ଭୁବନେଶ୍ବର: ପ୍ରତିଦିନ ଦାନ୍ତ ଘଷିଲେ ମଧ୍ୟ କିଛିଜଣଙ୍କ ଦାନ୍ତ କ୍ଷୟ ହୋଇଥାଏ । ତେବେ ଆପଣ ଏହାର କାରଣ ଜାଣିଛନ୍ତି କି ? କାରଣ ଦାନ୍ତ ଘଷିବା ଦ୍ଵାରା କ୍ୟାବିଟି ହେବ ନାହିଁ ବୋଲି ନିଶ୍ଚିତ ନୁହେଁ। ଏହା ସହିତ ଆହୁରି ଅନେକ ଜିନିଷ ଉପରେ ଧ୍ୟାନ ଦେବାକୁ ପଡିଥାଏ ।
କ୍ୟାବିଟି କାହିଁକି ହୁଏ, ଏହାର ଲକ୍ଷଣ, କାରଣ ଏବଂ ପ୍ରତିରୋଧ ବିଷୟରେ ଲେଡି ହାର୍ଡିଞ୍ଜ ମେଡିକାଲ କଲେଜ ଏବଂ ଆସୋସିଏଟେଡ୍ ହସ୍ପିଟାଲର ମୁଖ ଏବଂ ଦନ୍ତ ଶଲ୍ୟଚିକିତ୍ସା ବିଭାଗର ଏଚ୍ଓଡି ଡାକ୍ତର ପ୍ରବେଶ ମେହେରା କଣ କହିଛନ୍ତି ଆସନ୍ତୁ ଜାଣିବା ।
ସେ କହିଛନ୍ତି ଯେ, ଆମକୁ ପ୍ରଥମେ ବୁଝିବାକୁ ପଡିବ ଯେ କ୍ୟାବିଟି କ’ଣ। କ୍ୟାବିଟି ଅର୍ଥ ଦାନ୍ତର ଉପର ସ୍ତର ଖରାପ ହେବା । ଯେତେବେଳେ ଦାନ୍ତରେ କ୍ଷତିକାରକ ଜୀବାଣୁ ବୃଦ୍ଧି ପାଏ ସେତେବେଳେ ଏହା ହୋଇଥାଏ । ଯଦି ସମୟ ମଧ୍ୟରେ ଏହାର ଯତ୍ନ ନନିଆଯାଏ, ତେବେ ଯନ୍ତ୍ରଣା ହୋଇଥାଏ ଏବଂ ଦାନ୍ତ ଭାଙ୍ଗି ମଧ୍ୟପାରେ ।
ଲୋକମାନେ କୁହନ୍ତି ଯେ ସେମାନେ ପ୍ରତିଦିନ ଦାନ୍ତ ଘଷନ୍ତି, କିନ୍ତୁ ତଥାପି ସେମାନଙ୍କର କ୍ୟାବିଟି ହୁଏ। ଏହା ହେବାର ଅନେକ କାରଣ ଅଛି।
ସଠିକ୍ ଭାବେ ବ୍ରଶ୍ ନକରିବା– ପ୍ରତିଦିନ କେବଳ ଦାନ୍ତ ଘଷିବା ଯଥେଷ୍ଟ ନୁହେଁ, ବରଂ ଏହାକୁ ସଠିକ୍ ଭାବରେ କରିବା ମଧ୍ୟ ଗୁରୁତ୍ୱପୂର୍ଣ୍ଣ। ଦିନକୁ ଅତି କମରେ ଥରେ ଦୁଇ ମିନିଟ୍ ପାଇଁ ଆପଣ ବ୍ରଶ କରନ୍ତୁ । ଡାହାଣରୁ ବାମ କିମ୍ବା ବାମରୁ ଡାହାଣ ନୁହେଁ ସବୁବେଳେ ଉପରରୁ ତଳକୁ ଦାନ୍ତ ଘଷନ୍ତୁ । ଏହି ଭଳି ଘଷିବା ଦ୍ବାରା ଆପଣଙ୍କ ଦାନ୍ତ ମଧ୍ୟରେ ଥିବା ମଇଳା ସଫା ହେଇଥାଏ ।
ଅଧିକ ମିଠା ଖାଇବା-ଯଦି ଆପଣ ଅତ୍ୟଧିକ ମିଠା ଖାଆନ୍ତି ଏବଂ ଏହା ପରେ ପାଟି ଧୁଆନ୍ତି ନାହିଁ କିମ୍ବା ଦାନ୍ତ ଘଷନ୍ତି ନାହିଁ, ତେବେ ଏହି ଚିନିଯୁକ୍ତ ଖାଦ୍ୟଗୁଡ଼ିକ ଆପଣଙ୍କ ଦାନ୍ତରେ ଲାଗି ରହିଥାଏ। ଏହାଦ୍ବାରା ଆପଣଙ୍କ ଦାନ୍ତରେ ଜୀବାଣୁ ବୃଦ୍ଧି ପାଏ ଏବଂ ଏସିଡ୍ ଉତ୍ପାଦନ କରେ, ଯାହା ଆପଣଙ୍କ ଦାନ୍ତକୁ କ୍ଷତି ପହଞ୍ଚାଇପାରେ ଏବଂ କ୍ୟାବିଟି ସୃଷ୍ଟି କରିପାରେ।
କ୍ୟାବିଟିର ପ୍ରାରମ୍ଭିକ ଲକ୍ଷଣଗୁଡ଼ିକ କ’ଣ?
-ଦାନ୍ତରେ ଗରମ ଏବଂ ଥଣ୍ଡା ଅନୁଭବ ହେବା
-ନିରନ୍ତର ହାଲୁକା ଯନ୍ତ୍ରଣା
-ଦାନ୍ତରେ କଳା ଦାଗ
-ପାଣି ପିଇବା ସମୟରେ ଯନ୍ତ୍ରଣା
-ଖାଦ୍ୟ ଖାଇବା ସମୟରେ ଯନ୍ତ୍ରଣା
କ୍ୟାବିଟି ଏଡାଇବାର ସହଜ ଉପାୟ:-
-ଦିନକୁ ଦୁଇଥର ଠିକ୍ ଭାବରେ ଦାନ୍ତ ଘଷନ୍ତୁ।
-ଏହା ସହିତ ପ୍ରତିଦିନ ଫ୍ଲସ୍ ବ୍ୟବହାର କରନ୍ତୁ।
-ମିଠା ଏବଂ ଜଙ୍କ୍ ଫୁଡ୍ କମ୍ ଖାଆନ୍ତୁ ।
-ଯଦି ଆପଣ ଦାନ୍ତରେ କୌଣସି ସମସ୍ୟା ଅନୁଭବ କରନ୍ତି, ତେବେ ଦନ୍ତ ଚିକିତ୍ସକଙ୍କ ସହିତ ପରାମର୍ଶ କରନ୍ତୁ।