ଷ୍ଟେରିଓଟାଇପ୍ସକୁ ଭାଙ୍ଗିଲେ ମୋହନଲାଲ୍: ଅଳଙ୍କାର ବିଜ୍ଞାପନରେ ନାରୀତ୍ୱକୁ ଦେଲେ ସୁନ୍ଦର ସ୍ପର୍ଶ….

ମୁମ୍ବାଇ: ପୁଣି ଥରେ ମୋହନଲାଲ ପ୍ରମାଣ କରି ଦେଖେଇଛନ୍ତି ଯେ ତାଙ୍କୁ କାହିଁକି ଭାରତୀୟ ସିନେମାର ସର୍ବୋତ୍ତମ ବ୍ୟକ୍ତିତ୍ୱ ମଧ୍ୟରୁ ଜଣେ ବୋଲି ବିବେଚନା କରାଯାଏ । ସଦ୍ୟ ପ୍ରକାଶିତ ଏକ ଅଳଙ୍କାର ବିଜ୍ଞାପନରେ, କିମ୍ବଦନ୍ତୀ ଅଭିନେତା ଏକ ଚୋରି ଦୃଶ୍ୟ ଅଭିନୟ କରି ପୂରା ଇଣ୍ଟରନେଟର ମନ ମୋହିଛନ୍ତି । ସଂଳାପର ଗୋଟିଏ ଧାଡ଼ି ବିନା, ପୂରା ବିଜ୍ଞାପନଟି ସମ୍ପୂର୍ଣ୍ଣ ଭାବରେ ତାଙ୍କର ଅଭିବ୍ୟକ୍ତିପୂର୍ଣ୍ଣ ଆଖି, ମନମୁହା ହାବଭାବ ଏବଂ ଚୁମ୍ବକୀୟ ସ୍କ୍ରିନ୍ ପ୍ରେଜେନ୍ସ ଉପରେ ନିର୍ଭର କରିଛି । ଯାହାକୁ ନେଇ ଫ୍ୟାନ୍ସ ଦେଖି ଯେତିକି ଆଶ୍ବର୍ଯ୍ୟ ଚକିତ ହୋଇଛନ୍ତି, ସେତିକି ପ୍ରଶଂସା ବି କରିଛନ୍ତି ।

ତେବେ ଭାରତୀୟ ସିନେମା ତଥା ସାଉଥ୍ ସିନେମା ପାଇଁ ବେଶ୍ ପରିଚିତ ଭେଟେରାନ ମୋହନଲାଲ ବିଶ୍ବନାଥନ୍ ଏକ ଅଳଙ୍କାର ବିଜ୍ଞାପନ କରିଛନ୍ତି । ଯାହା ଏବେ ଇଣ୍ଟନେଟର ଦୃଷ୍ଟି ଆକର୍ଷଣ କରିଛି । ପ୍ରଶଂସିତ ବିଜ୍ଞାପନ ଚଳଚ୍ଚିତ୍ର ନିର୍ମାତା ପ୍ରକାଶ ବର୍ମାଙ୍କ ନିର୍ଦ୍ଦେଶନାରେ ହୋଇଛି । ଏହି ୧୧୦ ସେକେଣ୍ଡର ବିଜ୍ଞାପନଟି ଉଷ୍ମତା ଏବଂ ଦୁଷ୍ଟାମିରେ ପରିପୂର୍ଣ୍ଣ ଏକ ପୁନର୍ମିଳନକୁ ଚିହ୍ନିତ କରେ । ଯେଉଁଥିରେ ମୋହନଲାଲ ନିଜ ଭିତରର ନାରିତ୍ବକୁ ବେଶ୍ ପ୍ରଷ୍ଫୁଟିତ କରିଛନ୍ତି । ପ୍ରକାଶିତ ବିଜ୍ଞାପନରେ ମୋହନଲାଲଙ୍କୁ ଏକ କାରରୁ ଓହ୍ଲାଇ ସେଟରେ ପ୍ରକାଶଙ୍କ ଦ୍ୱାରା ସ୍ୱାଗତ କରାଯିବା ସହିତ ଆରମ୍ଭ ହୋଇଛି । ଯେଉଁଥିରେ ଏକ ଫ୍ୟାଶନ୍ ଫଟୋଗ୍ରାଫି ନେଇ ଆଲୋଚନା ହୋଇଥିବା ବେଳେ ଅଭିନେତାଙ୍କୁ ମଡେଲ୍ ଜଣେ ମଡେଲଙ୍କ ସହ ପରିଚିତ କରାନ୍ତି । ପରଦା ପଛର ଏକ ସୁଟ୍ ଭାବରେ ଏହାକୁ ଦର୍ଶଯାଇଥିବା ବେଳେ, ଆଲୋଚନା ସମୟରେ ମୋହନଲାଲଙ୍କ ଧ୍ୟାନ ମଡେଲଙ୍କୁ ସଜାଉଥିବା ହୀରା ଅଳଙ୍କାର ଆଡ଼କୁ ଯିବା ମାତ୍ରେ, କାହାଣୀ ଏକ ବଡ ସୁନ୍ଦର ମୋଡ ନେଇଛି । କିଛି ମୁହୂର୍ତ୍ତ ପରେ, ମଡେଲଙ୍କୁ ପିନ୍ଧାଯିବାକୁ ଥିବା ଅଳଙ୍କାର ନିଖୋଜ ହୋଇଯାଏ । ପୂରା କ୍ରୁ ଆତଙ୍କିତ ହୋଇଯାଏ, ଆଉ ଖୋଖୋଜି ଭିତରେ ମୋହନଲାଲଙ୍କୁ ତାଙ୍କ ଭ୍ୟାନିଟି ଭ୍ୟାନରେ ଉକ୍ତ ଅଲଙ୍କାର ପିନ୍ଧିଥିବାର ଦେଖାଯାଏ, ଆଉ ମୋହନଲାଲ ଏକ ସୁନ୍ଦର, ପ୍ରାୟ ଧ୍ୟାନାତ୍ମକ ନୃତ୍ୟ ପ୍ରଦର୍ଶନ କରନ୍ତି, ଯେଉଁଥିରେ ତାଙ୍କ ଭିତରର ନାରୀତ୍ୱକୁ ଚମତ୍କାରରର ସହିତ ପ୍ରଦର୍ଶନ କରନ୍ତି । ପ୍ରତ୍ୟେକ ଟ୍ବର୍ଲ ଏବଂ ହାତର ଇଙ୍ଗିତ ଏପରି ସୁନ୍ଦର ଭାବରେ ସମ୍ପାଦିତ କରିଛନ୍ତି, ଯେ ଏହା ପୂରା ଇଣ୍ଟରନେଟକୁ ଏବେ ଖୁସି କରିଦେଇଛି । ଆଉ ଠିକ୍ ଏହି ସମୟରେ ପ୍ରକାଶକ ହଠାତ୍ ଭ୍ୟାନ ଭିତରକୁ ପ୍ରବେଶ କରିବା ସମୟରେ ବିଜ୍ଞାପନଟି ଏକ ହାସ୍ୟରସପୂର୍ଣ୍ଣ ନୋଟରେ ଶେଷ ହୁଏ ।

ମୋହନଲାଲଙ୍କ ଏହି ଆଡ୍ ଏବେ ଆଶ୍ଚର୍ଯ୍ୟଜନକ ଭାବରେ, ସୋସିଆଲ ମିଡିଆରେ ଭାଇରାଲ ହୋଇଛି, ଦର୍ଶକମାନେ ମୋହନଲାଲଙ୍କ ବ୍ୟକ୍ତିତ୍ୱ ପରିବର୍ତ୍ତନ କରିବାର ଅଦ୍ଭୁତ କ୍ଷମତାକୁ ପ୍ରଶଂସା କରୁଛନ୍ତି ।

ତେବେ ଯଦି ମୋହନଲାଲଙ୍କ ବର୍ତ୍ତମାନ ସିନେମା ବିଷୟରେ କହିବା ତେବେ, ମୋହନଲାଲଙ୍କୁ ଶେଷ ଥର ପାଇଁ ‘ଥୁଡାରମ୍’ରେ ଦେଖିବାକୁ ମିଳିଥିଲା, ଏହା ଏକ ଅପରାଧ ଥ୍ରୀଲର ଥିଲା । ଯାହା ନିର୍ଦ୍ଦେଶକ ଥରୁନଙ୍କ ଦ୍ୱାରା ନିର୍ଦ୍ଦେଶିତ ଏବଂ କେ.ଆର. ସୁନୀଲଙ୍କ ସହ-ଲେଖନ ଥିଲା। ରେଜାପୁଥ୍ର ଭିଜୁଆଲ୍ ମିଡିଆ ବ୍ୟାନରରେ ଏମ୍. ରେଞ୍ଜିତଙ୍କ ଦ୍ୱାରା ସମର୍ଥିତ, ଏହି ଫିଲ୍ମରେ ପ୍ରକାଶ ବର୍ମା, ଫରହାନ୍ ଫାସିଲ୍, ମଣିୟାନପିଲ୍ଲା ରାଜୁଙ୍କ ସମେତ ଅନେକ କଳାକାର ସାମିଲ ଥିଲେ ।