ନୂଆଦିଲ୍ଲୀ:ଗତ ମାସରେ ଅହମ୍ମଦାବାଦରେ ଏୟାର ଇଣ୍ଡିଆ ବିମାନ ଦୁର୍ଘଟଣା ପରେ, ସମସ୍ତ ଏୟାରଲାଇନ୍ସକୁ ସେମାନଙ୍କର ବିମାନ ଯାଞ୍ଚ କରିବାକୁ କୁହାଯାଇଥିଲା। ଏହି ଆଧାରରେ, ଆକାଶ ଏୟାର ନିଜର ସମସ୍ତ ବିମାନ ଯାଞ୍ଚ କରିବା ପରେ ଏକ ରିପୋର୍ଟ ମଧ୍ୟ ପ୍ରସ୍ତୁତ କରିଛି। ଆକାଶ ଏୟାର ନିଜର ବୋଇଂ ୭୩୭ ମ୍ୟାକ୍ସ ବିମାନର ଇନ୍ଧନ ସ୍ୱିଚ୍ଗୁଡ଼ିକର ଯାଞ୍ଚ ସମାପ୍ତ କରିଛି ଏବଂ ଏଥିରେ କୌଣସି ତ୍ରୁଟି ମିଳିନାହିଁ ବୋଲି ଜଣେ ବରିଷ୍ଠ ବିମାନ ଅଧିକାରୀ କହିଛନ୍ତି।
ଗତ ମଙ୍ଗଳବାର ଦିନ ଜଣେ ବରିଷ୍ଠ ବିମାନ ଅଧିକାରୀ କହିଛନ୍ତି ଯେ, ଆକାଶ ଏୟାର ନିଜର ବୋଇଂ 737 MAX ବିମାନର ଇନ୍ଧନ ସ୍ୱିଚ୍ ଯାଞ୍ଚ ସମାପ୍ତ କରିଛି ଏବଂ କୌଣସି ତ୍ରୁଟି ମିଳିନାହିଁ।
କମ୍ପାନୀ କହିଛି ଯେ, ଆକାଶ ଏୟାରର ତିରିଶଟି ବୋଇଂ 737 ମ୍ୟାକ୍ସ ବିମାନ ରହିଛି। ଆଗାମୀ ବର୍ଷଗୁଡ଼ିକରେ ମୋଟ ୧୯୬ଟି ଏପରି ବିମାନ ଏୟାରଲାଇନ୍ସକୁ ହସ୍ତାନ୍ତର କରାଯିବ।
ଗତ ସପ୍ତାହରେ, ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (DGCA) ବିମାନ କମ୍ପାନୀଗୁଡ଼ିକୁ ଜୁଲାଇ ୨୧ସୁଦ୍ଧା ସେମାନଙ୍କର ବୋଇଂ 787 ଏବଂ 737 ବିମାନର ଇନ୍ଧନ ସ୍ୱିଚ୍ ଲକିଂ ସିଷ୍ଟମ ଯାଞ୍ଚ କରିବାକୁ ନିର୍ଦ୍ଦେଶ ଦେଇଥିଲା।
ଏହା ପୂର୍ବରୁ, ଏୟାର ଇଣ୍ଡିଆ କହିଥିଲା ଯେ ନିଜର ବୋଇଂ 787 ଏବଂ 737 ବିମାନରେ ଇନ୍ଧନ ନିୟନ୍ତ୍ରଣ ସ୍ୱିଚ୍ (FCS)କୁ ବନ୍ଦ କରିବା ସିଷ୍ଟମର ଯାଞ୍ଚ ସମାପ୍ତ କରିଛି ଏବଂ କୌଣସି ସମସ୍ୟା ମିଳିନାହିଁ। ଅନ୍ୟ ଏୟାରଲାଇନ୍ସଗୁଡ଼ିକ ମଧ୍ୟ ଇନ୍ଧନ ସ୍ୱିଚ୍ ସମେତ ଅନ୍ୟାନ୍ୟ ପ୍ରକାରର ତ୍ରୁଟି ପାଇଁ ଯାଞ୍ଚ ପ୍ରକ୍ରିୟା ସମାପ୍ତ କରିଛନ୍ତି।
ଉଲ୍ଲେଖଯୋଗ୍ୟ ଯେ,ପ୍ରାରମ୍ଭିକ ଯାଞ୍ଚ ଅନୁସାରେ ଏୟାର ଇଣ୍ଡିଆ ବିମାନ ଦୁର୍ଘଟଣାର କାରଣ ଇନ୍ଧନ ସ୍ୱିଚ୍ ବନ୍ଦ ହେବା ବୋଲି କୁହାଯାଉଛି ।
Comments are closed.