ଓଟାୱା: କାନାଡାର ଓଣ୍ଟାରିଓ ପ୍ରଦେଶରେ ଏକ ଭୟଙ୍କର ଅଗ୍ନିକାଣ୍ଡ ଘଟିଚି । ଯେଉଁଥିରେ ଜଣେ ଭାରତୀୟ ନାଗରିକଙ୍କ ସମେତ ପାଞ୍ଚ ଜଣଙ୍କର ମୃତ୍ୟୁ ହୋଇଛି । ଏହି ଅଗ୍ନିକାଣ୍ଡ ବ୍ରାମ୍ପଟନରେ ଘଟିଥିଲା । ଟୋରଣ୍ଟୋରେ ଥିବା ଭାରତୀୟ କନସୁଲେଟ୍ ଜେନେରାଲ କହିଛନ୍ତି ଯେ, ଏହା ଅଗ୍ନିକାଣ୍ଡରେ ପ୍ରଭାବିତ ପରିବାର ସହିତ ଯୋଗାଯୋଗ କରିଛି । ଭାରତୀୟ ଦୂତାବାସ ପ୍ରଭାବିତ ପରିବାରକୁ ସମସ୍ତ ପ୍ରକାରର ସହାୟତା ଯୋଗାଇ ଦେଉଛି ।
ଭାରତୀୟ କନସୁଲେଟ୍ ଜେନେରାଲ୍ ଏକ୍ସରେ ଏକ ପୋଷ୍ଟରେ କହିଛନ୍ତି, “ବ୍ରାମ୍ପଟନ୍ ରେ ଘଟିଥିବା ଭୟଙ୍କର ଅଗ୍ନିକାଣ୍ଡ ଘଟଣାରେ ଭାରତୀୟ ନାଗରିକଙ୍କ ମୃତ୍ୟୁରେ ଆମେ ଗଭୀର ଦୁଃଖିତ । କନସୁଲେଟ୍ ଜେନେରାଲ୍ ଶୋକସନ୍ତପ୍ତ ପରିବାର ପ୍ରତି ସମବେଦନା ଜଣାଇବା ସହିତ ଏହି ଦୁଃଖର ମୁହୂର୍ତ୍ତରେ ସେମାନଙ୍କ ସହିତ ଠିଆ ହୋଇଛନ୍ତି ।
ସମ୍ପୂର୍ଣ୍ଣ ଘଟଣାର ତଦନ୍ତ ଅଣ୍ଟାରିଓ ଅଗ୍ନିଶମ ମାର୍ଶାଲଙ୍କ କାର୍ଯ୍ୟାଳୟ ଦ୍ୱାରା କରାଯାଉଛି । କନଷ୍ଟେବଳ ଟାଇଲର୍ ବେଲ୍ କହିଛନ୍ତି ଯେ ତିନି ଜଣ ମହିଳା ଏବଂ ଜଣେ ଶିଶୁ ସମେତ ଚାରି ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି । ସ୍ଥାନୀୟ ନ୍ୟୁଜ୍ କହିଛି ଯେ, ହସ୍ପିଟାଲକୁ ନିଆଯାଇଥିବା ଲୋକଙ୍କ ମଧ୍ୟରୁ ଜଣେ ଗର୍ଭବତୀ ମହିଳା ଥିଲେ ଏବଂ ଶିଶୁକୁ ଜନ୍ମ ଦେବା ପାଇଁ ତାଙ୍କର ଜରୁରୀକାଳୀନ ଅସ୍ତ୍ରୋପଚାର କରାଯାଇଥିଲା, କିନ୍ତୁ ଶିଶୁଟିର ମୃତ୍ୟୁ ହୋଇଥିଲା । ଗର୍ଭବତୀ ମହିଳା ନିଆଁରୁ ରକ୍ଷା ପାଇବା ପାଇଁ ଝରକା ଦେଇ ଡେଇଁ ପଡ଼ି ଆହତ ହୋଇଥିଲେ । କନଷ୍ଟେବଳ କହିଛନ୍ତି ଯେ ହସ୍ପିଟାଲରେ ଭର୍ତ୍ତି ହୋଇଥିବା ଅନ୍ୟ ଚାରି ଜଣଙ୍କ ଅବସ୍ଥା ସ୍ଥିର ଅଛି, ଯଦିଓ କିଛି ଏବେ ବି ଗୁରୁତର ଅଛନ୍ତି ।
<iframe width=”560″ height=”315″ src=”https://www.youtube.com/embed/vLCFoSP8lgI?si=OA1EO1eeoaK_lNb_” title=”YouTube video player” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>
Comments are closed.