ମୁମ୍ବାଇ: ବଲିଉଡରେ ଅନେକ ରୋଚକ ଘଟଣା ଏବଂ କାହାଣୀ ଶୁଣିବାକୁ ମିଳିଥାଏ । କିନ୍ତୁ କିଛି କଳାକାରଙ୍କ ସହ ଜଡିତ କାହାଣୀଗୁଡିକ ଅତ୍ୟନ୍ତ ଆକର୍ଷଣୀୟ ଏବଂ ଆଶ୍ଚର୍ଯ୍ୟଜନକ । ସେମିତି ଜଣେ ଅଭିନେତାଙ୍କର ମଧ୍ୟ ସମାନ କାହାଣୀ ରହିଛି, ଯିଏ ଅନ୍ଧବିଶ୍ୱାସ ହେତୁ ବିବାହ କରିନଥିଲେ ଏବଂ ମୃତ୍ୟୁ ପର୍ଯ୍ୟନ୍ତ ଅବିବାହିତ ରହିଥିଲେ । ପରଦାରେ ସ୍ୱାମୀ ଏବଂ ବାପାଙ୍କ ଭୂମିକାରେ ଅଭିନୟ କରିଥିବା ଏହି ଅଭିନେତା ବାସ୍ତବ ଜୀବନରେ କଦାପି ସ୍ୱାମୀ ଏବଂ ବାପା ହୋଇପାରିଲେ ନାହିଁ ।
ସେହି ଅଭିନେତା ଜଣକ ହେଲେ ବଲିଉଡର ଜଣେ ଅତି ପରିଚିତ ଚେହେରା ସଞ୍ଜୀବ କପୁର । ଯାହାଙ୍କର ବଲିଉଡ ଇଣ୍ଡଷ୍ଟ୍ରୀର ଡ୍ରିମ୍ ଗର୍ଲ ହେମା ମାଳିନୀଙ୍କ ସହ ସମ୍ପର୍କ ଏକ ସମୟରେ ବହୁ ଚର୍ଚ୍ଚିତ ଥିଲା । କୁହାଯାଏ ଯେ ସଞ୍ଜୀବ ହେମାଙ୍କୁ ଗଭୀର ପ୍ରେମ କରୁଥିଲେ । ତଥାପି ସେମାନଙ୍କ ସମ୍ପର୍କ ବିବାହରେ ପହଞ୍ଚି ପାରିନଥିଲା । ଏହା ପରେ ଅଭିନେତ୍ରୀ ସୁଲକ୍ଷଣା ପଣ୍ଡିତଙ୍କ ସହ ତାଙ୍କ ନାମ ମଧ୍ୟ ଜଡିତ ହୋଇଥିଲା କିନ୍ତୁ ଅଭିଶାପ ହେତୁ ସେ କାହାକୁ ବିବାହ କରିନଥିଲେ ।
ଏହି ଅଭିଶାପ ପାଇଁ ବିବାହ କରିନଥିଲେ ସଞ୍ଜୀବ
ଲେହରେଁ ରେ ପ୍ରକାଶିତ ଏକ ଖବର ଅନୁଯାୟୀ, ସଞ୍ଜୀବ କପୁରଙ୍କ ପରିବାରକୁ ଅଭିଶାପ ଦିଆଯାଇଥିଲା । ଏହି କାରଣରୁ, ଯେତେବେଳେ ତାଙ୍କ ପରିବାରର ବଡ ପୁଅ ଦଶ ବର୍ଷ ହୋଇଥିଲା, ସେତେବେଳେ ତାଙ୍କ ପିତାଙ୍କର ଦେହାନ୍ତ ହୋଇଥିଲା । ଏହି କାରଣରୁ, ସଞ୍ଜୀବଙ୍କ ପରିବାରର ଅନେକ ଲୋକ ୫୦ ବର୍ଷ ବୟସ ପୂର୍ବରୁ ମୃତ୍ୟୁ ବରଣ କରିଥିଲେ । ସଞ୍ଜୀବଙ୍କ ଜେଜେବାପା, ବାପା, ମାମୁଁ ଏବଂ ତାଙ୍କ ଭାଇଙ୍କ ସହ ମଧ୍ୟ ସମାନ ଏହିପରି ଘଟିଥିଲା ଏବଂ ଏହି ଭୟ ହେତୁ ସଞ୍ଜୀବ କପୁର ବିବାହ କରିନଥିଲେ ଯେପରି ତାଙ୍କ ସହ ସମାନ ଘଟଣା ନହୁଏ ।
ମାତ୍ର ୪୭ ବର୍ଷ ବୟସରେ ଦେହାନ୍ତ
ଅଭିଶାପ ଭୟରେ ସଞ୍ଜୀବ କପୁର ବିବାହ କରିନଥିଲେ କିନ୍ତୁ ସେ ଜଣେ ହାର୍ଟ ରୋଗୀ ଥିଲେ । ତାଙ୍କ ପରିବାରର ଅନେକ ଲୋକଙ୍କର ଏହି ରୋଗ ହୋଇଥିଲା ଏବଂ ଏହି କାରଣରୁ ସେମାନେ ଅଳ୍ପ ବୟସରେ ମୃତ୍ୟୁ ବରଣ କରିଥିଲେ । ସଞ୍ଜୀବ କପୁର ନିଜେ ମଧ୍ୟ ୪୭ ବର୍ଷ ବୟସରେ ଏହି ଦୁନିଆରୁ ବିଦାୟ ନେଇଥିଲେ । ହୃଦଘାତ ଯୋଗୁଁ ସେ ୬ ନଭେମ୍ବର ୧୯୮୫ରେ ମୃତ୍ୟୁ ବରଣ କରିଥିଲେ ।