ଅନେକ ଫ୍ଲପ ଫିଲ୍ମ ପରେ ମଧ୍ୟ କାହିଁକି ‘ସିଙ୍ଘମ୍ ଏଗେନ’ ପାଇଁ ଅର୍ଜୁନଙ୍କୁ ବାଛିଥିଲେ ରୋହିତ ….

ମୁମ୍ବାଇ: ଅନେକ ଫ୍ଲପ ଚଳଚ୍ଚିତ୍ର ପରେ ମଧ୍ୟ ସବୁବେଳେ ଚର୍ଚ୍ଚାରେ ଥିବା ଅଭିନେତା ଅର୍ଜୁନ କପୁରଙ୍କ କ୍ୟାରିୟର ଏବେ ସଫଳତାକୁ ଆଉ ଏକ ପାଦ ଆଗକୁ ବଢ଼ାଇଛି l 2012 ରେ ରିଲିଜ ହୋଇଥିବା ‘ଇଶକଜାଦେ’ ଚଳଚ୍ଚିତ୍ରରେ ସେ ପ୍ରଥମେ ଡେବ୍ୟୁ କରିଥିଲେ। ନିଜ କ୍ୟାରିୟରରେ ସେ ଅନେକ କଷ୍ଟ ସମୟ ମଧ୍ୟ ଦେଖିଛନ୍ତି l ଗତ କିଛି ଦିନ ଧରି ତାଙ୍କର ଚଳଚ୍ଚିତ୍ର ଚାଲୁ ନଥିଲା l ଏବେ ଅର୍ଜୁନ କପୁର ଅଜୟ ଦେବଗନଙ୍କ ‘ସିଙ୍ଘମ୍ ଏଗେନ’ ନଜର ଆସିଛନ୍ତି l ଏହି ଚଳଚ୍ଚିତ୍ରରେ ସେ ଖଳନାୟକ ଭୂମିକାରେ ଅଭିନୟ କରିଛନ୍ତି ।

ତେବେ ରୋହିତ ଶେଟ୍ଟୀଙ୍କ ଫିଲ୍ମ ‘ସିଙ୍ଘମ୍ ଏଗେନ’ ପାଇଁ ସଂଳାପ ଲେଖିଛନ୍ତି ମିଲାପ ଜାଭେରୀ । ସିଦ୍ଧାର୍ଥ କାନନଙ୍କ ସହ କଥାବାର୍ତ୍ତା ବେଳେ ମେଲାପ କହିଛନ୍ତି ଯେ ଚଳଚ୍ଚିତ୍ର ନିର୍ମାତା ଜଣେ ଜିନିୟସ ଯେ ସେ ସମସ୍ତଙ୍କ ଉପରେ ବିଶ୍ୱାସ ରଖିଛନ୍ତି l ସେ ବ୍ୟକ୍ତିର କ୍ୟାରିଅର ଗ୍ରାଫ ଯେତେ ଉଚ୍ଚ-ନିଚ୍ଚ ହେଉନା କାହିଁକି l ଯେତେବେଳେ ମିଲାପଙ୍କୁ ପଚରାଯାଇଥିଲା ଯେ ଏତେ ଗୁଡିଏ ଫ୍ଲପ ଫିଲ୍ମ ପରେ ମଧ୍ୟ ଅର୍ଜୁନ କପୁରଙ୍କୁ କାହିଁକି ଏହି ଫିଲ୍ମ ପାଇଁ ବଛାଯାଇଥିଲା ସେତେବେଳ ମିଲାପ କହିଛନ୍ତି, ରୋହିତ ସିଙ୍ଘମ୍ ପାଇଁ ପ୍ରଥମେ ଅର୍ଜୁନରେ ପ୍ରତିଭା ଏବଂ ଉତ୍ସାହ ଦେଖିଥିଲେ l ଏହା ପରେ ସେ ଅନୁଭବ କରିଥିଲେ ଯେ ଅର୍ଜୁନଙ୍କୁ କେବଳ ଗୋଟେ ଉପଯୁକ୍ତ ସୁଯୋଗ ଦରକାର ଏବଂ ଏହା ହେଉଛି ତାଙ୍କର ବୁଦ୍ଧିମତା । ତେବେ ଫିଲ୍ମ ରିଲିଜ୍ ହେବା ପରେ ଆପଣ ବୁଝିପାରିବେ କି ରୋହିତ କେତେ ଦୂର ଠିକ୍ ଥିଲେ l

ମେଲାପ ଆହୁରି ମଧ୍ୟ କହିଛନ୍ତି ଯେ, ସତ୍ୟମେବ ଜୟତେ 2 ପରେ ଅର୍ଜୁନଙ୍କ କ୍ୟାରିୟର ଯେତେବେଳେ କଠିନ ପର୍ଯ୍ୟାୟ ଦେଇ ଗତି କରୁଥିଲା, ରୋହିତ ତାଙ୍କୁ ସେତେବେଳେ ସିଙ୍ଘମରେ କାମ କରିବାର ସୁଯୋଗ ଦେଇଥିଲେ । ରୋହିତ ଶେଟ୍ଟୀ ଏମିତି ସେମିତି ନୁହନ୍ତି l ସେ ବହୁତ ଜିନିୟସ l ରୋହିତ ଶେଟ୍ଟୀ ହେଉଛନ୍ତି ଭାରତର ସବୁଠାରୁ ବଡ ନିର୍ଦ୍ଦେଶକ। ସେ ବହୁତ ଭଲ ମଣିଷ l ଯେତେବେଳେ ସେ ସେଟ୍କୁ ଆସନ୍ତି, ସେଟରେ ଥିବା ସମସ୍ତ ବ୍ୟତି ତାଙ୍କୁ ସମ୍ମାନ କରନ୍ତି l ସେ ସମସ୍ତଙ୍କୁ ସମର୍ଥନ କରନ୍ତି l