ଧର୍ମେନ୍ଦ୍ରଙ୍କ ବ୍ୟକ୍ତିଗତ ଜୀବନରେ ବି ଘଟିଥିଲା ‘ଗଦର’ ଭଳି ପ୍ରେମ କାହାଣୀ.. ଜାଣନ୍ତୁ ସେହି ପାକିସ୍ତାନୀ ଝିଅଟି କିଏ?

ମୁମ୍ବାଇ: ଭାରତୀୟ ସିନେମାର ସବୁଠାରୁ ପ୍ରିୟ ଏବଂ ଦମଦାର ଅଭିନେତାମାନଙ୍କ ମଧ୍ୟରୁ ଜଣେ ଧର୍ମେନ୍ଦ୍ର। ତାଙ୍କର ଆଜି ୮୯ ବର୍ଷ ବୟସରେ ପରଲୋକ ହୋଇଯାଇଛି। ଦୀର୍ଘ ଦିନ ଧରି ଅସୁସ୍ଥତା ହେତୁ ତାଙ୍କୁ କିଛି ଦିନ ପୂର୍ବରୁ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିଲା। ଯେତେବେଳେ ତାଙ୍କ ଅବସ୍ଥାରେ କୌଣସି ଉନ୍ନତି ଘଟିଲା ନାହିଁ, ତାଙ୍କୁ ହସ୍ପିଟାଲରୁ ଡିସଚାର୍ଜ କରି ଘରକୁ ନିଆଯାଇଥିଲା। ସେଠାରେ ଚିକିତ୍ସା ଜାରି ରହିଥିଲା। କିନ୍ତୁ ଚିକିତ୍ସାଧିନରେ ତାଙ୍କର ମୃତ୍ୟୁ ଘଟିଛି। ଧର୍ମେନ୍ଦ୍ର ଯେତେବେଳେ ଯୁବକ ଥିଲେ ସେହି ସମୟରେ ସେ ବହୁତ ରୋମାଣ୍ଟିକ୍ ବ୍ୟକ୍ତି ଥିଲେ। ତେବେ ଆସନ୍ତୁ ଜାଣିବା ଧର୍ମେନ୍ଦ୍ରଙ୍କ ବ୍ୟକ୍ତିଗତ ଜୀବନ ବିଷୟରେ…

ସମସ୍ତେ ଧର୍ମେନ୍ଦ୍ରଙ୍କ ଦୁଇ ପ୍ରେମ ବିଷୟରେ ଜାଣନ୍ତି। ପ୍ରକାଶ କୌର ଏବଂ ହେମା ମାଳିନୀ। କିନ୍ତୁ ତାଙ୍କର ପ୍ରଥମ ପ୍ରେମ ବିଷୟରେ ହୁଏତ ବହୁତ କମ ଲୋକେ ଜାଣିଥିବେ। ତାଙ୍କର ପ୍ରଥମ ପ୍ରେମ ବହୁତ ଗଭୀର ଥିଲା। ଏହି କାହାଣୀ ହେଉଛି ହମିଦାଙ୍କର। ହମିଦା ସେହି ଝିଅ, ଯାହାଙ୍କ ହସ ଧର୍ମେନ୍ଦ୍ରଙ୍କୁ କିଶୋର ଅବସ୍ଥାରେ ପ୍ରେମର ପ୍ରକୃତ ଅର୍ଥ ଶିଖାଇଥିଲା। ଏହା ଏପରି ଏକ ସମୟ ଥିଲା ଯେତେବେଳେ ସାରା ବିଶ୍ୱରେ ଯୁଦ୍ଧ ପରିସ୍ଥିତି ଥିଲା। ସେହି ସମୟରେ ଭାରତ ଏବଂ ପାକିସ୍ତାନର ବିଭାଜନ ଲକ୍ଷ ଲକ୍ଷ ଲୋକେ ବାଣ୍ଟି ହୋଇଯାଇଥିଲେ। ଆଉ ଧର୍ମେନ୍ଦ୍ରଙ୍କ ପ୍ରଥମ ପ୍ରେମ ତାଙ୍କୁ ଏହି ଦେଶର ଅଶାନ୍ତି ମଧ୍ୟରେ ଛାଡ଼ି ଚାଲିଗଲା।

ଧର୍ମେନ୍ଦ୍ର ପ୍ରଥମେ ହମିଦାଙ୍କୁ ତାଙ୍କ ସମ୍ପର୍କୀୟଙ୍କ ଗାଁରେ ଦେଖିଲେ। ମୁହଁରେ ସୁନ୍ଦର ହସ, ଏକ ଦ୍ୱିଧାପୂର୍ଣ୍ଣ ନୀରବତା ଧର୍ମେନ୍ଦ୍ରଙ୍କ ମନକୁ ବେଶ୍ ଛୁଇଁଥିଲା। ସେବେଠାରୁ ଉଭୟଙ୍କର ପ୍ରଥମ ପ୍ରେମ ଆରମ୍ଭ ହୋଇଥିଲା। ହମିଦା ସ୍କୁଲରୁ ଫେରିବା ବେଳେ ଧର୍ମେନ୍ଦ୍ର ତାଙ୍କ ଅପେକ୍ଷା କରୁଥିଲେ କେବଳ ଟିକିଏ ଝଲକ ପାଇଁ। ସେହି ସମୟରେ କୌଣସି ସାକ୍ଷାତ ନଥିଲା। କେବଳ ସେହି ପୁରୁଣା, କୋମଳ, ସ୍ପନ୍ଦନଶୀଳ ପ୍ରେମରେ ଜିଉଁଥିଲେ ସେହି ସମୟରେ ଲୋକେ। ଆଉ ଧର୍ମେନ୍ଦ୍ର ମଧ୍ୟ ସେମାନଙ୍କ ମଧ୍ୟରୁ ଜଣେ ଥିଲେ।

କିନ୍ତୁ ଭାରତ ଓ ପାକିସ୍ତାନ ବିଭାଜନ ହେବା ପରେ ହମିଦା ତାଙ୍କ ପରିବାର ସହିତ ସିନ୍ଧୁ ଚାଲିଗଲେ, ଏବଂ ଧର୍ମେନ୍ଦ୍ର ନିଜ ସ୍ଥାନରେ ରହି ଗଲେ। ଏକ ଭାଙ୍ଗିଯାଇଥିବା ହୃଦୟ ସହିତ। ଧର୍ମେନ୍ଦ୍ରଙ୍କ ବ୍ୟକ୍ତିଗତ ଜୀବନରେ ବି ଘଟିଗଲା ‘ଗଦର’ ଭଳି ପ୍ରେମ କାହାଣୀ। ପରେ ସେ ଏକ କବିତାରେ ଏହି ଯନ୍ତ୍ରଣା ପ୍ରକାଶ କରିଥିଲେ।

ଧର୍ମେନ୍ଦ୍ରଙ୍କ ଦ୍ୱିତୀୟ ପ୍ରେମ

ଜୀବନ ତାଙ୍କୁ ଦୁଇଥର ପ୍ରେମ ଦେଇଥିଲା। ଚଳଚ୍ଚିତ୍ରରେ ପ୍ରବେଶ କରିବା ପୂର୍ବରୁ, ଧର୍ମେନ୍ଦ୍ର ୧୯୫୪ ମସିହାରେ ୧୯ ବର୍ଷ ବୟସରେ ପ୍ରକାଶ କୌରଙ୍କୁ ବିବାହ କରିଥିଲେ। ସେମାନେ ଯୁବ ଥିଲେ, ସେମାନଙ୍କର ଦାୟିତ୍ୱ ଅନେକ ଥିଲା, କିନ୍ତୁ ସେମାନଙ୍କର ପ୍ରେମ ଆହୁରି ବଡ଼ ଥିଲା। ସେମାନଙ୍କର ଚାରୋଟି ସନ୍ତାନ ଥିଲେ: ସନି ଦେଓଲ, ବବି ଦେଓଲ, ବିଜେତା ଏବଂ ଅଜିତା। ୧୯୭୦ ମସିହାରେ, ଧର୍ମେନ୍ଦ୍ର ହେମା ମାଳିନୀଙ୍କୁ ଫିଲ୍ମ “ତୁମ୍ ହସିନ୍ ମୈଁ ଜବାନ” ସେଟରେ ଭେଟିଥିଲେ। ଏହା କେବଳ ଆକର୍ଷଣ ନଥିଲା; ଏହା ଏକ ସମ୍ପର୍କ ଥିଲା ଯାହା ଉଭୟଙ୍କ ଜୀବନକୁ ସବୁଦିନ ପାଇଁ ବଦଳାଇ ଦେଇଥିଲା। ଧର୍ମେନ୍ଦ୍ର ବିବାହିତ ଥିଲେ, ତଥାପି ସେ ହେମାଙ୍କ ପ୍ରମରେ ପାଗଳ ହୋଇ ପ୍ରଥମ ପତ୍ନୀଙ୍କୁ ଛାଡପତ୍ର ଦେବାକୁ ବାଧ୍ୟ ହୋଇଥିଲେ। ପ୍ରକାଶ ଧର୍ମେନ୍ଦ୍ରଙ୍କୁ ଛାଡପତ୍ର ଦେବାକୁ ମନା କରିଥିଲେ, ତେଣୁ ଧର୍ମେନ୍ଦ୍ର ଇସଲାମ ଧର୍ମ ଗ୍ରହଣ କରି ପୁନଃବିବାହ କରିଥିଲେ। ହେମା ମାଳିନୀଙ୍କ ସହିତ ତାଙ୍କର ଦୁଇଟି ଝିଅ ଅଛନ୍ତି: ଇଶା ଦେଓଲ ଏବଂ ଅହାନା ଦେଓଲ।