ଢେଙ୍କାନାଳ: ଢେଙ୍କାନାଳ ଜିଲ୍ଲାରୁ ଏକ ଆଶ୍ଚର୍ଯ୍ୟ ଘଟଣା ସାମ୍ନାକୁ ଆସିଛି। ଜିଲ୍ଲାର ମୁରୁଗା ଗାଁରେ ପୁତ୍ର ସନ୍ତାନ ଜନ୍ମ ନ କରିପାରିବାରୁ ଜଣେ ବ୍ୟକ୍ତି ତାଙ୍କ ସ୍ତ୍ରୀ ଏବଂ ୧୫ ଦିନର ନବଜାତ ଶିଶୁ ସମେତ ପାଞ୍ଚ ଝିଅଙ୍କୁ ଘରୁ ବାହାର କରି ଦେଇଥିବା ଖବର ମିଳିଛି।
ପୀଡ଼ିତା ସୁଲୋଚନା ନାୟକ ୧୪ ବର୍ଷ ପୂର୍ବେ ଚୈତନ୍ୟଙ୍କୁ ବିବାହ କରିଥିଲେ ଏବଂ ସେମାନେ ସେଠାରେ ତାଙ୍କ ମାମୁ ଘରେ ରହୁଥିଲେ। ପରବର୍ତ୍ତୀ ସମୟରେ ଝିଅ ଜନ୍ମ ହେବାରୁ ସେ
ସୁଲୋଚନାଙ୍କୁ ବହୁ ଅତ୍ୟାଚାର କରୁଥିବା ନେଇ ମଧ୍ୟ ଅଭିଯୋଗ ହୋଇଥିଲା। ତେବେ ପଞ୍ଚମ ଝିଅ ଜନ୍ମ ହେବା ପରେ ପରିସ୍ଥିତି ଆହୁରି ଖରାପ ହୋଇଯାଇଥିଲା। ଏପରିକି ଚୈତନ୍ୟ ପତ୍ନୀଙ୍କ ସହ ତାଙ୍କର ସମସ୍ତ ପିଲାଙ୍କୁ ଘରୁ ବାହାର କରିଦେଇଥିଲେ।
ଯାହାଫଳରେ ସେମାନଙ୍କୁ ଶନିବାର ରାତି ଭୁବନ କମ୍ୟୁନିଟି ହେଲ୍ଥ ସେଣ୍ଟର (ସିଏଚସି)ର ବାରଣ୍ଡାରେ ବିତାଇବାକୁ ପଡ଼ିଥିଲା। ପରେ ଏହା ଦେଖି ସ୍ୱାସ୍ଥ୍ୟ କର୍ମୀ ମାନେ ମାନବାଧିକାର କର୍ମୀମାନଙ୍କୁ ଜଣାଇଥିଲେ ଓ ଜିଲ୍ଲା ପ୍ରଶାସନ ସହିତ ଆଲୋଚନା ପରେ ସେମାନଙ୍କୁ ଗଣ୍ଡିଆ ଅଞ୍ଚଳର ଏକ ସ୍ୱଧାର କେନ୍ଦ୍ର (ପୁନଃନିବାସ ଗୃହ)କୁ ସ୍ଥାନାନ୍ତର କରାଯାଇଥିଲା।
ଚୈତନ୍ୟ ଅନ୍ୟ ଜଣେ ମହିଳାଙ୍କ ସହିତ ସମ୍ପର୍କ ରଖିବା ସହ ଝିଅ ଜନ୍ମ ହେବାପରେ ସୁଲୋଚନାଙ୍କୁ ନିର୍ଯାତନା ଦେଉଥିବା ନେଇ ସୁଲୋଚନାଙ୍କ ମା ଅଭିଯୋଗ କରିଛନ୍ତି। ତେବେ ସେ ଭୁବନ ପୋଲିସ ଷ୍ଟେସନରେ ଅଭିଯୋଗ କରିଥିଲେ ମଧ୍ୟ ସେମାନେ ଏପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିବା ଅଭିଯୋଗ ହୋଇଛି। ସେ ଝିଅ ଏବଂ ନାତୁଣୀ ମାନଙ୍କ ପାଇଁ ନ୍ୟାୟ ଚାହୁଁଛନ୍ତି ବୋଲି କହିଛନ୍ତି।
Comments are closed.