ବୁଲାକୁକୁର ମାମଲାରେ ରାୟ ସଂରକ୍ଷିତ ରଖିଲେ ସୁପ୍ରିମକୋର୍ଟ, କହିଲେ ‘ସମାଧାନ ଆବଶ୍ୟକ, ବିବାଦ ନୁହେଁ’….

ନୂଆଦିଲ୍ଲୀ: ଗୁରୁବାର ସୁପ୍ରିମକୋର୍ଟଙ୍କ ତିନି ଜଣିଆ ଖଣ୍ଡପୀଠ ଦିଲ୍ଲୀ-ଏନସିଆରରେ ବୁଲା କୁକୁରଙ୍କ ମାମଲାର ଶୁଣାଣି କରିଛନ୍ତି । ସୁପ୍ରିମକୋର୍ଟ ଗୁରୁବାର ଦିନ ବୁଲା କୁକୁର ଭୟରେ ସ୍ଥାନୀୟ କର୍ତ୍ତୃପକ୍ଷଙ୍କ ନିଷ୍କ୍ରିୟତା ପାଇଁ ଭର୍ତ୍ସନା କରିଛନ୍ତି ଏବଂ ଦିଲ୍ଲୀ-ଏନସିଆରରେ ସମସ୍ତ ପ୍ରାଣୀଙ୍କୁ ଘେରାବନ୍ଦୀ କରିବା ପାଇଁ ଅଗଷ୍ଟ ୧୧ ରେ ଦେଇଥିବା ରାୟକୁ ଚ୍ୟାଲେଞ୍ଜ କରି ଆଗତ ଆବେଦନ ଉପରେ ନିଜର ଆଦେଶ ସଂରକ୍ଷିତ ରଖିଛନ୍ତି ।

ଏନେଇ ଜଷ୍ଟିସ୍ ବିକ୍ରମ ନାଥ, ସନ୍ଦୀପ ମେହେଟ୍ଟା ଏବଂ ଏନ ଭି ଅଞ୍ଜାରିଆଙ୍କୁ ନେଇ ଗଠିତ ସୁପ୍ରିମକୋର୍ଟର ତିନି ଜଣିଆ ଖଣ୍ଡପୀଠ ଶୁଣାଣି କରିଥିବା ବେଳେ କୋର୍ଟ ଆିନ କାର୍ଯ୍ୟକାରୀ ନହେବା ନେଇ ବର୍ଷିଛନ୍ତି । କୋର୍ଟ କହିଛନ୍ତି, ସଂସଦ ନିୟମ ଏବଂ ଆଇନ ଗଠନ କରେ, କିନ୍ତୁ କାର୍ଯ୍ୟକାରୀ ହୁଏ ନାହିଁ। ସ୍ଥାନୀୟ କର୍ତ୍ତୃପକ୍ଷ ଯାହା କରିବା ଉଚିତ ତାହା କରୁନାହାଁନ୍ତି। ସେମାନେ ଏଠାରେ ଦାୟିତ୍ୱ ନେବା ଉଚିତ ଖଣ୍ଡପୀଠ ମନ୍ତବ୍ୟ ରଖିଛନ୍ତି । ପ୍ରସଙ୍ଗର ସମାଧାନା ହେବା ଦରକାର ବିବାଦ ନୁହେଁ ବୋଲି କହିଛନ୍ତି ଖଣ୍ଡପୀଠ । ଏଥିସହିତ କୁକୁର ପ୍ରେମୀଙ୍କ ପକ୍ଷରୁ କପିଲ ସିବଲ କୋର୍ଟରେ ତାଙ୍କ ପକ୍ଷ ଉପସ୍ଥାପନ କରିଥିବା ବେଳେ ସୁପ୍ରିମକୋର୍ଟ କପିଲ ସିବଲଙ୍କୁ ପ୍ରଶ୍ନ କରିଥିଲେ ଯେ ଏ ସମ୍ପର୍କରେ କ’ଣ  କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି? କୁକୁର ପ୍ରେମୀଙ୍କ ପକ୍ଷରୁ ଓକିଲ କପିଲ ସିବଲ କହିଛନ୍ତି ଯେ ବିନା ନୋଟିସରେ ସ୍ୱତଃପ୍ରବୃତ୍ତ ଭାବରେ ବିଚାର କରି ଏପରି ନିର୍ଦ୍ଦେଶ ଦେବା ଠିକ୍ ନୁହେଁ। ଏହା କି ପ୍ରକାରର ନିର୍ଦ୍ଦେଶ? ଏହା ଉପରେ ସୁପ୍ରିମକୋର୍ଟ ପଚାରିଲେ, ଆପଣ ନିର୍ଦ୍ଦେଶ ପଢିଛନ୍ତି କି? ସିବଲ କହିଛନ୍ତି ହଁ… ସିବଲ କହିଛନ୍ତି ଯେ ସ୍ଥଗିତ ରଖିବା ପାଇଁ ନିର୍ଦ୍ଦେଶ ଦିଅନ୍ତୁ। ଉଭୟ ପକ୍ଷର ଯୁକ୍ତି ଶୁଣିବା ପରେ, କୋର୍ଟ ମଧ୍ୟବର୍ତ୍ତୀକାଳୀନ ସ୍ଥଗିତ ରଖିବା ଉପରେ ନିଷ୍ପତ୍ତି ସଂରକ୍ଷିତ ରଖିଛନ୍ତି ।

ଏହା ଉପରେ, ସରକାରଙ୍କ ପକ୍ଷରୁ ଉପସ୍ଥିତ ଏସଜି କହିଛନ୍ତି ଯେ ଦୁଇ ପ୍ରକାରର ଲୋକ ଅଛନ୍ତି । ଜଣେ ଯେଉଁମାନେ ଏହା ବିଷୟରେ କହୁଛନ୍ତି ଏବଂ ଅନ୍ୟ ଜଣେ ଯେଉଁମାନେ ଚିନ୍ତିତ । ଏସଜି କହିଛନ୍ତି ଯେ ପିଲାମାନେ ମରୁଛନ୍ତି। ଭିଡିଓ ଦେଖନ୍ତୁ, ଅନେକ ଅଛନ୍ତି । ଦ୍ୱିତୀୟ ବିକଳ୍ପ ହେଉଛି ବନ୍ଧ୍ୟାକରଣ। ମୁଁ ଜଣେ ପଶୁ ପ୍ରେମୀ, ତାହା ଠିକ୍ ଅଛି କିନ୍ତୁ ତଥ୍ୟ ଦେଖନ୍ତୁ । ଏସଜି କହିଛନ୍ତି ଯେ ରାବିଜ୍ ଏବଂ କୁକୁର କାମୁଡ଼ାର ତଥ୍ୟ ବହୁତ ଅଧିକ, ଏଥିରେ ସେମାନଙ୍କ ସଂଖ୍ୟା ଅଧିକ ଯେଉଁମାନେ ପୀଡିତ କିମ୍ବା ଅସୁବିଧାରେ ପଡ଼ିଛନ୍ତି । ଯାହାକୁ ନେଇ କୁକୁର ପ୍ରେମୀଙ୍କ ପକ୍ଷରୁ ଲଢୁଥିବା ଓକିଲ ସିବଲ କହିଛନ୍ତି ଯେ ଏହା ପ୍ରଥମ ଥର ମୁଁ ଏଭଳି ନିୟମ ବିଷୟରେ ଶୁଣିଛି, ସରକାର କାହିଁକି ସେଗୁଡ଼ିକୁ କାର୍ଯ୍ୟକାରୀ କଲେ ନାହିଁ।

ସୁପ୍ରିମ କୋର୍ଟ ସିବଲଙ୍କୁ କହିଛନ୍ତି ଯେ ଦିଲ୍ଲୀ ଏନସିଆରର ବିଭିନ୍ନ ଅଞ୍ଚଳରୁ କୁକୁରମାନଙ୍କୁ ହଟାଇବା ପାଇଁ ନିର୍ଦ୍ଦେଶ ଦିଆଯାଇଛି। ଆଶ୍ରୟସ୍ଥଳ ନିର୍ମାଣ କରିବାକୁ ପଡିବ ଏବଂ ଦୁଇ ମାସ ମଧ୍ୟରେ ଏକ ରିପୋର୍ଟ ଦାଖଲ କରିବାକୁ ପଡିବ। ଏହା ଉପରେ ସିବଲ କହିଛନ୍ତି ଯେ ପ୍ରସଙ୍ଗ ହେଉଛି ସେମାନଙ୍କୁ ମୁକ୍ତ କରାଯିବା ଉଚିତ ନୁହେଁ, ମୁଁ କହୁଛି ସେମାନେ କୁଆଡ଼େ ଯିବେ? ସିବଲ କହିଛନ୍ତି ଯେ କୁକୁରମାନଙ୍କୁ ଧରିବା ପ୍ରକ୍ରିୟା ଆରମ୍ଭ ହୋଇସାରିଛି। କୌଣସି ଆଶ୍ରୟସ୍ଥଳ ନାହିଁ ଏବଂ ଯଦି ଅଛି, ତେବେ ସେଗୁଡ଼ିକ ବହୁତ କମ୍, ଯେଉଁଠାରେ ସ୍ଥାନ ଅଭାବରୁ ସେମାନେ ଅଧିକ ବିପଜ୍ଜନକ ହୋଇଯିବେ। ଏହି ଦୃଷ୍ଟିରୁ ଏଭଳି ନିଷ୍ପତ୍ତି ଉପରେ ପ୍ରତିବନ୍ଧକ ଲଗାଯିବା ଉଚିତ।

ଯାହାକୁ ନେଇ ବିଚାରପତି ବିକ୍ରମ ନାଥ, ସନ୍ଦୀପ ମେହେଟ୍ଟା ଏବଂ ଏନ.ଭି. ଅଞ୍ଜାରିଆଙ୍କ ଖଣ୍ଡପୀଠ ମନ୍ତବ୍ୟ ଦେଇଛନ୍ତି ଯେ ଗୋଟିଏ ପଟେ ମଣିଷ କଷ୍ଟ ପାଉଛି, ଅନ୍ୟପଟେ ପଶୁ ପ୍ରେମୀ ଅଛନ୍ତି । ଯାହାକୁ ନେଇ ସମସ୍ତ ହସ୍ତକ୍ଷେପକାରୀଙ୍କୁ ସତ୍ୟପାଠ ଏବଂ ପ୍ରମାଣ ସହିତ ସତ୍ୟପାଠ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ ।

ତେବେ କହିରଖୁଛୁ, ଦିଲ୍ଲୀରେ କୁକୁର ଆତଙ୍କର ବଢୁଥିବା ମାମଲା ଦେଖି ସୁପ୍ରିମକୋର୍ଟ ନିଜ ଆଡୁ ଏକ ଆବେଦନ ଦାୟର କରି, ଗତ ଅଷ୍ଟ ୧୧ ତାରିଖରେ ଏକ କଡା ଶୁଣାଣି କରିଥିଲେ । ଦିଲ୍ଲୀ ଏନସିଆର ଅଞ୍ଚଳରେ ଥିବା ସମସ୍ତ କୁକୁରଙ୍କୁ ଆସନ୍ତା ୮ ସପ୍ତାହ ମଧ୍ୟରେ ଅନ୍ୟତ୍ର ସ୍ଥାନାନ୍ତର କରିବାକୁ ନିର୍ଦ୍ଦେଶ ଦିଆଯାଇଥିଲା ।