ନୂଆଦିଲ୍ଲୀ: ଦିଲ୍ଲୀ ବିମାନବନ୍ଦରର ଟର୍ମିନାଲ-୩ରେ ଶୁକ୍ରବାର ସକାଳେ ଉତ୍ତେଜନା ଦେଖାଦେଇଥିଲା। ମୁମ୍ବାଇରୁ ଆସୁଥିବା ଏୟାର ଇଣ୍ଡିଆର ଏକ ବିମାନରେ ବୋମା ଧମକ ମିଳିଥିଲା।
ଫ୍ଲାଇଟ୍ ନମ୍ବର AI-2954 ରେ ଥିବା ଜଣେ କ୍ରୁ ସଦସ୍ୟ କ୍ୟାବିନରେ ଏକ ଧମକପୂର୍ଣ୍ଣ ବାର୍ତ୍ତା ପାଇଥିଲେ। ସୂଚନା ପାଇବା ମାତ୍ରେ ଦିଲ୍ଲୀ ଅଗ୍ନିଶମ ସେବା ଏବଂ ସୁରକ୍ଷା ଏଜେନ୍ସିଗୁଡ଼ିକ ଘଟଣାସ୍ଥଳରେ ପହଞ୍ଚି ବିମାନର ଛାନଭିନ୍ନ
ଆରମ୍ଭ କରିଥିଲେ। ତେବେ ଯାଞ୍ଚ ପରେ ଏହି ଧମକ ଏକ ଗୁଜବ ବୋଲି ଜଣାପଡିଛି । ବର୍ତ୍ତମାନ ସୁରକ୍ଷା ଏଜେନ୍ସିଗୁଡ଼ିକ ଏହି ନୋଟ୍ କିପରି ଏବଂ କିଏ ଛାଡିଛି ତାହା ଜାଣିବାକୁ ଚେଷ୍ଟା କରୁଛନ୍ତି।
ଜଣେ କ୍ରୁ ସଦସ୍ୟ ବିମାନ ଭିତରେ ଟିସୁ ପେପରର ଏକ ହାତଲେଖା ନୋଟ୍ ପାଇଥିଲେ, ଯାହାପରେ ସୁରକ୍ଷା ଚିନ୍ତା ସୃଷ୍ଟି କରିଥିଲା। ଏହି ନୋଟରେ ଏୟାର ଇଣ୍ଡିଆ ବିମାନରେ ବୋମା ଥିବା ଉଲ୍ଲେଖ କରାଯାଇଥିଲା।
ଏୟାର ଇଣ୍ଡିଆ ଏକ ସରକାରୀ ବିବୃତ୍ତିରେ କହିଛି ଯେ, ‘ଆମର ଗୋଟିଏ ବିମାନକୁ ବୋମା ଧମକ ମିଳିଥିଲା। ଖବର ଜଣାପଡିବା ପରେ ଆବଶ୍ୟକୀୟ ତଦନ୍ତ ଏବଂ ସୁରକ୍ଷା ପ୍ରକ୍ରିୟା ଗ୍ରହଣ କରାଯାଇଥିଲା। ତେବେ ସୁରକ୍ଷା ଯାଞ୍ଚ ପରେ ବିମାନକୁ ପରବର୍ତ୍ତୀ ଉଡ଼ାଣ ପାଇଁ ଅନୁମତି ଦିଆଯାଇଥିବା ଜଣାପଡିଛି।
Comments are closed.