ନୂଆଦିଲ୍ଲୀ:ଆଫଗାନିସ୍ତାନ ନୂର ଅହମଦ ନୂରଙ୍କୁ (Senior Taliban member Mufti Noor Ahmad Noor)ନୂଆଦିଲ୍ଲୀସ୍ଥିତ ନିଜ ଦୂତାବାସରେ ନୂଆ ରାଜଦୂତ ନିଯୁକ୍ତ କରିଛି । ୨୦୨୧ ମସିହାରେ ଆଫଗାନିସ୍ତାନରେ ତାଲିବାନ ନିୟନ୍ତ୍ରଣ କରିବା ପରେ ଭାରତରେ କରାଯାଇଥିବା ଏହା ପ୍ରଥମ କୂଟନୈତିକ ନିଯୁକ୍ତି।
ସୂତ୍ର ଅନୁସାରେ, ଏହି ନିଷ୍ପତ୍ତି ଅକ୍ଟୋବର ୨୦୨୫ରେ ତାଲିବାନର କାର୍ଯ୍ୟକାରୀ ବୈଦେଶିକ ମନ୍ତ୍ରୀ ଅମିର ଖାନ ମୁତାକିଙ୍କ ଦିଲ୍ଲୀ ଗସ୍ତ ସମୟରେ ଭାରତ ଏବଂ ଆଫଗାନ ପ୍ରଶାସନ ମଧ୍ୟରେ ହୋଇଥିବା ଏକ ଚୁକ୍ତିର ପରିଣାମ।
ତାଲିବାନ କ୍ଷମତାକୁ ଆସିବା ପରେ ଏହା ଭାରତରେ ପ୍ରଥମ ସରକାରୀ କୂଟନୈତିକ ନିୟୋଜନ ହେବ। ଏହାକୁ ଭାରତ-ତାଲିବାନ ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ବିବେଚନା କରାଯାଉଛି।
ମୁଫତି ନୁର ଅହମଦ ନୁର ତାଲିବାନ ସରକାରଙ୍କ ବୈଦେଶିକ ବ୍ୟାପାର ମନ୍ତ୍ରଣାଳୟ (MFA)ର ଜଣେ ବରିଷ୍ଠ ଅଧିକାରୀ। ସେ ପୂର୍ବରୁ କାବୁଲରେ ଆଫଗାନ ବୈଦେଶିକ ବ୍ୟାପାର ମନ୍ତ୍ରଣାଳୟର ପ୍ରଥମ ରାଜନୈତିକ ବିଭାଗର ମହାନିର୍ଦ୍ଦେଶକ ଭାବରେ କାର୍ଯ୍ୟ କରିଥିଲେ। ଅକ୍ଟୋବର ୨୦୨୫ରେ ଅମିର ଖାନ ମୁତାକିଙ୍କ ଭାରତ ଗସ୍ତ ସମୟରେ, ନୁର ଅହମଦ ନୁର ତାଙ୍କ ପ୍ରତିନିଧିମଣ୍ଡଳର ଅଂଶ ଥିଲେ।