ଦୀପାବଳିରେ ଲକ୍ଷ୍ମୀଙ୍କ ଆଶୀର୍ବାଦ ପାଇଁ ପୋଷ୍ଟ ଅଫିସର ୫ଟି ଶ୍ରେଷ୍ଠ ଯୋଜନା

ନୂଆଦିଲ୍ଲୀ: ଦୀପାବଳି ଧନ ଓ ସମୃଦ୍ଧିର ପର୍ବ। ଏହି ସମୟରେ ସମସ୍ତେ ଚାହାଁନ୍ତି ଘରେ ଲକ୍ଷ୍ମୀଙ୍କ ଆଗମନ ହେଉ। ଯଦି ଆପଣ ଏହି ଦୀପାବଳିରେ ଆପଣଙ୍କ ଟଙ୍କାକୁ ସୁରକ୍ଷିତ ଭାବେ ବିନିଯୋଗ କରି ଲାଭ ପାଇବାକୁ ଚାହୁଁଛନ୍ତି, ତେବେ ପୋଷ୍ଟ ଅଫିସର ପାଞ୍ଚଟି ଯୋଜନା ଆପଣଙ୍କ ପାଇଁ ଉପଯୁକ୍ତ।

ଏହି ଯୋଜନାଗୁଡ଼ିକ ସରକାରୀ ଗ୍ୟାରେଣ୍ଟି ସହିତ ଆସେ। ବଜାରର ଲାଭ କ୍ଷତି ଏହାକୁ ପ୍ରଭାବିତ କରେ ନାହିଁ। ଟଙ୍କା ବୁଡ଼ିବାର ଭୟ ନାହିଁ। ଏହା ଟିକସ ଛାଡ଼ ଓ ନିଶ୍ଚିତ ଲାଭ ଦେଇଥାଏ। ଆସନ୍ତୁ ଜାଣିବା ଏହି ପାଞ୍ଚଟି ଯୋଜନା ବିଷୟରେ।

ପୋଷ୍ଟ ଅଫିସ ମାସିକ ଆୟ ଯୋଜନା

ନିୟମିତ ଆୟ ଚାହୁଁଥିବା ଲୋକଙ୍କ ପାଇଁ ଏହା ଉପଯୁକ୍ତ। ୭.୪% ସୁଧ ହାର ସହିତ ଏକକ ଖାତାରେ ୯ ଲକ୍ଷ ଓ ଯୁଗ୍ମ ଖାତାରେ ୧୫ ଲକ୍ଷ ଟଙ୍କା ବିନିଯୋଗ କରାଯାଇପାରେ। ପ୍ରତି ମାସରେ ସୁଧ ଆପଣଙ୍କ ଖାତାକୁ ଆସେ।

ପବ୍ଲିକ ପ୍ରୋଭିଡେଣ୍ଟ ଫଣ୍ଡ (PPF)

ଦୀର୍ଘକାଳୀନ ବିନିଯୋଗ ଓ ଟିକସ ଛାଡ଼ ପାଇଁ ଏହା ଲୋକପ୍ରିୟ। ୭.୧% ସୁଧ ସହିତ ବର୍ଷକୁ ୫୦୦ରୁ ୧.୫ ଲକ୍ଷ ଟଙ୍କା ବିନିଯୋଗ କରିପାରିବେ। ଏହା ୧୫ ବର୍ଷ ପାଇଁ ଚାଲେ ଓ ଆହୁରି ବଢ଼ାଯାଇପାରେ। ସେକ୍ସନ ୮୦C ଅଧୀନରେ ଟିକସ ଛାଡ଼ ମିଳେ।

ସୁକାନ୍ୟା ସମୃଦ୍ଧି ଯୋଜନା

ଝିଅଙ୍କ ଭବିଷ୍ୟତ ପାଇଁ ଏହା ସବୁଠାରୁ ଆଦୃତ। ୮.୨% ସୁଧ ସହିତ ବର୍ଷକୁ ୨୫୦ରୁ ୧.୫ ଲକ୍ଷ ଟଙ୍କା ବିନିଯୋଗ କରାଯାଇପାରେ। ଝିଅଙ୍କ ପାଠପଢା ଓ ବିବାହ ଖର୍ଚ୍ଚ ପାଇଁ ଏହା ସାହାଯ୍ୟ କରେ। ଏହା ଟିକସ ଛାଡ଼ ମଧ୍ୟ ଦେଇଥାଏ।

ପୋଷ୍ଟ ଅଫିସ ଟାଇମ ଡିପୋଜିଟ

ଏହା ବ୍ୟାଙ୍କ FD ତୁଳନାରେ ଅଧିକ ନିର୍ଭରଯୋଗ୍ୟ। ୧, ୨, ୩ କିମ୍ବା ୫ ବର୍ଷ ପାଇଁ ବିନିଯୋଗ କରିପାରିବେ। ୧ ବର୍ଷ ପାଇଁ ୬.୯%, ୨ ଓ ୩ ବର୍ଷ ପାଇଁ ୭%, ଏବଂ ୫ ବର୍ଷ ପାଇଁ ୭.୫% ସୁଧ ମିଳେ। ମାତ୍ର ୧,୦୦୦ ଟଙ୍କାରୁ ଆରମ୍ଭ କରନ୍ତୁ। ୫ ବର୍ଷ ଯୋଜନାରେ ଟିକସ ଛାଡ଼ ମିଳେ।

ନ୍ୟାସନାଲ ସେଭିଙ୍ଗ୍ସ ସାର୍ଟିଫିକେଟ (NSC)

ଏହା ଏକ ନିଶ୍ଚିତ ଆୟ ଯୋଜନା। ୭.୭% ସୁଧ ସହିତ ୫ ବର୍ଷ ପାଇଁ ଚାଲେ। ୧,୦୦୦ ଟଙ୍କାରୁ ଆରମ୍ଭ କରିପାରିବେ। ସରକାରୀ ଗ୍ୟାରେଣ୍ଟି ଓ ସେକ୍ସନ ୮୦C ଅଧୀନରେ ଟିକସ ଛାଡ଼ ମିଳେ।

ନିକଟସ୍ଥ ପୋଷ୍ଟ ଅଫିସକୁ ଯାଆ ସଂପୃକ୍ତ ଅଧିକାରୀଙ୍କ ବାବଦରେ ଆଲୋଚନା କରି ଅଧିକ ସୂଚନା ଗ୍ରହଣ କରି ନିବେଶ କରନ୍ତୁ।