ଫାଶୀଖୁଣ୍ଟରେ ଝୁଲିବେ ନିର୍ଭୟା ଦୋଷୀ; ଦୁଷ୍କର୍ମକାରୀ ଅକ୍ଷୟର ଆବେଦନକୁ ଖାରଜ କଲେ ସୁପ୍ରିମକୋର୍ଟ୍

ନୂଆଦିଲ୍ଲୀ: ଲୋମହର୍ଷଣକାରୀ ନିର୍ଭୟା ଗଣଦୁଷ୍କର୍ମ ଘଟଣାର ଦୋଷୀ ସାବ୍ୟସ୍ତ ହୋଇ ଫାଶୀଦଣ୍ଡ ପାଇଥିବା ଅକ୍ଷୟ କୁମାର ସିଂହର ପୁନର୍ବିଚାର ଆବେଦନକୁ ବୁଧବାର ଦିନ ସୁପ୍ରିକକୋର୍ଟ ଖାରଜ କରିଦେଇଛନ୍ତି ।

ଏହି ବହୁଚର୍ଚ୍ଚିତ ମାମଲାର ରାୟ ପ୍ରକାଶ କରିଛନ୍ତି ସୁପ୍ରିମକୋର୍ଟର ବରିଷ୍ଠ ବିଚାରପତି ଜଷ୍ଟିସ୍ ଅଶୋକ ଭୂଷଣ ।

Solicitor General Tushar Mehta says seven days can be given to file review and that one week is the time prescribed to file mercy petition before the President.

Court says Petitioner can avail the relief of mercy petition within the time stipulated. https://t.co/vRKKytgf5o

— ANI (@ANI) December 18, 2019

ସୁପ୍ରିମକୋର୍ଟରେ ବିଚାରପତି ଜଷ୍ଟିସ ଅଶୋକ ଭୂଷଣ, ଜଷ୍ଟିସ ଇନ୍ଦୁମତୀ ଏବଂ ଜଷ୍ଟିସ ଏ ଏସ ବୋପାନ୍ନାଙ୍କୁ ନେଇ ଗଠିତ ଖଣ୍ଡପୀଠରେ ଏହି ରାୟ ଘୋଷିତ ହୋଇଛି ।

ଏଠାରେ ସୂଚନାଯୋଗ୍ୟ, ୨୦୧୨ ଡ଼ିସେମ୍ବର ୧୬ ତାରିଖରେ ପାରା-ମେଡ଼ିକାଲ୍ ଛାତ୍ରୀ ନିର୍ଭୟାଙ୍କୁ ଏକ ଚଳନ୍ତା ବସରେ ୬ଜଣ ବ୍ୟକ୍ତି ପାଶବିକ ଭାବେ ଗଣଦୁଷ୍କର୍ମ କରିଥିଲେ । ତାଙ୍କୁ ଅମାନୁଷିକ ଭାବେ ଯୌନ ନିର୍ଯ୍ୟାତନା ଦେବାକୁ ପଛାଇନଥିଲେ ଏହି ନୃଶଂସ ଗଣ ଦୁଷ୍କର୍ମକାରୀ । ତାଙ୍କୁ ଗଣଦୁଷ୍କର୍ମ କରି ଅନେକ ଶାରୀରିକ ଯନ୍ତ୍ରଣା ଦେବା ପରେ ଚାଲୁଥିବା ବସରୁ ବାହାରକୁ ଫିଙ୍ଗିଦେଇଥିଲେ ।
ପରେ ଡ଼ିସେମ୍ବର ୨୯ରେ ପୀଡ଼ିତାଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା ।

ନିର୍ଭୟାଙ୍କ ମାଆ ଏହି ନୃଶଂସ ଗଣଦୁଷ୍କର୍ମକାରୀଙ୍କୁ ଫାଶୀଖୁଣ୍ଟରେ ଝୁଲାଇ ଦେବାକୁ ଅନେକ ଥର ଦାବୀ କରିଛନ୍ତି ।