ନୂଆଦିଲ୍ଲୀ: ବିବିସି ଇଣ୍ଡିଆନ୍ ସ୍ପୋର୍ଟସଓମ୍ୟାନ୍ ଅଫ୍ ଦି ଇୟର ପୁରସ୍କାରର ବିଜେତା ଘୋଷଣା କରାଯାଇଛି। ଭାରତୀୟ ମହିଳା କ୍ରିକେଟ ଦଳର ଷ୍ଟାର ଖେଳାଳି ସ୍ମୃତି ମନ୍ଧାନାଙ୍କୁ ୨୦୨୫ ପାଇଁ ବିବିସି ଇଣ୍ଡିଆନ୍ ଶ୍ରେଷ୍ଠ ଖେଲାଳି ପୁରସ୍କାର ଦିଆଯାଇଛି। ମହିଳା ବିଶ୍ୱକପ-୨୦୨୫ରେ ଭାରତର ଐତିହାସିକ ବିଜୟରେ ତାଙ୍କର ଗୁରୁତ୍ୱପୂର୍ଣ୍ଣ ଭୂମିକା ପାଇଁ ତାଙ୍କୁ ସମ୍ମାନିତ କରାଯାଇଥିଲା।
ପୁରସ୍କାର ଗ୍ରହଣ କରିବା ପରେ, ସ୍ମୃତି ମନ୍ଧାନା ନିଜ ମତ ପ୍ରକାଶ କରିଛନ୍ତି। ସେ କହିଛନ୍ତି, “ମୋତେ ଏହି ପୁରସ୍କାର ଦେବା ପାଇଁ ବିବିସିକୁ ଧନ୍ୟବାଦ। ୨୦୨୫ ବର୍ଷ ବହୁତ ସ୍ୱତନ୍ତ୍ର ଥିଲା। ମୁଁ ଖୁସି ଯେ ମୁଁ ଦଳର ବିଜୟରେ ଯୋଗଦାନ ଦେଇପାରିଲି।”
ଚଳିତ ବର୍ଷ, ଏହି ପୁରସ୍କାର ପାଇଁ ପାଞ୍ଚ ଜଣଙ୍କ ମନୋନୀତ ହୋଇଥିଲେ: କ୍ରିକେଟର ହରମନପ୍ରୀତ କୌର, ସ୍ମୃତି ମନ୍ଧାନା, ଚେସ୍ ଖେଳାଳି ଦିବ୍ୟା ଦେଶମୁଖ, ସୁଟର ସୁରୁଚି ସିଂହ ଏବଂ ଆଥଲେଟ୍ ଜ୍ୟୋତି ୟାରାଜି। ଚେସ୍ ଗ୍ରାଣ୍ଡମାଷ୍ଟର ଦିବ୍ୟା ଦେଶମୁଖଙ୍କୁ ବିବିସି ଉଦୀୟମାନ ଖେଳାଳି ୨୦୨୫ ପୁରସ୍କାର ଏବଂ ପାରା-ଆଥଲେଟ୍ ପ୍ରୀତି ପାଲଙ୍କୁ ୨୦୨୪ ପ୍ୟାରିସ୍ ପାରା-ସ୍ପୋର୍ଟସଓମ୍ୟାନ୍ ଅଫ୍ ଦି ଇୟର ପୁରସ୍କାର ମିଳିଛି।
ସୋମବାର ଆୟୋଜିତ ଏକ ଚମତ୍କାର ଉତ୍ସବରେ ଦେଶ ସାରା ଅନେକ ମହିଳା ଖେଳାଳିଙ୍କୁ ସେମାନଙ୍କ ଉତ୍କୃଷ୍ଟ ପ୍ରଦର୍ଶନ ପାଇଁ ସମ୍ମାନିତ କରାଯାଇଥିଲା। ସ୍ମୃତି ମନ୍ଧାନା ବର୍ତ୍ତମାନ ଭାରତୀୟ ଦଳ ସହିତ ଅଷ୍ଟ୍ରେଲିଆ ଗସ୍ତ କରୁଛନ୍ତି, ଯେଉଁଠାରେ ଦଳ ଏକ ବହୁ-ଫର୍ମାଟ୍ ସିରିଜ୍ ଖେଳୁଛନ୍ତି। ଏକ ଭିଡିଓ ବାର୍ତ୍ତାରେ, ସେ ଏହି ସମ୍ମାନ ପାଇଁ ବିବିସିକୁ ଧନ୍ୟବାଦ ଦେଇ କହିଛନ୍ତି ଯେ ୨୦୨୫ ମହିଳା କ୍ରିକେଟ୍ ପାଇଁ ଏକ ଅତ୍ୟନ୍ତ ସ୍ୱତନ୍ତ୍ର ବର୍ଷ ଥିଲା ଏବଂ ସେ ଦଳର ବିଜୟରେ ଯୋଗଦାନ ଦେଇପାରି ଖୁସି।