ସାଙ୍ଗର ଶେଷଯାତ୍ରାରେ ଡିଜେ ବଜାଇ ଧୁମ୍ ନାଚିଲେ….ଲୋକେ କହିଲେ, ‘ଏମିତିକା ବନ୍ଧୁ ସମସ୍ତଙ୍କୁ ମିଳୁ….’

ମନ୍ଦସୌର: ସାଙ୍ଗଙ୍କ ଶେଷ ଯାତ୍ରାରେ ଡିଜେ ବଜାଇ ତାଳେ ତାଳେ ଝୁମିଲେ ଅନ୍ୟ ଜଣେ ବନ୍ଧୁ । ଭିଡିଓ ଦେଖିଲେ, ବୋଧେ ଆପଣଙ୍କ ପାଟିରୁ ସ୍ବତଃ ବାହାରି ଆସିବ ଇଏ କେମିତିକା ସାଙ୍ଗ ବା… କିନ୍ତୁ ଇଣ୍ଟରନେଟ୍ କହୁଛି, ଏମିତିକା ବନ୍ଧୁ ସମସ୍ତଙ୍କୁ ମିଳୁ । କାରଣ ଏହା ପଛର କାରଣ ଜାଣିଲେ ଆପଣ ବି ହୃଦୟରେ ହତ ରଖି କହିବେ ହାଏ….

ତେବେ ମଧ୍ୟପ୍ରଦେଶର ମନ୍ଦସୌର ଜିଲ୍ଲାରେ ଏକ ହୃଦୟସ୍ପର୍ଶୀ ଘଟଣା ସାମ୍ନାକୁ ଆସିଛି । ଯାହାର ଭିଡିଓ ଏବେ ପୂରା ସୋସିଆଲ ମିଡିଆକୁ ଭାବୁକ କରିଛି । ଯେଉଁଥିରେ ଜଣେ ବ୍ୟକ୍ତିଙ୍କ ବନ୍ଧୁ ତାଙ୍କ ଶେଷଯାତ୍ରାରେ ପ୍ରବଳ ନାଚିଥିଲେ । ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ମିଡିଆ ରିପୋର୍ଟ ଅନୁସାରେ, ସେ ତାଙ୍କ ବନ୍ଧୁଙ୍କ ଶେଷ ଇଚ୍ଛା ପୂରଣ କରିବା ପାଇଁ ଏପରି କରିଥିଲେ। ଏହି ସମ୍ପୂର୍ଣ୍ଣ ମାମଲା ମନ୍ଦସୌର ଜିଲ୍ଲାର ଜୱାସିଆ ଗାଁର । ସୋହନଲାଲ ଜୈନ (୭୧)ଙ୍କ ଏଠାରେ ମୃତ୍ୟୁ ହୋଇଥିଲା । ତାଙ୍କର ଶେଷ ବିଦାୟରେ, ତାଙ୍କ ଘନିଷ୍ଠ ବନ୍ଧୁ ଅମ୍ବାଲାଲ ପ୍ରଜାପତି (୫୧) ତାଙ୍କୁ ଶୋକର ପରିବେଶ ଭିତରେ କିନ୍ତୁ ନାଚି ନାଚି ଶେଷ ବିଦାୟ ଦେଇଥିଲେ।

ଏହାର ସମ୍ପୂର୍ଣ୍ଣ ଭିଡିଓ ଭାଇରାଲ ହେବା ପରେ, ସୋହନଲାଲ ଏହାକୁ ସୋସିଆଲ ମିଡିଆରେ ସେୟାର କରିଥିଲେ, ଯେଉଁଥିରେ ସେ କହିଥିଲେ ଯେ ସେ ତାଙ୍କ ବନ୍ଧୁଙ୍କ ପାଇଁ ଏକ ଅନନ୍ୟ ଉଦାହରଣ ସୃଷ୍ଟି କରୁଛନ୍ତି । ପ୍ରଜାପତି (୫୧) କହିଛନ୍ତି ଯେ ସୋହନଲାଲ ଦୁଇ ବର୍ଷ ପୂର୍ବେ କର୍କଟ ରୋଗରେ ପୀଡିତ ଥିଲେ । ସେ ମନ୍ଦସୌରର ରତଲାମରୁ ଅହମ୍ମଦାବାଦ ପର୍ଯ୍ୟନ୍ତ ଚିକିତ୍ସା କରାଇଥିଲେ, କିନ୍ତୁ ସେ ଜୀବନ ଯୁଦ୍ଧରେ ହାରି ଯାଇଥିଲେ । ପ୍ରଜାପତି କହିଥିଲେ ଯେ ସେ ଏବଂ ସୋହନଲାଲ ପରସ୍ପରର ସବୁଠାରୁ ଭଲ ବନ୍ଧୁ ଥିଲେ ଏବଂ ଗାଁର ପ୍ରଭାତ ଫେରିରେ ଏକାଠି ଅଂଶଗ୍ରହଣ କରିବା ସମୟରେ ସେମାନଙ୍କ ସମ୍ପର୍କ ଆହୁରି ମଜବୁତ ହୋଇଥିଲା । ପ୍ରଜାପତି କହିଛନ୍ତି ଯେ ସୋହନଲାଲ ପ୍ରାୟତଃ ମୋତେ କହୁଥିଲେ ଯେ ଯଦି ମୁଁ ମରିଯାଏ, କାନ୍ଦ ନାହିଁ । ମୋର ଶେଷ ଯାତ୍ରାରେ ନାଚିବ । ଏନେଇ ଜାନୁଆରୀ ୨୦୨୧ରେ ସେ ତାଙ୍କୁ ଏକ ଚିଠି ମଧ୍ୟ ଲେଖିଥିଲେ । ଯେଉଁଥିରେ ଲେଖାଥିଲା ଢୋଲ ବଜାଇ ତାଙ୍କର ଶେଷ ଯାତ୍ରାରେ ନାଚିବାକୁ । ଆଉ ମୁଁ ତାଙ୍କ ଇଚ୍ଛା ଅନୁସାରେ ମୋ ବନ୍ଧୁଙ୍କ ଶେଷ ଯାତ୍ରାରେ ନାଚିଥିଲି । ପ୍ରଜାପତି ଭାବପ୍ରବଣ ହୋଇ କହିଲେ ଯେ ମୋତେ ବନ୍ଧୁତା ବଜାୟ ରଖିବାକୁ ପଡିବ ଏବଂ ମୁଁ ଏହାକୁ ଶେଷ ପର୍ଯ୍ୟନ୍ତ ବଜାୟ ରଖିଲି।

ଏହି ଘଟଣାର ଭିଡିଓ ସୋସିଆଲ ମିଡିଆରେ ଘୂରି ବୁଲୁଥିବା ବେଳେ ୟୁଜର୍ସ ବିଭିନ୍ନ ମନ୍ତବ୍ୟ ଦେଉଛନ୍ତି । ଜଣେ ୟୁଜର୍ସ ଲେଖିଛନ୍ତି ଯେ ବନ୍ଧୁତାର ଏକ ଉଦାହରଣ। ଶେଷ ଯାତ୍ରାରେ ବନ୍ଧୁ ନାଚିଲା, ସୋହନଲାଲଙ୍କୁ ଦେଇଥିବା ଶେଷ ପ୍ରତିଶ୍ରୁତି ପାଳନ କଲା । ଆଉ କିଛି ଲେଖିଛନ୍ତି ବନ୍ଧୁ ହେବ ତ ଏମିତିକି । ଯାହା ବାସ୍ତବରେ ହୃଦୟସ୍ପର୍ଶୀ ।