ନୂଆଦିଲ୍ଲୀ: ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଦେଶର ଦୁଇଟି ରାଜ୍ୟ ଏବଂ ଗୋଟିଏ କେନ୍ଦ୍ର ଶାସିତ ଅଞ୍ଚଳରେ ନୂତନ ରାଜ୍ୟପାଳ ଏବଂ ଉପରାଜ୍ୟପାଳଙ୍କୁ ନିଯୁକ୍ତ କରିଛନ୍ତି । ରାଷ୍ଟ୍ରପତି ଭବନ ଦ୍ୱାରା ସୋମବାର ୧୪ ଜୁଲାଇ ୨୦୨୫ରେ ଜାରି ଏକ ପ୍ରେସ୍ ବିଜ୍ଞପ୍ତିରେ ଏହା ଘୋଷଣା କରାଯାଇଛି। ସୂଚନା ଅନୁଯାୟୀ, ହରିୟାଣା ଏବଂ ଗୋଆର ରାଜ୍ୟପାଳମାନଙ୍କୁ ପରିବର୍ତ୍ତନ କରାଯାଇଛି। ସେହି ସମୟରେ, ଲଦାଖର ଲେଫ୍ଟନାଣ୍ଟ ରାଜ୍ୟପାଳ ପଦବୀରେ ମଧ୍ୟ ନୂତନ ନିଯୁକ୍ତି ଦିଆଯାଇଛି ।
ରାଷ୍ଟ୍ରପତି ଭବନ ସୂଚନା ଦେଇଛି ଯେ ଭାରତର ରାଷ୍ଟ୍ରପତି ଲଦାଖ କେନ୍ଦ୍ର ଶାସିତ ଅଞ୍ଚଳରୁ ବ୍ରିଗେଡିୟର (ଡକ୍ଟର) ବି. ଡି. ମିଶ୍ର (ଅବସରପ୍ରାପ୍ତ)ଙ୍କ ଇସ୍ତଫା ଗ୍ରହଣ କରିଛନ୍ତି । ତାଙ୍କ ସ୍ଥାନରେ ବରିଷ୍ଠ ବିଜେପି ନେତା ଏବଂ ଜମ୍ମୁ ଏବଂ କାଶ୍ମୀରର ପୂର୍ବତନ ଉପମୁଖ୍ୟମନ୍ତ୍ରୀ କବିନ୍ଦର ଗୁପ୍ତା ଲଦାଖର ଲେଫ୍ଟନାଣ୍ଟ ରାଜ୍ୟପାଳ ଭାବରେ ନିଯୁକ୍ତ ହୋଇଛନ୍ତି ।
ଏଥିସହିତ ପ୍ରଫେସର ଆସିମ କୁମାର ଘୋଷଙ୍କୁ ହରିୟାଣାର ରାଜ୍ୟପାଳ ଭାବରେ ନିଯୁକ୍ତି ଦେଇଛନ୍ତି । ସେ ଜଣେ ପ୍ରସିଦ୍ଧ ଶିକ୍ଷାବିତ୍ ଏବଂ ରାଜନୈତିକ ଚିନ୍ତକ । ତାଙ୍କୁ ବଣ୍ଡାରୁ ଦତ୍ତାତ୍ରେୟଙ୍କ ସ୍ଥାନରେ ହରିୟାଣାର ରାଜ୍ୟପାଳ ଭାବରେ ନିଯୁକ୍ତ କରାଯାଇଛି।
ସେହିପରି ପୁଷାପତି ଅଶୋକ ଗଜପତି ରାଜୁ ଗୋଆର ରାଜ୍ୟପାଳ ଭାବରେ ନିଯୁକ୍ତ ପାଇଛନ୍ତି । ଅଶୋକ ଗଜପତି ରାଜୁ- ବରିଷ୍ଠ ରାଜନେତା ଏବଂ ପୂର୍ବତନ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଅଶୋକ ଗଜପତି ରାଜୁଙ୍କୁ ପିଏସ୍ ଶ୍ରୀଧରନ ପିଲ୍ଲାଇଙ୍କ ସ୍ଥାନରେ ଗୋଆର ନୂତନ ରାଜ୍ୟପାଳ ଭାବରେ ନିଯୁକ୍ତ କରାଯାଇଛି।
Comments are closed.