ମୁମ୍ବାଇ: ଅକ୍ଷୟ କୁମାର ଏବଂ ଅରଶଦ ୱାରସୀଙ୍କ କୋର୍ଟରୁମ୍ ଡ୍ରାମା “ଜଲି ଏଲଏଲବି-୩” ସବୁଠି ଚହଳ ସୃଷ୍ଟି କରୁଛି । ଫିଲ୍ମର ପ୍ରଥମ ଓ୍ବିକେଣ୍ଡର କଲେକ୍ସନ ପ୍ରକାଶ ପାଇଛି। ଫିଲ୍ମଟି ବକ୍ସ ଅଫିସରେ ନିଜର ଦବଦବା ବଢାଇ ଚାଲିଛି ଏବଂ ସଦ୍ୟତମ ସଂଖ୍ୟା ମଧ୍ୟ ପ୍ରକାଶ ପାଇଛି । ରିଲିଜ୍ ହେବା ପରଠାରୁ ଏହି ଫିଲ୍ମଟି ଅଧିକାଂଶ ଫିଲ୍ମର ସଂଗ୍ରହକୁ ଟକ୍କର ଦେଇଛି । ଫିଲ୍ମର କେଲେକ୍ସନ ବୃଦ୍ଧି ପାଉଛି । ଆସନ୍ତୁ ଜାଣିବା ପ୍ରଥମ ସପ୍ତାହାନ୍ତରେ ଫିଲ୍ମଟି କେତେ ଆୟ କରିଛି ଏବଂ ଓ୍ବାର୍ଲଡ ଓ୍ବାଇଡ ଏହାର ମୋଟ ଆୟ କେତେ ହୋଇଛି ।
ଜଲି ଏଲଏଲବି ୩ ଭାରତରେ ପ୍ରଥମ ଦିନରେ ୧୨.୫ କୋଟି ରୋଜଗାର କରିଛି । ସେବେଠାରୁ, ଫିଲ୍ମର ଆୟ କ୍ରମାଗତ ଭାବରେ ବୃଦ୍ଧି ପାଇଛି । ଦ୍ୱିତୀୟ ଦିନରେ ଏହା ୨୦ କୋଟି ରୋଜଗାର କରିଛି, ଏବଂ ରବିବାର ମଧ୍ୟ ଆୟ ସାମାନ୍ୟ ବୃଦ୍ଧି ପାଇଛି । ତୃତୀୟ ଦିନରେ ଏହା ୨୧ କୋଟି ରୋଜଗାର କରିଛି । ମୋଟାମୋଟି ଭାବେ ଦେଖିବାକୁ ଗଲେ ଫିଲ୍ମଟି ରିଲିଜର ତୃତୀୟ ଦିନରେ ଭାରତରେ ୫୩.୫୦ କୋଟି ରୋଜଗାର କରିଛି, ଯାହା ଏକ ସଫଳପୂର୍ଣ୍ଣ କଲେକ୍ସନ ଅଟେ । ଫିଲ୍ମର ମୋଟ ସଂଗ୍ରହ ବର୍ତ୍ତମାନ ୬୪ କୋଟିରେ ପହଞ୍ଚିଛି ।
ଏହି ଫିଲ୍ମଟି କେବଳ ଭାରତରେ ନୁହଁ ବରଂ ବିଦେଶରେ ମଧ୍ୟ ପ୍ରବଳ ପ୍ରଶଂସା ସାଉଁଟିଛି । ରିପୋର୍ଟଗୁଡ଼ିକ ସୂଚାଇଛି ଯେ ତିନି ଦିନରେ ଫିଲ୍ମଟିର ଓଭରସିଜ୍ କଲେକ୍ସନ ୧୬ କୋଟି (ପ୍ରାୟ ୧.୬ ବିଲିୟନ) ହୋଇଛି । ଭବିଷ୍ୟତରେ ଫିଲ୍ମଟି ଆହରୁ ଭଲ ଇନକମ କରିବ ବୋଲି ଆଶା ରହିଛି । ତେବେ ରିପୋର୍ଟଗୁଡ଼ିକୁ ଦେଖିଲେ ଫିଲ୍ମଟି ତିନି ଦିନରେ ମୋଟ ୮୦ କୋଟି ଆୟ କରିଛି ।
ରିପୋର୍ଟ ଅନୁଯାୟୀ, ଫିଲ୍ମର ବଜେଟ୍ ୭୫ କୋଟି ବୋଲି କୁହାଯାଇଉଛି । ଯଦି ଏହାକୁ ସଠିକ୍ ଭାବରେ ବିଚାର କରାଯାଏ, ତେବେ ଫିଲ୍ମଟି ଏହାର ପ୍ରଥମ ଓ୍ବିକେଣ୍ଡରେ ଏହାର ବଜେଟ୍ ବସୁଲି କରିସାରିଛି ।
ଏହି କୋର୍ଟରୁମ୍ ଫ୍ରାଞ୍ଚାଇଜ୍ର ପୂର୍ବ ଦୁଇଟି ଫିଲ୍ମକୁ ମଧ୍ୟ ଭଲ ରେସପନ୍ସ ମିଳିଥିଲା । ପ୍ରଥମ ଫିଲ୍ମ, ଜଲି ଏଲଏଲବି, ୨୦୧୩ରେ ରିଲିଜ ହୋଇଥିଲା ଏବଂ ପ୍ରଥମ ଦିନରେ ୩.୦୫ କୋଟି ରୋଜଗାର କରିଥିଲା । ସେହିପରି ଦ୍ୱିତୀୟ ଫିଲ୍ମ, ଜଲି ଏଲଏଲବି-୨, ୨୦୧୭ରେ ରିଲିଜ ହୋଇଥିଲା ଏବଂ ପ୍ରଥମ ଦିନରେ ୧୩.୨୦ କୋଟି ରୋଜଗାର କରିଥିଲା । ବର୍ତ୍ତମାନ, ଜଲି ଏଲଏଲବି ୩ ଏହାର ଦ୍ୱିତୀୟ ପାର୍ଟକୁ ଟକ୍କର ଦେବାକୁ ରେସ୍ ରେ ଅଛି ।
ଅକ୍ଷୟ କୁମାର ଏବଂ ଅର୍ଶଦ ୱାର୍ସିଙ୍କ ବ୍ୟତୀତ, ଜଲି ଏଲଏଲବି ୩ରେ ସୌରଭ ଶୁକ୍ଳା, ଅମ୍ରିତା ରାଓ, ହୁମା କୁରେଶୀ, ଗଜରାଜ ରାଓ, ସୀମା ବିଶ୍ୱାସ ଏବଂ ରାମ କପୁର ମଧ୍ୟ ମୁଖ୍ୟ ଭୂମିକାରେ ଅଛନ୍ତି । ଫିଲ୍ମଟି ଏକ ଚାଷୀ ପରିବାରର । ଯିଏ ନିଜ ଜମି ବଞ୍ଚାଇବାକୁ ଚେଷ୍ଟା କରୁଛନ୍ତି, କିନ୍ତୁ ପ୍ରଭାବଶାଳୀ ଏବଂ ଦୁର୍ନୀତିଗ୍ରସ୍ତ ରାଜନେତାଙ୍କ ଦ୍ୱାରା ଆତ୍ମହତ୍ୟା କରିବାକୁ ବାଧ୍ୟ ହେଉଛନ୍ତି । ତାଙ୍କ ବିଧବା ସ୍ତ୍ରୀ ନ୍ୟାୟ ପାଇବା ପାଇଁ କୋର୍ଟକୁ ଯାଆନ୍ତି । କୋର୍ଟରେ, ଜଲି ମିଶ୍ର (ଅକ୍ଷୟ କୁମାର) ଏବଂ ଜଲି ତ୍ୟାଗୀ (ଅର୍ଶଦ ୱାର୍ସି) ବିଭିନ୍ନ ପକ୍ଷରୁ ମୁହାଁମୁହିଁ ହୁଅନ୍ତି ।
Comments are closed.