ଦିଲ୍ଲୀ ନିର୍ବାଚନ ପାଇଁ ବିଜେପିର ଦ୍ୱିତୀୟ ପ୍ରାର୍ଥୀ ତାଲିକା, କରାୱଲ ଆସନରୁ ଲଢିବେ କପିଲ୍ ମିଶ୍ର
ନୂଆଦିଲ୍ଲୀ: ବିଜେପି ଜାରି କରିଛି ଦ୍ଵିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା। ଦିଲ୍ଲୀ ବିଧାନସଭା ନିର୍ବାଚନ ପାଇଁ ବିଜେପି ପ୍ରାର୍ଥୀଙ୍କ ଦ୍ୱିତୀୟ ତାଲିକା ଜାରି କରିଛି। ଏହି ତାଲିକାରେ ୨୯ ଜଣଙ୍କ ନାଁ ଘୋଷଣା କରାଯାଇଛି । କରାୱଲ ନଗର ଆସନରୁ କପିଲ୍ ମିଶ୍ରଙ୍କୁ ମିଳିଛି ଟିକେଟ । ସେହିପରି ମୋତିନଗର ଆସନରୁ ହରିଶ ରାୱତଙ୍କୁ ଦଳ ପ୍ରାର୍ଥୀ ଭାବରେ ବାଛିଛି । ନିକଟରେ ଆପ୍ ଛାଡ଼ି ବିଜେପିରେ ସାମିଲ ହୋଇଥିବା ପ୍ରିୟଙ୍କା ଗୌତମଙ୍କୁ କୋଣ୍ଡଲି ଆସନରୁ ପ୍ରାର୍ଥୀ କରିଛି ଦଳ। ପ୍ରିୟଙ୍କା ଡିସେମ୍ୱର ୨୮ରେ ଆପ୍ ଛାଡ଼ି ବିଜେପିରେ ଯୋଗ ଦେଇଥିଲେ।
भाजपा ने #DelhiElections2025 के लिए 29 उम्मीदवारों की दूसरी सूची जारी की। pic.twitter.com/ZOdlS6i8Va
— ANI_HindiNews (@AHindinews) January 11, 2025
ଉଲ୍ଲେଖଯୋଗ୍ୟ, ଶୁକ୍ରବାର ଦିଲ୍ଲୀ ବିଧାନସଭାର ବଳକା ଆସନରେ ପ୍ରାର୍ଥୀ ପାଇଁ ବିଜେପିର କେନ୍ଦ୍ରୀୟ ବୈଠକ କରିଥିଲା । ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହମନ୍ତ୍ରୀ ଅମିତ୍ ଶାହ ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ସମେତ ଅନ୍ୟ ବରିଷ୍ଠ ନେତା ଉପସ୍ଥିତ ଥିଲେ । ଏହା ପୂର୍ବରୁ ଜାନୁଆରୀ ୪ରେ ଦିଲ୍ଲୀ ବିଧାନସଭା ନିର୍ବାଚନ ପାଇଁ ବିଜେପି ପ୍ରଥମ ପ୍ରାର୍ଥୀ ତାଲିକା ଘୋଷଣା କରିଥିଲା । ଏଥିରେ ମଧ୍ୟ ଦଳ ୨୯ ଜଣ ପ୍ରାର୍ଥୀଙ୍କ ନାମ ଘୋଷଣା କରିଥିଲା ।