ଏଇ ଖରା ଛୁଟିରେ କମ୍ ବଜେଟରେ ବୁଲି ଯାଆନ୍ତୁ ଏହି ସମସ୍ତ ସ୍ଥାନ…

ଭୁବନେଶ୍ଵର: ମୁଣ୍ଡ ଉପରେ ଟାଇଁ ଟାଇଁ ଖରା । ଦିନକୁ ଦିନ ତାତି ବି ବଢୁଛି । ଅସହ୍ୟ ଉତ୍ତପ୍ତରେ ବ୍ୟତିବ୍ୟସ୍ତ ଶରୀର । ଆଉ ଏହି ଗ୍ରୀଷ୍ମ ଋତୁର ଅସହ୍ୟ ଯନ୍ତ୍ରଣାରୁ ମୁକ୍ତି ପାଇଁ ସମସ୍ତଙ୍କ ମନ । ଏଥିପାଇଁ ଖାଦ୍ୟପେୟ, ପୋଷାକ ସହ ନିତିଦିନିଆ ଜୀବନ ଶୈଳୀରେ ପରିବର୍ତ୍ତନ ସହ ଶୀତଳ ପରିବେଶରେ ଦିନ କଟାଇବାକୁ ମଧ୍ୟ ଲୋକେ ଚାହିଁଥାନ୍ତି । ସେଥିପାଇଁ ପିଲାମାନଙ୍କ ଖରା ଛୁଟି ହେବା ମାତ୍ରେ ହିଁ ଦୁର ଦୁର ସ୍ଥାନକୁ ବୁଲିବାକୁ ଯାଆନ୍ତି ଲୋକଏ । ଯେଉଁଠି ରହିଥିବ ସବୁଜ ବନାନୀ ଘେରା ଅନେକ ଛୋଟବଡ଼ ଜଳପ୍ରପାତ, ଯେଉଁଠି ଅସହ୍ୟ ତାତିରୁ ମିଳେ ଆଶ୍ବସ୍ତି ଓ ମନକୁ ମିଳେ ତୃପ୍ତି । କଂକ୍ରିଟ ଜଙ୍ଗଲରୁ କିଛି ଦିନ ପାଇଁ ଦୂରେଇ ରହି ପ୍ରକୃତି କୋଳରେ ସମୟ କଟାଇବାକୁ ଚାହୁଁଥିଲେ ଏବଂ କମ୍ ବଜେଟରେ ଆପଣ ବିଦେଶ ବୁଲିବାର ମଜା ମଧ୍ୟ ନେଇପାରିବେ । ତେବେ ଡେରି ନକରି ଆଜି ହିଁ ପ୍ଲାନ କରନ୍ତୁ ଏବଂ ଆଉ ଏହି ସ୍ଥାନରୁ ନିଅନ୍ତୁ ଗ୍ରୀଷ୍ମକାଳୀନ ବୁଲାବୁଲିର ଭରପୁର ଆନନ୍ଦ ।

ଶ୍ରୀଲଙ୍କା:

ଯଦି ଆପଣ ସମୁଦ୍ର କୂଳିଆ ଅଂଚଳ ବୁଲିବାକୁ ଭଲ ପାଆନ୍ତି ତେବେ ଏହି ଦେଶ ଆପଣଙ୍କ ପାଇଁ ସ୍ୱର୍ଗଠାରୁ କମ୍‌‌ ନୁହେଁ। ଶ୍ରୀଲଙ୍କାର ସୁନ୍ଦର ବେଳାଭୂମି, ଚା ବୃକ୍ଷରୋପଣ ଠାରୁ ଆରମ୍ଭ କରି ପ୍ରାଚୀନ ଇତିହାସର ପ୍ରମାଣ ପର୍ଯ୍ୟନ୍ତ ଏହି ଦେଶରେ ବହୁତ କିଛି ବୁଲିବା ସ୍ଥାନ ରହିଛି। ୟୁନେସ୍କୋ ବିଶ୍ୱ ଐତିହ୍ୟସ୍ଥଳ ଠାରୁ ଆରମ୍ଭ କରି ୱାଇଲ୍ଡ ସଫାରି ପର୍ଯ୍ୟନ୍ତ ସବୁକିଛି ସ୍ୱଳ୍ପ ବଜେଟରେ ବୁଲିପାରିବେ।

ଇଣ୍ଡେ।ନେସିଆ:

ଯଦି ଆପଣ ଏହି ଦେଶକୁ ବୁଲିବାକୁ ଯାଉଛନ୍ତି ତେବେ ସୌନ୍ଦର୍ଯ୍ୟପୂର୍ଣ୍ଣ ସମୁଦ୍ରକୂଳ ବୁଲିପାରିବେ। ସୋସିଆଲ ମିଡ଼ିଆରେ ଯଦି ଆପଣ ବ୍ଲଗିଙ୍ଗ କରୁଛନ୍ତି ତେବେ ୧ ମାସ ପାଇଁ ବିଷୟବସ୍ତୁ ପାଇଯିବେ। ସୁନ୍ଦର ଓ ଚମତ୍କାର ବେଳାଭୂମି, ସବୁଜ ବର୍ଷା ଜଙ୍ଗଲ ଏବଂ ଜିବନ୍ତ ସଂସ୍କୃତି ସହିତ ଜଡିତ ଥିବା ଏଭଳି ଏକ ଦେଶ। ଜାକାର୍ତ୍ତାର ବ୍ୟସ୍ତବହୁଳ ରାସ୍ତାଠାରୁ ଆରମ୍ଭ କରି ବାଲି ଏବଂ ଲୋମ୍ବୋକ୍‌‌ ର ଶାନ୍ତ ବେଳାଭୂମି ବୁଲିଯିବାର ମଜା ଉଠାଇପାରିବେ।

ଥାଇଲାଣ୍ଡ:

ଏହି ସ୍ଥାନକୁ ନିଜ ସାଙ୍ଗମାନଙ୍କ ସହିତ ଯିବାକୁ ପ୍ରାୟତଃ ଲୋକମାନେ ଭଲ ପାଆନ୍ତି। କିନ୍ତୁ ଥାଇଲାଣ୍ଡରେ ଆପଣ ନିଜ ପରିବାର ସହିତ ପରିଦର୍ଶନ କରିବାକୁ ଗଲେ ଖୁବ ଭଲଭାବରେ ଉପଭୋଗ କରିପାରିବେ। ଡାଇନାମିକ୍‌‌ ବଜାର, ବେଳାଭୂମି, ବ୍ୟାଙ୍କକ ର ସୁନ୍ଦର ରାସ୍ତା, ଏଠାରେ ବହୁତ କିଛି ଅଛି ଯାହାକୁ ଆପଣ ନିଜ ବଜେଟରେ ବୁଲି ଦେଖିପାରିବେ। ଏଠାରେ ରହିବା ଠାରୁ ଆରମ୍ଭ କରି ବୁଲିବା ପର୍ଯ୍ୟନ୍ତ ସବୁ ଆପଣଙ୍କ ବଜେଟରେ ହେଇପାରିବ।

ନେପାଳ:

ନେପାଳ ହେଉଛି ଏମିତି ଏକ ଦେଶ ଯେଉଁଠିକୁ ଆପଣ ବଜେଟ ଭିତରେ ବୁଲିବାକୁ ଯାଇପାରିବେ। ପ୍ରାକୃତିକ ସୌନ୍ଦର୍ଯ୍ୟରେ ଭଣ୍ଡାର ହେଉଛି ଏହି ଦେଶ। ଆପଣ ଯଦି ନେପାଳ ଯାଉଛନ୍ତି ତେବେ ଅନେକ ସୁନ୍ଦର ସ୍ଥାନ ପରିଦର୍ଶନ କରିପାରିବେ। ଏଭରେଷ୍ଟ ବେସକ୍ୟାମ୍ପ ଠାରୁ ଆରମ୍ଭ କରି ପ୍ରାଚୀନ ମନ୍ଦିର ପର୍ଯ୍ୟନ୍ତ ପରିଦର୍ଶନ କରି ପ୍ରାକୃତିକ ସୌନ୍ଦର୍ଯ୍ୟର ଭରପୁର ମଜା ଉଠାଇବେ।

ଫିଲିପାଇନ୍ସ:

ନିଜ ପରିବାର ସହିତ ଏହି ସ୍ଥାନକୁ ସହଜରେ ବୁଲିବାକୁ ଯାଇପାରିବେ। ସୌନ୍ଦର୍ଯ୍ୟରେ ଭରପୁର ହୋଇଥିବା ଏହି ଦେଶରେ ଅନେକ ସ୍ଥାନ ଯେପରିକି ମାନିଲାର ମଜାଦାର ଏବଂ ଜନଗହଳିପୂର୍ଣ୍ଣ ମାର୍କେଟ ଠାରୁ ଆରମ୍ଭ କରି ପଲାୱାନ ଏବଂ ବୋରାକେର ପ୍ରାଚୀନ ତଟ। ଏଠାରେ ବହୁତ କିଛି ଦର୍ଶନୀୟ ସ୍ଥାନ ବୁଲିପାରିବେ।

ଭିଏତନାମ: ଏପରି ଏକ ଦେଶ ଅଛି ଯାହାକୁ ଅଣ୍ଡରରେଟ୍‌‌ କୁହାଯାଏ । ସୌନ୍ଦର୍ଯ୍ୟ ଦୃଷ୍ଟିରୁ ଶୀର୍ଷରେ ରହିଛି ଏହି ଦେଶ। ସେ ହାନୋଇର ସୁନ୍ଦର ରାସ୍ତା ହେଉ କି ହଲାଁଗ୍ନ, ଏଠାରେ ବହୁତ କିଛି ସ୍ଥାନ ବୁଲିପାରିବେ।