ଭୁବନେଶ୍ବର: ପ୍ରତିବର୍ଷ ଜ୍ୟେଷ୍ଠ ଶୁକ୍ଳ ପକ୍ଷର ଦଶମୀ ତିଥିରେ ଗଙ୍ଗା ଦଶହରାର ପର୍ବ ପାଳନ କରାଯାଏ। ୨୦୨୫ ମସିହାରେ ପବିତ୍ର ଗଙ୍ଗା ଦଶହରାର ପର୍ବ ୫ ଜୁନ୍ (ଗୁରୁବାର) ଦିନ ପାଳିତ ହେବ। ଏହି ବିଶେଷ ଦିନରେ ଭକ୍ତମାନେ ପବିତ୍ର ଗଙ୍ଗା ନଦୀରେ ଆସ୍ଥାର ବୁଡ଼ ପକାଇଥାନ୍ତି। ବିଶ୍ୱାସ କରାଯାଏ ଯେ, ଏହି ଦିନ ମାତା ଗଙ୍ଗା ପୃଥିବୀରେ ଅବତରଣ କରିଥିଲେ।
ତେଣୁ ଏହି ଦିନ ଯଦି ଆପଣ ଗରିବ ଏବଂ ଅସହାୟ ଲୋକଙ୍କୁ କିଛି ବିଶେଷ ଜିନିଷ ଦାନ କରନ୍ତି, ତେବେ ଏହି ପୁଣ୍ୟ ଯୋଗୁଁ ଆପଣଙ୍କର ଭାଗ୍ୟ ମଧ୍ୟ ଉନ୍ନତ ହୁଏ ।
ତେବେ ଆସନ୍ତୁ ଜାଣିବା ଗଙ୍ଗା ଦଶହରାରେ କେଉଁ ୫ଟି ଜିନିଷ ଦାନ କରିବା ସବୁଠାରୁ ଶୁଭ..
-ଗଙ୍ଗା ଦଶହରାର ଦିନ ଏକ ମାଟି କିମ୍ବା ତମ୍ବା ପାତ୍ରରେ ପାଣି ଭର୍ତ୍ତି କରି ମନ୍ଦିର, ଧର୍ମଶାଳା କିମ୍ବା କୌଣସି ଅସହାୟ ବ୍ୟକ୍ତିଙ୍କୁ ଦାନ କରନ୍ତୁ।ଏହି ଦାନ ଆପଣଙ୍କ ଆୟୁ, ବଂଶ, ଧନ ଏବଂ ପୁଣ୍ୟ ବୃଦ୍ଧି କରେ।
-ଗଙ୍ଗା ଦଶହରାରେ ଧଳା ବସ୍ତ୍ର ଦାନ କରିବା ଦ୍ୱାରା ବ୍ୟକ୍ତିର ଜୀବନରେ ସକାରାତ୍ମକ ଶକ୍ତି, ମାନସିକ ଶାନ୍ତି ଏବଂ ଆଧ୍ୟାତ୍ମିକ ସନ୍ତୁଳନ ଆସିଥାଏ। ଗଙ୍ଗା ଦଶହରାରେ ଧଳା ଧୋତି, ଶାଢ଼ୀ, କୁର୍ତ୍ତା-ପାଇଜାମା, ଗାମୁଛା କିମ୍ବା ରୁମାଲ ଦାନ କରନ୍ତୁ। ବିଶେଷକରି ଏହି ଦାନ ବ୍ରାହ୍ମଣ,ସାଧୁ, ବୃଦ୍ଧ ବ୍ୟକ୍ତି,ଅନାଥଙ୍କୁ କରାଯିବା ଉଚିତ।
-ଗଙ୍ଗା ଦଶହରା ଅବସରରେ ଆପଣ ସରବତ ପ୍ରସ୍ତୁତ କରି ପଥଚାରୀ କିମ୍ବା ଶ୍ରମିକମାନଙ୍କୁ ବଣ୍ଟନ କରିପାରିବେ। ଏହି ଦାନ ଶରୀରରେ ଥିବା ଅଗ୍ନିକୁ ଶାନ୍ତ କରେ ଏବଂ କ୍ରୋଧ, ଚିନ୍ତା ଏବଂ ଅସନ୍ତୋଷକୁ ଦୂର କରେ।
-ଗ୍ରୀଷ୍ମ ଋତୁରେ ଗରମ ଏବଂ ପ୍ରଚଣ୍ଡ ଖରାରୁ ରକ୍ଷା କରିବା ପାଇଁ ଛତା, ଚପଲ ଏବଂ ଗାମୁଛା ଅତ୍ୟନ୍ତ ଆବଶ୍ୟକୀୟ ସାମଗ୍ରୀ । ତେଣୁ ଏହି ଜିନିଷଗୁଡ଼ିକୁ ଦାନ କରି ଆପଣ ଗରିବଲୋକଙ୍କ ଆବଶ୍ୟକତା ପୂରଣ କରିପାରିବେ ଏବଂ ଭଗବାନଙ୍କ ଆଶୀର୍ବାଦ ପାଇପାରିବେ। ଏହି ଦାନ ଆପଣଙ୍କୁ ଦୁର୍ଘଟଣାରୁ ରକ୍ଷା କରେ,
ଜୀବନର କଷ୍ଟରୁ ରକ୍ଷା କରେ ଏବଂ ଧର୍ମ ପଥକୁ ନେଇଯାଏ। ଗାମୁଛା ଶରୀରର ପବିତ୍ରତା ଏବଂ ମର୍ଯ୍ୟାଦାର ପ୍ରତୀକ, ଏହାର ଦାନ ସ୍ୱାସ୍ଥ୍ୟ ଏବଂ ସ୍ୱାଭିମାନ ବୃଦ୍ଧି କରେ।
-ଗଙ୍ଗା ଦଶହରାରେ, ଚାଉଳ,ଗହମ,ମୁଗ,ବିରି, ମସୁର ଡାଲି, ଯଅ’, ବାଜରା ଏବଂ ରାଶି ଭଳି ସାତ ପ୍ରକାରର ଶସ୍ୟ ଦାନ କରିବା ଦ୍ୱାରା ଦଶ ପ୍ରକାରର ପାପ ନଷ୍ଟ ହୁଏ। ଏହାକୁ ଗରିବ,ବ୍ରାହ୍ମଣ, ଭୋକିଲା ଶିଶୁମାନଙ୍କୁ ଦାନ କରିବା ସର୍ବୋତ୍ତମ। ଏହି ଦାନ ଜୀବନରେ ଧନ,ଅନ୍ନ,ସ୍ୱାସ୍ଥ୍ୟ ଏବଂ ସନ୍ତୋଷ ଆଣିଥାଏ।
Comments are closed.