ଭୁବନେଶ୍ବର: ଖଣ୍ଡଗିରି ଯାତ୍ରାରେ ଏବେ ଆଉ ହେବନି ଅଶ୍ଳୀଳ ନୃତ୍ୟ । ଆଉ ନାଚି ପାରିବେନି ଆଇଟମ ଡ୍ୟାନ୍ସର । ଆଜି ଖଣ୍ଡଗିରି ଯାତ୍ରା କମିଟି ଏବଂ କମିଶନରେଟ ପୁଲିସ ମଧ୍ୟରେ ହୋଇଥିବା ଏକ ଗୁରୁତ୍ୱପୂର୍ଣ୍ଣ ବୈଠକରେ ଏହି ନିଷ୍ପତ୍ତି ନିଆଯାଇଛି ।
ଦିନକୁ ଦିନ ଯାତ୍ରା ଜଗତ ଅଶ୍ଲୀଳତା ଭିତରେ ବୁଡି ଯାଉଥିବାବେଳେ, ବଦନାମ ହୋଇଛି ଯାତ୍ରା ଜଗତ । ତେଣୁ ଆଉ କେହି ନିଜ ପରିବାର ସହ ଯାତ୍ରା ଦେଖି ଯିବାକୁ ଆଗ୍ରହ ପ୍ରକାଶ କରୁନାହାନ୍ତି । ଏନେଇ ବାରମ୍ବାର ବିଭିନ୍ନ ସଂଗଠନ ପକ୍ଷରୁ ଅଭିଯୋଗ ସତ୍ବେ କିଛି ଫରକ୍ ପଡୁନଥିବାବେଳେ, ଏବେ କିନ୍ତୁ ଏଥି ପ୍ରତି କଠୋର ହୋଇଛନ୍ତି ରାଜ୍ୟ ସରକାର । ଯାହାକୁ ନେଇ ଆଜି ଖଣ୍ଡଗିରି ଥାନା ପରିସରରେ ବସିଥିବା ବୈଠକରେ ଏଭଳି ନିଷ୍ପତ୍ତି ନିଆଯାଇଛି ।
ମାଘ ସପ୍ତମୀରୁ ଅର୍ଥାତ୍ ଫେବୃଆରୀ ୬ ରୁ୧୭ ଯାଏଁ ଖଣ୍ଡଗିରିରେ ଚାଲିବ ଯାତ୍ରା ମହାସମର । ଏନେଇ ୧୨ଟି ଯାତ୍ରା ପାର୍ଟି ଭାଗନେବେ । ହେଲେ କିଛି ନୃତ୍ୟଶିଳ୍ପୀଙ୍କୁ ଏଥର ମଞ୍ଚରେ ଡ୍ୟାନ୍ସ କରିବାକୁ ସୁଯୋଗ ଦିଆଯିବ ନାହିଁ ।