ନୂଆଦିଲ୍ଲୀ: ସମଗ୍ର ବିଶ୍ୱରେ ଲକ୍ଷ ଲକ୍ଷ ପ୍ରଜାତିର ପ୍ରାଣୀ ଦେଖିବାକୁ ମିଳନ୍ତି । ଏହି ପଶୁମାନଙ୍କ ମଧ୍ୟରେ ସିଂହ ଏବଂ ଚିତା ପରି ପଶୁମାନଙ୍କୁ ସବୁଠାରୁ ବିପଜ୍ଜନକ ପ୍ରାଣୀ ଭାବରେ ବିବେଚନା କରାଯାଏ । କିନ୍ତୁ ଆପଣ ଜାଣନ୍ତି କି ଦୁନିଆରେ ଅନେକ ଦେଶ ଅଛନ୍ତି ଯେଉଁଠାରେ ଲୋକମାନେ ନିଜ ଘରେ ସିଂହ ଏବଂ ଚିତା ପରି ବିପଜ୍ଜନକ ପ୍ରାଣୀ ପାଳିଥାଆନ୍ତି। ହଁ, ଯେପରି ଭାରତର ଲୋକମାନେ କୁକୁର ଏବଂ ବିଲେଇମାନଙ୍କୁ ରଖନ୍ତି, ସେହିଭଳି କେତେକ ଦେଶରେ ଲୋକମାନେ ସିଂହ ଓ ଚିତାବାଘ ରଖନ୍ତି ।
ପିଲାଦିନରୁ, ଆମେ ପଢିଛେ ଯେ, ସିଂହ ହେଉଛି ଜଙ୍ଗଲର ରାଜା । କାରଣ ସିଂହ ପରି ପଶୁମାନଙ୍କୁ ସବୁଠାରୁ ବିପଜ୍ଜନକ ବିବେଚନା କରାଯାଏ । ଆଖି ପିଛୁଳାକେ ସେମନେ ମଣିଷକୁ ଶିକାର କରିଦିଅନ୍ତି । ପୂର୍ବରୁ ୟୁଏଇରେ ଲୋକମାନେ ନିଜ ଧନୀ ପଣିଆ ଦେଖାଇବା ପାଇଁ ନିଜ ଘରେ ସିଂହ ଏବଂ ଚିତା ବାଘ ରଖୁଥିଲେ। କିନ୍ତୁ ୨୦୧୭ର ଆରମ୍ଭରେ, ୟୁଏଇରେ ସମସ୍ତ ପ୍ରକାର ବନ୍ୟଜନ୍ତୁମାନଙ୍କୁ ଘରେ ରଖିବାକୁ ବାରଣ କରାଯାଇଥିଲା । ଏହି ପ୍ରାଣୀମାନଙ୍କୁ ପ୍ରାଣୀ ଉଦ୍ୟାନ, ଜାତୀୟ ଉଦ୍ୟାନ, ସର୍କସ କିମ୍ବା ଅନୁସନ୍ଧାନ କେନ୍ଦ୍ରରେ ରଖିବାକୁ ଅନୁମତି ଦିଆଯାଇଥିଲା । ଜଙ୍ଗଲ ଜୀବନ ସୁରକ୍ଷା ଅଧିନିୟମ ଅନୁଯାୟୀ, ଏହି ପଶୁମାନଙ୍କୁ ଘରେ ରଖିବା ଦ୍ୱାରା ଏକ କୋଟିରୁ ଅଧିକ ଜୋରିମାନା କିମ୍ବା ୬ ମାସ ଜେଲ ଦଣ୍ଡାଦେଶ ହୋଇପାରେ ।
ପୂର୍ବ କାଳରେ, ପାକିସ୍ତାନରେ ସିଂହ ଏବଂ ଚିତାବାଘ ପାଳନ କରିବାର ଏକ ଚଳଣି ଥିଲା । ରାଜନେତା ଏବଂ ବଡ ବ୍ୟକ୍ତିତ୍ୱମାନେ ସୋସିଆଲ ମିଡିଆରେ ସିଂହ ଏବଂ ଚିତାବାଘ ସହିତ ସେମାନଙ୍କର ଫଟୋ ପୋଷ୍ଟ କରିଥିଲେ । କିନ୍ତୁ ୨୦୦୯ ମସିହାରେ ନୱାଜ ସରିଫଙ୍କ ଭଣଜା ସଲମାନ ଶାହାବାଜ ସରକାରଙ୍କଠାରୁ ଅନୁମତି ମାଗିଥିଲେ, ଯାହା ପରେ ସାରା ଦେଶରେ ଉତ୍ତେଜନା ଦେଖାଦେଇଥିଲା ଏବଂ ସିଂହ ପାଳନ ଉପରେ ରୋକ ଲଗାଯାଇଥିଲା। ଏହା ପରେ ସମସ୍ତ ଲୋକଙ୍କୁ ନିଜ ଘରେ ରଖାଯାଇଥିବା ଗୃହପାଳିତ ପଶୁମାନଙ୍କୁ ପ୍ରାଣୀ ଉଦ୍ୟାନକୁ ପଠାଇବାକୁ ପଡିଲା ।
ଥାଇଲ୍ୟାଣ୍ଡରେ ବନ୍ୟଜନ୍ତୁମାନଙ୍କୁ ଗୃହପାଳିତ ପଶୁ ଭାବରେ ରଖିବା ପ୍ରସଙ୍ଗ ମଧ୍ୟ ଅନେକ ଥର ଉଠିଛି। ସେଠାରେ ଏକ ବିଦେଶୀ ପ୍ରାଣୀ କାଫେ ଅଛି । ଯେଉଁଠାରେ ବଡ ବଡ ହିଂସ୍ର ବଣୁଆ ଜନ୍ତୁମାନଙ୍କୁ ରଖାଯାଏ । ସେଠାକୁ ଆସୁଥିବା ଲୋକମାନେ ସେମାନଙ୍କୁ ସ୍ପର୍ଶ କରିପାରିବେ ଏବଂ ସେମାନଙ୍କର ଫଟୋ ମଧ୍ୟ ଉଠାଇପାରିବେ ।
ଆମେରିକାର ଅନେକ ରାଜ୍ୟରେ ଜଙ୍ଗଲି ସିଂହ କମ୍ କିନ୍ତୁ ପାଳିତ ସିଂହ ଅଧିକ ଅଛନ୍ତି । ବିଜନେସ୍ ଇନସାଇଡର୍ ଦ୍ୱାରା ପ୍ରକାଶିତ ଏକ ରିପୋର୍ଟରେ କୁହାଯାଇଛି ଯେ ସେଠାରେ ପ୍ରାୟ ୧୨ ଟି ରାଜ୍ୟରେ ୫୦୦୦ରୁ ଅଧିକ ଚିତାବାଘ ରଖାଯାଇଛି। ୱାର୍ଲଡ ୱାଇଲ୍ଡଲାଇଫ ଫଣ୍ଡ ଅନୁଯାୟୀ ଜଙ୍ଗଲରେ ବାସ କରୁଥିବା ବାଘଙ୍କ ସଂଖ୍ୟା ୪୦୦୦ରୁ କମ୍ ହୋଇଗଲାଣି ।
କିନ୍ତୁ ଆଇନଗତ ଅନୁମୋଦନ ବିନା ଭାରତରେ ବାଘ ଏବଂ ସିଂହ ପାଳିତ ହୋଇପାରିବ ନାହିଁ। ବନ୍ୟଜନ୍ତୁ ସୁରକ୍ଷା ଆଇନ ଅନୁଯାୟୀ, ଏହି ପଶୁମାନଙ୍କୁ ଗୃହପାଳିତ ପଶୁ ପରି ପାଳିବାକୁ ମଞ୍ଜୁରି ମିଳିନାହିଁ ।
Comments are closed.