ଅଯୋଧ୍ୟା: ଭଗବାନ ରାମଙ୍କ ଜନ୍ମଭୂମି ଅଯୋଧ୍ୟାରେ ଦୀପାବଳି ପାଳନ ପାଇଁ ଜୋରଦାର ପ୍ରସ୍ତୁତି ଚାଲିଛି। ଦୀପାବଳି ଦିନ ଏଠାରେ ଲକ୍ଷ ଲକ୍ଷ ଦୀପ ଜଳାଯାଏ। ତେବେ ଏହାରି ମଧ୍ଯରେ ଏଠାରେ ଥିବା ମାଙ୍କଡ ମାନଙ୍କ ପାଇଁ ଅକ୍ଷୟ କୁମାର ୧ କୋଟି ଟଙ୍କା ଦାନ କରିଛନ୍ତି।
ଅଯୋଧ୍ୟାରେ ହଜାର ହଜାର ମାଙ୍କଡ଼ ରୁହନ୍ତି । ସୂଚନା ଅନୁଯାୟୀ, ମାଙ୍କଡ ମାନଙ୍କର ଖାଦ୍ୟ ପାଇଁ ଅକ୍ଷୟ କୁମାର ଏହି ରାଶି ପ୍ରଦାନ କରିଛନ୍ତି। ସେ ଭଗବାନ ରାମଙ୍କ ଆଶୀର୍ବାଦ ମାଗିବା ସହ ପୁରାଣ ଓ ଭାରତୀୟ ସଂସ୍କୃତିରେ ପଶୁ ମାନଙ୍କର ସୁରକ୍ଷା ପାଇଁ ବହୁତ କିଛି ପଦକ୍ଷେପ ନିଆ ଯାଇଥିବା କଥା ମଧ୍ଯ କହିଛନ୍ତି।
ତେବେ ଜଗତଗୁରୁ ସ୍ୱାମୀ ରାଘବାଚାର୍ଯ୍ୟ ଜୀ ମହାରାଜଙ୍କ ଅଞ୍ଜନ୍ୟା ସେବା ଟ୍ରଷ୍ଟ ଅଯୋଧ୍ୟାରେ ମାଙ୍କଡ଼ମାନଙ୍କ ଖାଦ୍ୟପେୟର ବ୍ୟବସ୍ଥା କରିଥାଏ । ଏହି କ୍ଷେତ୍ରରେ ସମସ୍ତ ପ୍ରକାର ସହଯୋଗ କରିବେ ବୋଲି ଟ୍ରଷ୍ଟକୁ ଅକ୍ଷୟ କୁମାର ପ୍ରତିଶ୍ରୁତି ଦେଇଛନ୍ତି ।
Comments are closed.