ଭୁବନେଶ୍ବର: ଆଜିକାଲି ତ୍ୱଚାକୁ ସୁସ୍ଥ ଏବଂ ଚମକଦାର କରିବା ପାଇଁ ବଜାରରେ ଅନେକ ପ୍ରକାରର ପ୍ରଡକ୍ଟ ଆସୁଛି। ଆଉ କିଛି ପ୍ରଡକ୍ଟ ଅଛି ଯାହାର ଲୋକପ୍ରିୟତା ବୃଦ୍ଧି ପାଉଛି, ଯେଉଁଥିରୁ ଗୋଟିଏ ହେଉଛି ନିଆସିନାମାଇଡ୍। ଏହା ତ୍ୱଚାକୁ ଉଜ୍ଜ୍ୱଳ ଏବଂ କ୍ଲିୟର କରିବାରେ ବହୁତ ଲାଭଦାୟକ। ଯେଉଁମାନଙ୍କର ଚର୍ମ ତେଲିଆ, ବ୍ରଣ ଏବଂ ବାର୍ଦ୍ଧକ୍ୟ ସମସ୍ୟା ରହିଛି ସେମାନଙ୍କ ପାଇଁ ଏହା କୌଣସି ବରଦାନଠାରୁ କମ୍ ନୁହେଁ।
niacinamide ଭିଟାମିନ୍ ବି- 3ର ଏକ ପ୍ରକାର ଫର୍ମ । ଯାହା ଅନେକ ଚର୍ମ ସମସ୍ୟା ଦୂର କରିବାରେ କାମ କରେ। ଏହା ଛିଦ୍ରଗୁଡ଼ିକୁ ସଙ୍କୁଚିତ କରିବାରେ ଏବଂ ଚର୍ମକୁ ହାଇଡ୍ରେଟେଡ୍ ରଖିବାରେ ସାହାଯ୍ୟ କରେ। କିନ୍ତୁ, ଯଦି ଏହାକୁ ସଠିକ୍ ଭାବରେ ବ୍ୟବହାର ନ କରାଯାଏ, ତେବେ ଏହା ଲାଭ ବଦଳରେ କ୍ଷତି କରିପାରେ।
ଯଦି ଆପଣ ମଧ୍ୟ ଏହାକୁ ଆପଣଙ୍କର ସ୍କିନକେୟାର ରୁଟିନରେ ସାମିଲ କରିବାକୁ ଭାବୁଛନ୍ତି, ତେବେ ପ୍ରଥମେ ଏହା ସହିତ ଜଡିତ କିଛି ଗୁରୁତ୍ୱପୂର୍ଣ୍ଣ କଥା ଜାଣନ୍ତୁ…
– ଯେତେବେଳେ ଆପଣ ଏହାକୁ ବ୍ୟବହାର କରିବେ, ପ୍ରଥମେ ଏକ ପ୍ୟାଚ୍ ପରୀକ୍ଷା କରନ୍ତୁ। ୪୮ ରୁ ୯୬ ଘଣ୍ଟା ଅପେକ୍ଷା କରନ୍ତୁ। ଯଦି କିଛି ନହୁଏ, ତେବେ ଆପଣ ଏହାକୁ ବ୍ୟବହାର କରିପାରିବେ।
– ନିଆସିନାମାଇଡ୍ ବ୍ୟବହାର କରିବା ପୂର୍ବରୁ, ଆପଣଙ୍କ ଚର୍ମ ପାଇଁ କେଉଁ ସାନ୍ଦ୍ରତା ଆବଶ୍ୟକ ତାହା ଜାଣନ୍ତୁ। ଆରମ୍ଭରେ ୨୫% ସାନ୍ଦ୍ରତା ଯଥେଷ୍ଟ ରହିବ ।
-ଆପଣ ରାତି ଏବଂ ସକାଳ ସ୍କିନକେୟାର ରୁଟିନରେ ନିଆସିନାମାଇଡ୍ ୟୁଜ କରିପାରିବେ। ଯଦି ଏହାକୁ ସକାଳେ ଲଗାଉଛନ୍ତି, ତେବେ ମୁହଁ ଧୋଇବା ପରେ ଲଗାନ୍ତୁ ଏବଂ ତା’ପରେ ମଇଶ୍ଚରାଇଜର ଏବଂ ସନସ୍କ୍ରିନ୍ ବ୍ୟବହାର କରନ୍ତୁ।
-କିଛି ଜଣ ସ୍କିନରେ ଭିଟାମିନ୍ ସି ଏବଂ ନିଆସିନାମାଇଡ୍ ଏକାଠି ବ୍ୟବହାର କରନ୍ତି, ଯାହା କରିବା ଉଚିତ୍ ନୁହେଁ। ଭିଟାମିନ୍ ସି ଏବଂ ନିଆସିନାମାଇଡ୍ ଉଭୟର ରାସାୟନିକ ଗୁଣ ଅଛି ଯାହା ପରସ୍ପରର ପ୍ରଭାବକୁ ହ୍ରାସ କରିପାରେ।
– ନିଆସିନାମାଇଡ୍ ଚର୍ମକୁ ସଫା ଏବଂ ଉଜ୍ଜ୍ୱଳ କରିବାରେ ପ୍ରଭାବଶାଳୀ, ଏହାକୁ ନିୟମିତ ବ୍ୟବହାର କରିବାକୁ ପଡିବ। ତେବେ ହିଁ ଆପଣ ଫଳାଫଳ ପାଇବେ। ଏହା ତୁରନ୍ତ ଫଳାଫଳ ଦିଏ ନାହିଁ।
Comments are closed.