Best foods to eat in IBS: IBS ଦ୍ୱାରା କଷ୍ଟ ପାଉଛନ୍ତି କି ? ଏହି ଖାଦ୍ୟ ଦୂର କରିବ ସମସ୍ୟା…

ଭୁବନେଶ୍ବର: ପେଟ ଖରାପ ସହିତ ଜଡିତ ଅନେକ ସ୍ୱାସ୍ଥ୍ୟ ସମସ୍ୟା ରହିଛି, ଯେଉଁଥିରୁ ଗୋଟିଏ ହେଉଛି IBS ।ଯାହାକୁ ଡାକ୍ତରୀ ଭାଷାରେ ଇରିଟେବ୍ଲ ବାୱେଲ ସିଣ୍ଡ୍ରୋମ କୁହାଯାଏ। ଆପଣଙ୍କର କ୍ରମାଗତଭାବେ ପେଟ ଯନ୍ତ୍ରଣା, ଗ୍ୟାସ୍,ପେଟ ଫୁଲିବା, କିମ୍ବା ବାରମ୍ବାର ବାଥରୁମ୍ ଯାଉଛନ୍ତି , ତେବେ ଏହା ଇରିଟେବଲ୍ ବାୱେଲ୍ ସିଣ୍ଡ୍ରୋମର ଲକ୍ଷଣ ହୋଇପାରେ। ପାଚନ ପ୍ରଣାଳୀକୁ ପ୍ରଭାବିତ କରୁଥିବା ସମସ୍ୟା IBS, ଅନ୍ତନଳୀର ଏକ ସମସ୍ୟା। ଯେତେବେଳେ ଆମେ ଖାଉ, ମାଂସପେଶୀ ସଙ୍କୁଚିତ ହୁଏ। ଯଦି ଏହି ସଙ୍କୋଚନ ଅତ୍ୟଧିକ ହୁଏ, ତେବେ ଗ୍ୟାସ୍ ହୋଇଥାଏ , ଯାହା ଡାଇରିଆ କିମ୍ବା କୋଷ୍ଠକାଠିନ୍ୟର କାରଣ ହୁଏ। ଏହି ଅବସ୍ଥାକୁ ଇରିଟେବ୍ଲ ବାୱେଲ୍ ସିଣ୍ଡ୍ରୋମ୍ କୁହାଯାଏ।

IBSରେ ପୀଡିତ ହେଲେ, ଖାଦ୍ୟରେ କେଉଁ ଖାଦ୍ୟ ସାମିଲ କରିବା ଉଚିତ ଏବଂ କେଉଁ ଖାଦ୍ୟ ନୁହେଁ ତାହା ଉପରେ ବିଶେଷ ଧ୍ୟାନ ଦେବା ଉଚିତ। ଯଦି ଆପଣଙ୍କର IBS ଅଛି ତେବେ ଆୟୁର୍ବେଦରେ ଏପରି କିଛି ଖାଦ୍ୟ ବିଷୟରେ କୁହାଯାଇଛି ଯାହା ଆପଣଙ୍କୁ ଏହି ସମସ୍ୟାରୁ ରକ୍ଷା କରିପାରିବ।

ତେବେ ଆପଣ ଇରିଟେବଲ୍ ବାୱେଲ୍ ସିଣ୍ଡ୍ରୋମ୍ (IBS)ରେ ପୀଡିତ କି ? ଆୟୁର୍ବେଦିକ ବିଶେଷଜ୍ଞ ଡକ୍ଟର ଦୀକ୍ଷା ଭାଭସାର ସାୱାଲିଆ ଇନଷ୍ଟାଗ୍ରାମରେ ସେୟାର କରିଛନ୍ତି ଯେ ଯଦି ଆପଣଙ୍କର IBS ଅଛି ତେବେ କେଉଁ ଖାଦ୍ୟ ଖାଇବା ଉଚିତ। ବିଶେଷଜ୍ଞଙ୍କ ଅନୁଯାୟୀ, ଆମକୁ ଭାତ ଖାଇବା ଉଚିତ କାରଣ ଏହା ହଜମ କରିବା ସହଜ ଏବଂ ବାତ ଏବଂ କଫକୁ ଶାନ୍ତ କରିଥାଏ। ଭାତକୁ ଭିଜାଇ ପରେ ଫୁଟାଇ ଖାଆନ୍ତୁ। ଘିଅ ଏବଂ ମୁଗ ଡାଲି ସହିତ ଖାଇବା ଭଲ।

ଆୟୁର୍ବେଦ ଅନୁସାରେ, ବେଲ ବାତ ଏବଂ କଫକୁ ଶାନ୍ତ କରେ। IBS କାରଣରୁ ଡାଇରିଆ ହେଉଥିବା ଯେକୌଣସି ବ୍ୟକ୍ତି ବେଲ ପଣା ପିଇବା ଉଚିତ। ଏହା ପ୍ରଦାହ ହ୍ରାସ କରେ ଏବଂ ପାଚନ ପ୍ରକ୍ରିୟାକୁ ଉନ୍ନତ କରେ। ବେଲ ଆମର ଅନ୍ତନଳୀକୁ ମଧ୍ୟ ମଜବୁତ କରେ।

ସେହିପରି ଘୋଳଦହି ଏକ ସୁସ୍ଥ ପାଚନ ପ୍ରଣାଳୀ ବଜାୟ ରଖିବାରେ ସାହାଯ୍ୟ କରେ। ଏହା ଅନ୍ତନଳୀର ବ୍ୟାକ୍ଟେରିଆକୁ ସନ୍ତୁଳିତ କରିବା, ଗ୍ୟାସ୍ କମ କରିବା ଏବଂ ଭାରୀପଣ ଦୂର କରିବା ପାଇଁ ସର୍ବୋତ୍ତମ। ଦହି ଫେଣ୍ଟନ୍ତୁ, ଭଜା ଜିରା ଏବଂ କଳା ଲୁଣ ମିଶାନ୍ତୁ ଏବଂ ଏହାକୁ ପ୍ରତିଦିନ ପିଅନ୍ତୁ।

ଆହୁରି ମଧ୍ୟ ମୁଗ ଡାଲି ପେଟ ପାଇଁ ଅତ୍ୟନ୍ତ ଲାଭଦାୟକ । ଏହି ହାଲୁକା ଖାଦ୍ୟ ଖାଇବା ଦ୍ୱାରା ଶରୀରରେ ବିଷାକ୍ତ ପଦାର୍ଥ ହ୍ରାସ ପାଇଥାଏ ଏବଂ ପେଟ ଫୁଲିବା ରୋକିଥାଏ। ଏହାକୁ ଆୟୁର୍ବେଦିକ ଉପାୟରେ ଖାଇବା କୁ ହେଲେ, ହେଙ୍ଗୁ ଏବଂ ଜିରା ସହିତ ତିଆରି କରନ୍ତୁ। ଆପଣ ଏହାକୁ ଭାତ ସହିତ ମଧ୍ୟ ଖାଇପାରିବେ।