ଆଡିଲେଡ: ଏଠାରେ ଚାଲିଥିବା ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ କ୍ରିକେଟ ଟେଷ୍ଟରେ ଟିମ ଇଣ୍ଡିଆ ବିପଦରେ ପଡିଛି । ଏହି ଦିବାରାତ୍ର ଟେଷ୍ଟର ଦ୍ୱିତୀୟ ଦିବସ ଖେଳ ଶେଷ ସୁଦ୍ଧା ଭାରତ ଦ୍ୱିତୀୟ ଇନିଂସରେ ୫ ୱିକେଟ ହରାଇ ୧୨୮ ରନ ସଂଗ୍ରହ କରିଛି । ବିରାଟ କୋହଲି ଓ ରୋହିତ ଶର୍ମା ପୂନର୍ବାର ନିରାଶ କରିଛନ୍ତି । ଉଭୟ ବ୍ୟାଟ୍ସମ୍ୟାନ ଯଥାକ୍ରମେ ୧୧ ଓ ୬ ରନ କରି ଆଉଟ ହୋଇ ଯାଇଥିଲେ । ରିଷଭ ପନ୍ତ ୨୮ ଓ ନୀତିଶ କୁମାର ରେଡ୍ଡୀ ୧୫ ରନ କରି ଅପରାଜିତ ରହିଛନ୍ତି । ଦଳ ଏବେ ବି ଅଷ୍ଟ୍ରେଲିଆ ସ୍କୋରଠାରୁ ୨୯ ରନ ପଛରେ ରହିଛି । ପ୍ୟାଟ କମିନ୍ସ ଓ ସ୍କଟ ବୋଲାଣ୍ଡ ୨ଟି ଲେଖାଏଁ ଏବଂ ମିଚେଲ ଷ୍ଟାର୍କ ଗୋଟିଏ ୱିକେଟ ଅକ୍ତିଆର କରିଛନ୍ତି ।
ଭାରତର ପ୍ରଥମ ଇନିଂସ ସ୍କୋର ୧୮୦ ରନ ଜବାବରେ ଅଷ୍ଟ୍ରେଲିଆ ୩୩୭ ରନ କରି ଅଲଆଉଟ ହୋଇଥିଲା । ଟ୍ରେଭିସ ହେଡ ଆକର୍ଷଣୀୟ ୧୪୦ ରନର ଇନିଂସ ଖେଳିଥିଲେ । ମାର୍ନସ ଲାବୁସେନ ୬୪ ଓ ନାଥାନ ମ୍ୟାକସୁଇନ ୩୯ ରନ କରିଥିଲେ । ଯଶପ୍ରୀତ ବୁମରାହ ଓ ମହମ୍ମଦ ସିରାଜ ୪ଟି ଲେଖାଏଁ ୱିକେଟ ନେଇଥିଲେ । ଏବେ ରିଷଭ ପନ୍ତ ଓ ଭଲ ଫର୍ମରେ ଥିବା ନୀତିଶଙ୍କଠାରୁ ଏକ ବଡ ଇନିଂସ ଆଶା କରାଯାଉଛି । ୫ ମ୍ୟାଚ ବିଶିଷ୍ଟ ସିରିଜରେ ଭାରତ ୨-୦ରେ ଅଗ୍ରଣୀ ରହିଛି । ୱାର୍ଲ୍ଡ ଟେଷ୍ଟ ସିରିଜ ଫାଇନାଲରେ ପ୍ରବେଶ ପାଇଁ ଭାରତକୁ ଏହି ସିରିଜରେ ଅତି କମରେ ୩ଟି ମ୍ୟାଚ ଜିତିବାକୁ ପଡିବ ।
Comments are closed.