ୨୫ ସ୍ଥାନ, ୨୦୨୨ ରେ ୧୦ ସ୍ଥାନ ଏବଂ ୨୦୨୩ ରେ ୧୯ଟି ସ୍ଥାନକୁ ଯାଇଥିଲେ।
ସେହିଭଳି ପାଣ୍ଡିଆନ୍ ୨୦୧୯ରେ ରାଜ୍ୟର ୫ଟି ସ୍ଥାନ, ୨୦୨୦ ରେ ୧୨ ଟି ସ୍ଥାନ, ୨୦୨୩ରେ ୧୧ଟି ସ୍ଥାନ ଏବଂ ୨୦୨୪ ରେ ୪୦ ଟି ପରିଦର୍ଶନ କରିଛନ୍ତି।
Comments are closed.