ମାଲକାନଗିରି: ମାଲକାନଗିରି ପୋଲିସକୁ ବଡ ସଫଳତା । ଆଜି ୩ ଜଣ ହାର୍ଡକୋର ମହିଳା ମାଓବାଦୀ ଗିରଫ ହୋଇଛନ୍ତି । ସେମାନଙ୍କ ନାମରେ ୮ ଲକ୍ଷ ପୁରସ୍କାର ରାଶି ଥିଲା । ମାଲକାନଗିରି ପୋଲିସ ଏବଂ ଡିଭିଏଫ ଯବାନଙ୍କ ତଲାସି ଅଭିଯାନ ବେଳେ ଚିତ୍ରକୋଣ୍ଡା ଥାନା ଅନ୍ତର୍ଗତ ଗୁଣ୍ଠାବେଡା ଜଙ୍ଗଲରୁ ଏମାନଙ୍କୁ ଗିରଫ କରାଯାଇଛି ।
ଦକ୍ଷିଣ ପଶ୍ଚିମାଞ୍ଚଳ ଡିଆଇଜି ନୀତି ଶେଖରଙ୍କ ସୂଚନା ଅନୁଯାୟୀ, ମାଲକାନଗିରି ସ୍ୱାଭିମାନ ଅଞ୍ଚଳରୁ ଗିରଫ ହୋଇଛନ୍ତି ଏହି ତିନି ମାଓବାଦୀ । ଆନ୍ଧ୍ର ଓଡିଶା ବୋର୍ଡର ସାଉଥ ଜୋର୍ଣ୍ଣାଲ କମ୍ମିଟି ମିଲେଟ୍ରି ପ୍ଲାଟୁନର ଥିଲେ ଏହି ହାର୍ଡକୋର ମାଓବାଦୀ । ଗିରଫ ତିନି ଜଣ ସ୍ୱପ୍ନା, ବବିତା ଓ ସୁନିତା ବୋଲି ଜଣାପଡିଛି ।
ଗିରଫ ମହିଳା ମାଓବାଦୀ ମାନେ ହେଲେ ମହିଳା ମାଓ ନେତ୍ରୀ ସ୍ୱପ୍ନା ଏସିଏମ କ୍ୟାଡ଼ର ତା ନାମରେ ୪ ଲକ୍ଷ ଟଙ୍କା ପୁରସ୍କାର ଥିବାବେଳେ, ବବିତା ନାମରେ ୨ ଲକ୍ଷ ଟଙ୍କା ପୁରସ୍କାର ଥିଲା । ସେହିପରି ସୁନିତା ଟପ ମାଓବାଦୀ ଉଦୟର ଥିଲେ ଅଙ୍ଗ ରକ୍ଷକ ତା ନାମରେ ୨ ଲକ୍ଷ ଟଙ୍କା ଥିଲା ପୁରସ୍କାର ରାଶି । ଏହି ତିନି ମହିଳା ମାଓବାଦୀଙ୍କ ନାଁରେ ମୋଟ ୮ ଲକ୍ଷ ଟଙ୍କା ପୁରସ୍କାର ଥିଲା ।